1 Juan 3:23 - Buglere

²³ Chube geru jigu gbaba che alin ulita, geru e kle gerule ene: Che Chube Kirolla Jesucristo gadale ulia mo Chugagwallale kaire agwe che mo ta dbadale no diali daba ole ulita ongoru ongoru Chube che gbu age kare ulita.

1 Juan 3:23 ပူးပေါင်းရင်းမြစ်များ

Mateo 22:39

Agwa kaire agwe geru na gbabokedale kweri ba gbadale gdadi, geru e kle gerule: “Ba mo ta dbadale no daba na ulita ole salengwli ba no mo ole naskuni kare.”

Marcos 9:7

Pedro kledu gerule ene Jesu ole gire bogakwa jutre chra gwadetranga chku blikare ama ulita giti, ama ulita chegu bogakwaske gire bogakwaske Chube kerua sugedu ama ologe gerule: “Ai cha Kirolla, cha no no ama ole. Ba ulita ama keruchugadale no, ba mo ta gbadale ama kerua gbe gdadi no diali.”

Juan 1:12

Agwa kwian bai kaire ama gau ngwange no kwian ama gau ulia, ama kwian ene gbu Chube oliale.

Juan 13:34

Cha be geru ai jagere kete ba ulitage, ba geru ai gbe gdadi: Ba ulita mo ta dbadale no modi cha ta dbe no ba ulita ole kare, ulia ba mo ta dbadale ulita no modi daba ole.

Juan 14:1

Jesu gerudu ene Pedro ole gire Jesu gerudu dare kwian geru jwannga gdataboko giti gdaite ole: —Ba ulita me chegedale tañachuge tanre be boi giti, ba me ta dbadale kennga, ba me ta dbadale olire, ba mo ta gbadale Chube gai ma no, kaire ba mo ta gbadale cha gai ma no diali.

Juan 15:12

Cha geru ai gbu ba alin: Ba ulita mo ta dbadale no modi cha ta dbe no ba ulita ole kare.

Juan 17:3

Kwian ba gadale Chube gdaitre alin ulia, kaire kwian cha gadale ulia ba Kirolla Jesucristo, ba cha kagu nga dba ai giti, kwian cha uñe ene kaire kwian ba uñe, e giti kwian toi diali chui tangle.

Juan 2:23

Jesu kledu Pascua chuia ollade ule kwian israelita ulita ole una Jerusalénge, chui ege Jesu lle tanre daga ngwale no dodadu Chube kiralla giti kwian me ñage dodade kare mo kiralla giti, e giti kwian tanre Jesu gau ulia, kwiange sugedu Chube ama kagu ama Cristo.

Juan 3:18

Kwian ulita bai kaire Chube Kirolla gai ulia me chege jiske dale age me no giti gdale, agwa kwian ulita bai kaire me Chube Kirolla gai ulia kwian ene chege jiske age me no giti diali, ama me Chube Kirolla gdaitre alin gai ulia Chube Kirollale mo jwanngale siere ji chugege age me no gdale,

Juan 6:29

Jesu gerudu kwian ulita ole: —Chube takalin ba ulita mo ta gbe ene: Chube nu cha kagaba, ba ulita cha gadale ulia mo tale, ene ba kle age Chube takalin kare.

Hechos 16:31

Pablo, Silas gerudu kwian skage mananga ole: —Ba mo ta gbadale Chugagwalla Jesu gai ulia ene ba kaire ba bitalla be tien gitiru ji chugege ba agedu me no gdale.

Efesios 5:2

Ba mo ta dbadale no daba ole diali daba chudaboi salengwli Cristo ta du no che ole kare. Cristo no no che ole, ta ene ole ama mo chugu ngwadi jogeda che agedu me no giti ene ama che jun siere ji chugege che agedu me no gdale. Cristo agedu ene che alin, e giti Chubedi nga suga noare, Chube gwage Cristo agedu no no kwian ulita alin. Che Chubenu mo ta gbadale age no Chube gwa giti ta dbe no daba na ulita ole.

1 Tesalonicenses 4:9

Ta dbe no modi daba Chubenu ulita ole, e giti cha me chada degadale, Chube kle ba ta gbe kle ba tke tangle ta dbe no modi daba ulita ole.

1 Timoteo 1:15

Jesucristo chiu nga dba ai giti kwian ulita jwen siere ta blite age no Chube takalin kare, ene kwian mi ji chuge bdagli agedu me no gdale. E ulia ulia malen kwian ulita geru e gadale ulia. Ñage gwage chadi, cha kwian gdaite agenga me no me no kwian na ulitage.

1 Pedro 1:22

Nege ba ulita geru Cristo giti gai dage, ba kle Chube gerua gbe gdadi, geru e ulia giti ba kle mo ta gbe joge siere age me noge mo ta gbe age no geru e gerule kare, ene geru e giti ba no no daba na Chubenu ole. Geru ulia giti ba ulita mo ta gbadale diali gwangerugu mo ta dbe ma no trate daba na ole.

1 Pedro 4:8

Ba ulita mo ta dbadale no ngle modi daba ole, ene daba na ñage age tanre me no ba dollale ba me skochie dabadi ba me daba mlienga, ta no tanre ole ba ñage daba agedu me no talla mlienga ulita diali, ta dbe age no ene daba ole e no no.

1 Juan 2:7

Cha bitalla ulita Jesucristo giti, cha gerule ba ole, ba mo ta dbadale no daba ole ongoru ongoru. Geru ai ulita cha kle dege ba alin geru ai me jagere dale, geru ai amaña sbalibi ba nu keruchugababi gwangeabi ba Jesucristo gerua gau uliabi gire.

1 Juan 3:11

Ulia geru ai jo ba tkaba tanglebi, geru ai ene: Che mo ta dbadale no daba na ulita ole diali, kaire daba mo ta dbadale no che ole diali, che ongoru ongoru mo ta dbadale no mo ole nga suga no ole diali, geru ai chége uñalebi.

1 Juan 4:15

Kwian bai kaire gerule Jesucristo giti Jesucristo Chube Kirolla, kwian ene tale Chube Oña kle toi Chube Oña kle ama ta gbe gerule ene no Jesucristo giti, kwian e kle mo ta gbe ulia toi Chube ole Chube kle toi ama tale.

1 Juan 4:21

Jesucristo geru jigu gbaba che alin mo ta dbe no daba ole giti, geru e gerule ene: Kwian bai kaire mo ta dbe no Chube ole kwian ene mo ta dbadale no kaire daba Chubenu ole.

1 Juan 5:13

Cha kle chada ai dege ba ulita alin bai kaire Chube Kirolla gai ulia mo Chugagwallale, ene suge trate bage ba ulita Chube Kirolla gaba ulia giti ba be toi diali chui tangle Chube ole nga ngaña giti.