1 Juan 3:10 - Buglere

¹⁰ Kwian kle mo ta gbe age giti chke nate uñale chege trate ama Chubenu o ama che dolla Satanánu. Kwian bai kaire kle chage age me no, kwian kle age giti chke nate uñale chege ama me Chube oliale dale, ama che dolla Satanás oliale ama kle mo ta gbe agenga diali me no. Kaire kwian bai kaire me kle mo ta dbe no daba ole, e giti chke nate uñale chege ama kaire me Chube oliale dale, ama che dolla Satanás oliale.

1 Juan 3:10 ပူးပေါင်းရင်းမြစ်များ

Mateo 13:38

Nga dba ai ulita nga chude ngamale kare Chube gerua alin. Chude no, e kwian nu mo ta gbaba Chube gai mo Chugagwallale kare, kwian ene Chubenu be toi Chube ole. Giskanuma me no, e kwian me mo ta gbaba Chube gai mo Chugagwallale kare, kwian ene che dolla Satanánu.

Lucas 6:35

Ba me ñage tañachuge kwian ulita tañachuge kare, ba tañachugadale nganake. Ba mo ta dbadale no mo dolla ole age no ama alin diali. Ama lle gweale kade sugeti bage ba lle ketadale me tañachuge lle e gaini naskuni. Ba mo ta dbe ene mo dolla ole, bdagli nga ngaña giti Chube be lle noare kete bage age no ene ñanale, ba age ene ba kle age ba Ñenua Chube takalin kare, ulia ba Chube olia. Chube kweri, ama noare ulita, ama age no kwian ulita alin, me age no kwian no alin allabi, agwa kaire ama age no kwian me no alin, kwian me Chube uñe ni gerule no Chube ole Chube kle age no ama alin.

Juan 1:12

Agwa kwian bai kaire ama gau ngwange no kwian ama gau ulia, ama kwian ene gbu Chube oliale.

Juan 11:52

me kwian israelita chudalla alin allabi, kaire Jesu be jogeda kwian chudalla na ulita alin kle toi bate nga nage kaire kaire, ene Jesu giti kwian e ulita be chege mneitre alin bai kaire Jesu gai ulia.

Juan 8:44

ba kle mo ta gbe tañachuge ma no age ba ñenua kle age kare, ama geru jinanga tanre ngwale, ba ñenua che dolla kada Satanás, ba ulita ama kirolla. Gwange jondege alin Satanás kwian gwangada, kaire ama geru jinganga tanre ngwale, ama me mo ta gbu no Chube gerua ulia ole, malen ama ni gerule sidri ulia, ama tale geru ulia me kle, malen ama me ñage gerule ulia, ama geru jinanga ngwale mauña, ama kwian ulita ta gbe geru jinade ngwale ama kare.

Juan 8:47

Kwian bai kaire ulia Chubenu, ama ulita no Chube gerua ole, ama diali mo ta gbe Chube gerua keruchugakalin no. Agwa ba ulita me Chubenu, malen ba me kle mo ta gbe ulia Chube gerua keruchuge no jumale, agwa ba kle Chube gerua keruchuge alin allabi, ba me kle mo ta gbe Chube gerua gai ulia mo alin.

Hechos 13:10

—Ba me no, ba kwian songa ngwale kwian anblitanga geru me uliadi, ba salengwli che dolla Satanás kare, ba geru ulia ulita dollale. ¿Mineade geru ulia Jesu giti ba kle gai geru ngwalere?

Romanos 13:8

Ba me chegedale jiske ni daba gdaitege lle gweale giti. Ba ulita mo ta gbadale ta dbe no diali daba na ulita ole, ba ulita bai kaire kle mo ta dbe no ene daba na ole ba kle age no ulita Moisés nu Chube gerua degaba unsuialin gerule kare,

Efesios 5:1

Ba ulita Chube olia kare Cristo giti, Chube no no ba ole, ba mo ta gbadale chage Chube talla ole age ama takalin kare.

