1 Juan 4:18 - Buglere

¹⁸ Che ulita bai kaire Chubenu chége sugedale Chube no trate che ole malen che me mo ta dbadale kennga Chubedi ni tañachuge Chube be ji gbe tirare che giti che nu ageba me no gdale. Chube no no che ole malen Chube kle ta kennga jwen siere chege. Kwian bai kaire kle mo ta dbe kennga Chubedi, kwian enege me suge trate Chube ulia no ama ole Chube ama chudaboanga.

1 Juan 4:18 ပူးပေါင်းရင်းမြစ်များ

Mateo 9:34

Agwa kwian fariseo ulita kle ne ngwadi gerudu Jesudi: —Dolla chugagwalla kle kira kete amage, kira e giti ama kle ñage dolla na kage siere kwiange —kwian fariseo gerudu ene me no Jesudi.

Romanos 8:15

Ba Chube olia, Chube Oña me ba ta gbe kennga ba mo ta du kennga ngeru kare tañachuge Chube be ji gbe ba alin, me ene, Chube Oña ba ta gbe no Chube ole, ene Chube Oña giti suge trate bage Chube no ba ole Chube ba gau mo oliale, ene ba gerule Chube ole ta me kennga ole: “Chube, ba cha Ñenua.”

2 Timoteo 1:7

Chube mo Oña ketu chege lle boadale no Chube alin, Chube me mo Oña ketu chege mo ta dbadale kennga lle boi Chube alin. Diali Chube Oña kle che ole che ta gbe kiraske, ama che ta gbe no Chube ole kwian ole, kaire ama che ta gbe age no ama takalin kare me che ta agekalin kare.

Hebreos 12:28

Che ulita Chube gerua gau ulia Chube be che gbe toi nga no trate nga ngaña gitige diali chui tangle, nga e ama be kete chege mi joge blitaba ngeru kare, nga e be chege che alin diali toingwa. Malen chedi nga sugadale no diali gerule no Chube kle age no che alin giti kaire che gerudale no Chube giti nga suga no no ole ama gai dage ulia ta no ole ama takalin che ama gai dage kare.

Santiago 2:19

Ba ulita kle gerule Chube gdaitre alin ulia allabi kle, e giti ba kle tañachuge trate, agwa tañachuge e kare giti alin allabi me kle gerule ba kle mo ta gbe ulia Chube gdaitre alin ole. Cha gerule ba ole, che dolla Satanás chudaboangalla ulitage suge trate Chube gdaitre alin ulia kle, ama ulita kle kennga tanre Chubedi ama kle jirenga Chube chrullale ama kle age me no giti, agwa ama me no Chube ole.

1 Juan 4:12

Chubedi ni bitaite che nu gwageba agwa che mo ta gbe no daba ole toi no daba ole ongoru ongoru Chube takalin che toi kare, gire ene suge chege ulia Chube Oña kle toi che tale che ta gbe ma no gwangerugu chui kaire kairege, kaire che mo ta gbe no daba ole diali, ene nga suga noare Chubedi ama talla no kle che ta gbe toi age no trate ama takalin kare.