1 Juan 3:16 - Buglere

¹⁶ Ulia Jesucristo mo ketu boalenga daga ngwale mo gwangeda che giti kwian agenga me noge, malen suge trate chege che mo ta dbadale no mine daba ole. Jesucristo mo ketu boalenga daga ngwale che ulita giti, e kare ene agwe che mo chugale ngwadi boi daga ngwale daba chudaboi giti Jesucristo agedu kare, che mo ta gbadale daba chudaboi no diali che ñage mangire batre kare.

1 Juan 3:16 ပူးပေါင်းရင်းမြစ်များ

Mateo 20:28

Ba ulita tañachugadale cha kle tañachuge kare, cha chiu nga dba ai giti kwian kare, cha me chiu kwian kagangale age no cha alin cha chudaboi, agwa cha chiu kwian ulita chudaboangale, cha chiu age no kwian alin kwian chudaboi, kaire cha chiu mo ketale gwaleda kwian ulita alin, ene cha jogeda giti cha kwian jwen siere ji chugege ama agedu me no gdale —Jesu gerudu ene ulita kwian geru jwannga amage ole.

Juan 10:11

Cha kwian bda oveja mananga no kare, cha age no kwian chanu alin, cha ama manade no kwian oveja mananga oveja maunu manade no kare, oveja mananga no oveja ole ama mo ta gbe jogeda oveja dolla kote oveja giti.

Juan 13:34

Cha be geru ai jagere kete ba ulitage, ba geru ai gbe gdadi: Ba ulita mo ta dbadale no modi cha ta dbe no ba ulita ole kare, ulia ba mo ta dbadale ulita no modi daba ole.

Juan 3:16

Chube no no kwian ulita ole, malen ama mo Kirolla gdaitre alin kagu nga dba ai giti kwian ulita alin, ene kwian ulita bai kaire Chube Kirolla gai ulia mi chege sugekare Chubege ji chuge, be toi no chui tangle diali Chube ole nga ngaña giti.

Hechos 20:28

Ba agali kwian Chubenu chugagwalla ulita chagedale ta giti, kaire ba kwian Chubenu na ulita manadale no ta giti. Chube Oña ba gau ba gbu kwian Chubenu manade, malen ba mo ta gbadale kwian Chubenu ulita manade no Chube gerua Jesu gitidi. Jesu jokeda giti kwian Jesu gau ulia kwian ene ulita Chubenu ba manadale no Chube geruadi.

Romanos 16:4

ama biri jogeda cha giti age cha alin, malen cha gerule no no ama ole ama agedu giti cha alin, me cha alin gerule no ene ama ole, kaire daba Chubenu ulita me israelita gerule no ama ole, nga suga no daba me israelitadi Prisca giti Aquila giti ama agedu giti cha alin, ene cha giti Jesucristo gerua ñadu joge chke kwian me israelitaske.

Romanos 5:8

Agwa Chube ma no che ole ulia, che ulita agenga me no gire Chube Cristo kagu jogedaleda che ulita giti, e giti suge chege Chube no che ole ulia.

2 Corintios 4:12

Cha mo ta gbu ene mo chuge ngwadi jogengaleda geru dbe giti ba ulitaske, ene cha giti ba ulita geru Jesu giti keruchugu ba ulita geru gau ulia ba ulita ta sugedu toi Jesu gerua ole ene ba be toi diali Chube ole chui tangle.

Efesios 5:2

Ba mo ta dbadale no daba ole diali daba chudaboi salengwli Cristo ta du no che ole kare. Cristo no no che ole, ta ene ole ama mo chugu ngwadi jogeda che agedu me no giti ene ama che jun siere ji chugege che agedu me no gdale. Cristo agedu ene che alin, e giti Chubedi nga suga noare, Chube gwage Cristo agedu no no kwian ulita alin. Che Chubenu mo ta gbadale age no Chube gwa giti ta dbe no daba na ulita ole.

Efesios 5:25

Ba onbre ulita mo jwanbale, ba nodale mo muira ole salengwli Cristo no kwian amanu ole kare. Cristo no no che ole malen Cristo mo chugu ngwadi boi daga ngwale gwaleda che ulita alin.

Filipenses 2:17

Cha geru Cristo giti du bage, ba geru Cristo giti gau ulia ba mo ta ketu Chubege, e giti nga suga noare badi kaire chadi. Kwian cha gweda Cristo gerua giti cha me tallade, nga suga noare chadi, ba ta dbadale ene kaire. Kwian be cha gweda o me, me uñale chage, agwa diali nga suga noare chadi Cristo ole.

Filipenses 2:30

Epafrodito mo ta gbu ulia lle boi no Cristo alin, ama cha chudabo mo tale, e giti ama ogadu biri jogeda. Ba agali ulita me ñadu kle aini cha ole cha chudaboi, agwa Epafrodito ñadu age ba alin ulita cha chudaboi.