Colosenses 3:14

Cha gerule ba ole, ba ulita nodale daba na ole ene ba ulita kwian Chubenu ñage chege kwaitre alin kwian gdaitre alin kare Chube takalin kare.

1 Timoteo 1:5

Ba gerudale ene kwian me geru ulia dbanga ole, ene be suge amage ama mo ta blitadale ene ama ñage age Chube takalin kare, ama me agedale ama agali takalin kare. Chube takalin che mo ta gbe ulia no trate ulita daba ole. Che agedale no ta no giti, che agedale no diali Chube takalin kare ene che me jiske, che mo ta dbadale ulia Chube gai me gerule alin: “Cha Chube gai ulia.” Kwian mo ta gbadale age no diali ulita ene, gire ama ñage ta dbe no ulita daba ole.

1 Juan 2:29

Uñale ba ulitage Jesucristo no trate agenga no diali, kaire chkedale uñale bage kwian bai kaire kle chage age ulita trate Chube takalin kare, kwian ene ulia Chube olia.

1 Juan 3:1

Ulia cha takalin bage suge Chube giti trate, che Ñenua Chube no no che ulita ole, che ama gerua gai ulia gire che ulita chege ama oliale, uliabi Chube che gau ama oliale, malen kwian me Chubenuge me suge che kwian Chubenu mine, kwian ene me Chube uñe malen kwian ege me suge che Chube olia kle toi giti.

1 Juan 3:2

Ba cha bitalla ulita Jesucristo giti, ba ole cha gerule ulia, che ulita Chube oliale che ama gerua gaba giti. Chege me uñale trate che be chege mine bdagli, agwa uñale chege Jesucristo chieni gire che be gwage amadi agali mo gwagwa giti, chege be suge trate ama giti, chui ege che be chege no trate ama kare.

1 Juan 4:21

Jesucristo geru jigu gbaba che alin mo ta dbe no daba ole giti, geru e gerule ene: Kwian bai kaire mo ta dbe no Chube ole kwian ene mo ta dbadale no kaire daba Chubenu ole.

1 Juan 4:6

Agwa che me kwian daba tkanga tangle e kare, che me kle ama kerua gbe gdadi, che Chubenu ulia, kwian bai kaire ulita Chube uñe me kle kwian daba tkanga tangle geru me uliage keruchuge dale ama kle che Chubenu gerua keruchuge, agwa kwian me Chubenu me ta che kwian Chubenu keruchugakalin. Gire ene suge chege trate ulia chema chema kle chage Chube Oña kirallaske Chube talla giti geru ulia trage kaire suge chege trate chema chema kle chage che dolla Satanás talla giti geru ngwale trage kwian ole.

1 Juan 4:8

Kwian me mo ta dbe no daba na ole, kwian ene me Chube uñe. Chube ta dbe no diali kwian ulita ole Chube age no kwian ulita alin malen kwian bai Chube uñe ta ene molen kaire daba na ole, kwian ene Chubenu ulia.

1 Juan 5:19

Uñale trate chege che Chubenu Chube che Chugagwalla che Chube gau ulia giti, agwa kwian me Chube gai ulia Satanás kwian ene ulita chugagwalla kwian ene age me no tanre Satanás takalin kare diali.

1 Juan 5:2

Che mo ta dbe no ulia che Ñenua Chube ole che age ulita ama gerule kare, gire ene kaire suge trate chege che kle mo ta dbe no daba na Chubenu ulita ole daba e Chube olia kaire.

3 Juan 1:11

Ba cha daballa no Jesucristo giti, ba ole cha gerule, ba me agedale Diótrefes kle age kare. Ba me sui jwen amage age me no ama kle age kare, ma no ba sui jwen daba agenga noge. Kwian bai kaire kle age diali no Chube takalin kare kwian ene Chubenu ulia, agwa kwian bai kaire kle age me no diali Chube dollale kwian ene me Chubenu dale ama me Chube uñe.