1 Juan 1:6 - Buglere

⁶ Che ulita bai kaire kle gerule che Chube uñe che kle mo ta gbe chage no Chube ole gire che mo ta gbe toi nganake kwian me Chube uñe kle toi kare, age ene me no Chube dollale kwian me Chube uñe kle age kare, ene che kle sole ngwale che kle gerule alin kaire ni mo ta gbe age ulia che kle gerule kare Chube uñe giti, che age ene che kle chage nga jereske kare.

1 Juan 1:6 ပူးပေါင်းရင်းမြစ်များ

Juan 12:35

Jesu gerudu: —Cha mi chege toi ba ole sbali dare nga dba ai giti, agwa nege cha kle aini ba ulitaske, nege chui kle ba ulita alin cha gai ulia. Cha kle chage nga dba ai giti jichra kare kwian ulitaske, kwian bai cha gai ulia cha kwian ene ta gbe suge cha giti ene ama me chege age me no salengwli jichra kwian gbe ten nga jereske kare ene ama chagedale mine jichra giti nga jereske. Kwian kle chage nga jereske ama me ten ama jogenga, ni uñale amage ama joge baini. Ene kaire ba bai me cha gai ulia, ba be chege chage sugekare Chubege nga jereske kare. Agwa ba cha gai ulia, ene ba be chage nga chra no ngajudi kare giti, ene ba mi jogenga Chubege ba mi chege sugekare Chubege. Jesu gerudu ene ulita mo giti kwian ole gire Jesu jo siere kwian ngle ulitage, kwian ngle ulitage me uñadu Jesu jo baini.

Juan 12:46

Cha jichra kare kwian ulita alin chiu nga dba ai giti, cha giti kwian ñage Chube uñe trate, kwian ulita bai kaire cha gai ulia cha kwian ene ta gbe suge Chube mine, ene ama me chege nga jereske kare sugekare Chubege.

Juan 8:12

Jesu gerudu dare kwian ngle kle mo litaba Jesudi ole: —Cha jichra kare kwian ulita alin, kwian me Chube uñe chage nga jereske kare chage age me no Chube dollale, cha kwian ta gbe suge salengwli jichra kle kwian gbe ten nga jereske kare. Kwian bai kaire cha gai ulia mo ta gbe chage cha takalin kare, cha kwian ene ta gbe, ene suge amage Chube mine, kwian ene mi mo ta gbe chage age me no dare Chube dollale.

Juan 8:55

agwa ba ulita kle sole, ba me ama uñe ulia, agwa cha ama uñe trate. Cha gerule gweale ba ole cha me ama uñe, ene cha kle age ba ulita kare ba ulita kwian songa ngwale kare. Agwa cha gerule ulia ba ole, ulia ulia cha ama uñe trate, cha kle age ulita ama kle gerule kare cha ole.

1 Timoteo 4:2

Cha gerule ba ole Timoteo, kwian e be takalin kwian daba tkanga tangle geru ngwalege keruchuge, daba tkanga tangle e me gerule ulia me daba tke tangle geru uliage. Ama age diali tanre me no, me suge dare amage ama kle age me no, ama tañachuge ama no.

Santiago 2:14

Cha bitalla ulita Jesucristo giti, cha geru kade bage, ¿ba be llema no gai gerule alin ba kle mo ta gbe ulia Chube ole gire ba me kle age Chube gerule kare? Ba mo ta gbe ulia Chube ole alin agwa me mo ta gbe age no, ¿ba tañachuge ta e ba jwen siere ji chugege age me no gdale? Me dale. Ba kle gerule ba mo ta gbaba ulia Chube ole gire ba me daba chudaboakalin, ene ba kle gerule ngwale ba me age ba gerule kare.

Santiago 2:16

gire ba gerule alin ama ole: “Ba joge no, ba ñometra no tke modi kaire ba blire no ba toi no.” Ba gerule alin allabi ene ulita ama ole agwa ba me lle kete amage dale ba me takalin ama chudaboi ama gbe toi no, gire ¿lledale ba gerule ba kle mo ta gbe ulia Chube ole? Ba kle gerule ngwale.

Santiago 2:18

Ba gweale ñage gerule ai kare daba ole: “Ba kle mo ta gbe ulia Chube alin ole agwa me kle age gweale daba alin. Cha kle mo ta gbe age no daba na alin allabi agwa me kle mo ta gbe ulia Chube ole.” Ba ñage gerule ene, agwa ba kle gerule ngwale. Cha gerule ba ole, cha takalin ba kwian gdaite kaite nate chage ama kle mo ta gbe ulia ulia Chube ole alin allabi agwa me kle age no daba na alin Chube takalin kare. Cha tañachuge ni kwian gdaite e kare kle. Agwa cha kle age no daba na alin giti Chube takalin kare, e giti bage suge trate cha kle mo ta gbe ulia ulia Chube ole.

1 Juan 1:10

Che gerule mo giti che me agenga me no sidri Chube dollale, che kle gerule ene che kle mo gbe Chube ite sole che me mo ta ketaba ulia amage ama gerua gai ulia, ama gerua ulita me kle che tale dale.

1 Juan 1:3

Cha ba ulita ta gbe chke Jesucristo giti, cha ulita gwagedudi mo gwagwa giti kaire cha ulita geru keruchugu mo olodi, cha geru e kete ba ulitage chada ai giti, ene ba ulita ta chege ule kwaitre alin mo skatemanallale cha ulita ole Jesucristo giti cha ulita kle mo ta gbe Chube che Ñenua ole kare kaire cha ulita kle mo ta gbe ule Jesucristo ole kare.

1 Juan 1:8

Che mo ta gbe tañachuge mo tale gerule che me kwian agenga me no age me no me kle che tale, che kle gerule ene che agali kle mo ta gbe mo anblite Chube gwage, che me kle gerule ulia mo giti, che kwian che ta agenga me no.

1 Juan 2:4

Kwian gweale gerule: “Cha Chube uñe”, kwian gerule ene agwa me Chube gerua gai dage me age Chube gerua gerule kare, kwian ene me Chube gerua uñe ulia, Chube gerua me kle kwian ene tale, kwian ene kle sole mo ole naskuni Chube gwa giti.

1 Juan 4:20

Kwian gweale gerule: “Cha mo ta dbe no Chube ole”, gire sugeti ama mo ta dbe jainchke daba na Chubenudi, kwian ene me no Chube ole ama kle sole ama me kle gerule ulia ama no Chube ole, ama me no mo salengwli ole kaire ama me no Chube ole. Mo gwagwa giti kwian kle gwage dabadi, ama kle mo ta dbe me no daba ole ama me ñage gerule ama no Chube ole, ama me ñage gwage Chubedi mo gwagwa giti ama kle gwage dabadi kare, ¿mine kwian ene ñage gerule ama no Chube ole? Che mo ta dbe no Chube ole kaire che mo ta dbadale no daba Chubenu ole.