1 Tesalonicenses 2:8

Cha noare ba ulita ole, malen cha geru Jesucristo giti du bage, me e alin, kaire cha kledu biale mo ta gbaba jogeda ba ulita giti geru dbe bage giti, cha no no ba ulita ole.

Tito 2:13

Che mo ta gbadale age ene no trate Jesucristo chieni chuia manade. Uñale chege Jesucristo be chieni ama gerudu kare, malen che kledale nga suga noare ole ama chieni chuia manade. Ama be chieni mo kirallaske, be chieni mo chrallaske, ama che Chubea kweri ama che jwannga siere ji chugege age me no gdale.

1 Pedro 1:18

Ba enusulian ulita unsuialin chagedu geru ngwale nate, ama me Chube uñu me uñadu amage Chube uñe mine, ama chegu jiske Chube gwage ama agedu me no giti. Chube ba ulita jun siere ba enusulian chagedu karege, nege ba Chube uñe Jesucristo giti, nege ba Chubenu. Ba ulitage uñale trate Chube me ba jun siere ji chugege age me no gdale oro giti ni igi giti, oro kaire igi me jage diali, Chube gwage oro kaire igi ngwale. Agwa Chube gwage Cristo no trate ulita ñanaske tanre, Cristo jage diali, Cristo alin giti Chube ba jun siere ji chugege ba age me no gdale. Cristo jokeda bitaitre alin ba age me no ulita giti bda cordero no no gwakle diali kare kwian israelita suiale kwian kle age me no kaire kaire giti.

1 Pedro 2:24

Cristo agali mo chugu ngwadi jogeda kruge che ulita alin che agedu me no giti, ama ji chugu che giti ene che ulita me chege jiske dare Chube gwage che agedu ulita me no giti. Cristo giti Chube che ta blitu, ene gwangerugu che age me no talla chugadale ngwadi che mo ta gbadale me jogeni naskuni age me no dare, ma no che mo ta gbadale diali toi age no Chube takalin kare. Ngeru ba ulita mo ta du diali age me no, e giti ba chegu jiske sugekare Chubege, agwa Cristo jokeda giti ba Chubenu ba chege trate Chube gwage.

1 Pedro 3:18

Cristo kaire ji chugu age no giti, Cristo jokeda che ulita agedu me no alin, ama che ulita agedu me no jia junnga bitaitre alin ulita, ene che ulita chege no Chube gwage ama gai ulia giti, ama gai ulia giti che ta chege no Chube ole. Cristo me jiske, ama me agedu me no ni sidri agwa ama jokeda kwian ulita agenga me no giti. Cristo jegwale alin ji chugu tanre daga ngwale kaire ama jokeda, agwa ama oña chegu gwade,

1 Juan 2:6

Kwian bai kaire gerule ama ta kle ule Chube ole ama Chubenu, kwian ene mo ta gbale chage no trate toi nga dba ai giti Jesucristo toidu trate no kwianske nga dba ai giti kare.

1 Juan 2:9

Kwian bai kaire kle gerule ama kle toi age no Chube gerua kle gerule kare agwa kwian ene me kle mo ta dbe no daba ole ulia, kwian ene me kle toi no Chube takalin kare ama kle chage toi nga jereske kare kle chage age me no Chube dollale salengwli kwian me Chube uñe kle chage age kare.

Apocalipsis 1:5

Kaire cha takalin Jesucristo age no ba alin ba ulita ta gbe nga suga no ole. Jesucristo kledu toi nga dba ai giti kwianske gire ama diali gerudu salengwli ulita ama Ñenua Chube ama kagu gerule kare. Jesucristo jokeda gire Chube ama jaba gbu chkeni gwade ngerutabi kwian jaba na darege, ama mi jogekeda dareni ama be chege toi chui tangle diali. Kaire ama kwian chugagwalla ulita nga dba ai giti Chugagwalla kweri. Jesucristo no che ulita ole, malen ama mo chugu ngwadi mo boange daga ngwale ama jokeda kruge che age me no giti. Che ama gerua gai ulia gire ene che tien gitiru ji chugege che agedu me no gdale.

Apocalipsis 5:9

Kwian mangire batre ulita kledu ne ngwadi ama ulita mo gatu biale geru no jagere giti Bda Cordero alin ene: “Cha ulita no ba ole. Ba ulia no trate malen ba ñage chada e gai kote lle chada gatagda gdaguke jwennga. Ba jo boaba daga ngwale gwabada kwian agedu me no giti. Ba boidu daga ngwale ba jokeda kruge kwian ulita alin ene kwian ulita ba gai ulia ñage chege Chubenu, ba agedu ene kwian chudalla ulita alin kaire kwian gerunga kwira ulita alin kaire kwian toinga nga ulitage alin. Ene ba jokeda giti kwian ulita ñage Chube uñe.