1 Corintios 8:6 - Buglere

⁶ Uñale trate che ulita Chubenuge Chube gdaitre alin kle, Chube e che Ñenua. Kaire che ulita Chubenu alin Chugagwalla gdaitre alin kle, e Jesucristo. Chube kaire Jesucristo nga ulita dodadu lle ulita dodadu kwian ulita dodadu, ama giti che ulita kle toi gwade.

1 Corintios 8:6 ပူးပေါင်းရင်းမြစ်များ

Mateo 11:27

Jesu gerudu ene Chube ole gire gerudu kwian kledu ne ngwadi ama keruchuge ole: —Cha Ñenua mo kiralla mo talla ulita ketu chage. Cha Chube Kirolla, ulia ni kwian gdaite cha ta uñe trate, cha Ñenua alin allabi cha ta uñe trate. Kaire agwe ni kwian gdaite cha Ñenua ta uñe trate, cha alin allabi cha Ñenua ta uñe trate. Kwian baige cha takalin chke uñale cha Ñenua mine, cha kwian ene ta gbe, ene cha giti ama ñage cha Ñenua ta uñe trate.

Mateo 28:18

Jesu jo kwian geru jwannga amage ulita gitigu gire Jesu gerudu: —Chube cha gbu nga ngaña giti mauñale nga dba ai giti mauñale, cha ñage age ulita Chube kiralla giti cha takalin kare.

Juan 1:10

Cristo nga ulita lle ulita kwian ulita dodadu, Cristo ulita mauña. Ama chku nga dba ai giti kwianske agwa me chku uñale kwian ulitage ama chema.

Juan 1:3

Ama giti Chube nga ulita dodadu lle ulita dodadu, Chube ni lle gdaite dodadu sugekare amage.

Juan 10:30

Cha Ñenua talla kle cha ole, cha talla kle cha Ñenua ole, cha Ñenua cha ole gdaitre alin.

Juan 13:13

Ba ulita kle cha kade ba tkanga tangle geruge, kaire ba kle cha kade ba chugagwalla, e ulia, cha ba chugagwalla cha ba tkanga tangle ba kle cha kade kare.

Juan 14:20

Cha Ñenua be mo Oña kage ba alin chuiallage, chui ege be suge trate ba ulitage cha kle cha Ñenua ole, ba ulita kle cha ole, cha kle ba ulita ole.

Juan 17:3

Kwian ba gadale Chube gdaitre alin ulia, kaire kwian cha gadale ulia ba Kirolla Jesucristo, ba cha kagu nga dba ai giti, kwian cha uñe ene kaire kwian ba uñe, e giti kwian toi diali chui tangle.

Juan 20:17

María-Magdalena chku Jesu uñe nate, María-Magdalena be Jesu gai kodi gire Jesu gerudu María-Magdalena ole: —Ba me cha chugedi, cha bebi jogeni cha Ñenua ngwadi, agwa cha takalin ba joge kwian geru jwannga chage ulita ta gbe cha giti, ama ulita cha daballa kare, ba gerule ama ulita ole cha be jogeni cha Ñenua ngwadi, ba ulita chagedu cha ole, cha Ñenua ama ba Ñenua kaire, ama cha Chubea, kaire ama ba ulita chagedu cha ole Chubea.

Hechos 17:28

Nege cha gerule ba ulita ole, ba bitalla gweale kwian chada deganga mauña gerudu: “Chube giti che ulita kle toi gwade che ulita kle chage che kle lle ulita boi.” Kwian chada deganga mauña na gerudu: “Che ulita Chube olia.” Kwian chada deganga mauña gerudu ene.

Hechos 2:36

Ba kwian israelita, cha gerule ba ulita ole, sugedale trate ba ulitage, Chube Jesu gau kagu nga dba ai giti ba ulita Chugagwallale ba ulita jwanngale siere ji chugege ba agedu me no gdale, Chube Jesu kagu ba ulita alin Chube gerudu kare unsuialin, ba Jesu amaña guda kruge —Pedro gerudu ene ulita kwian ngle kledu mo litaba amadi tangle ole.

Hechos 5:31

Chube Jesu duni nga ngaña giti, Chube Jesu gbu mo ngena ko taingwli giti, Chube Jesu gbu kwian ulita Chugagwallale, Chube Jesu gbu kwian Jesu gerua gaba jwanngale siere ji chugege agedu me no gdale. Kwian israelita ulita mo ta blitadale Chube ole, ulita Jesu gerua gadale, ene Jesu ama ulita jwen siere ji chugege agedu me no gdale, ene kwian agedu me no ulita Chube talla mlienga.

Romanos 11:36

Chube mo kirallaske kwian ulita lle ulita nga ulita dodadu, Chube kle e ulita gbe tige kle e ulita manade, Chube e ulita dodadu mo alin. Chube no no, ama alin kweri, ama alin ñage age kwian alin no, ama alin giti kwian gerudale nobi diali chui tangle, enebi no ama alin.

1 Corintios 12:3

Malen chkedale uñale ba ulitage kwian bai kle gerule Chube Oña kiralla giti, kwian ene gerule no Jesucristo giti: “Jesu ulita Chugagwalla.” Agwa kwian bai gerule me no Jesucristodi, kwian ene me kle gerule Chube Oña kiralla giti, kwian kle gerule Chube Oña kiralla giti me gerule ni sidri me no Jesudi, kwian me kle gerule Chube Oña kiralla giti gerule me no Jesudi, ba me kwian ene keruchuge, kwian Jesu gai ulia mo Chugagwallale, ba kwian ene alin keruchuge.

1 Corintios 6:13

Che ñage gerule bligda giti kaire che kde giti: “Bligda kle che alin gutadale, che bligda gute gire bligda joge che kdege.” Ulia bligda che kde alin che kde bligda alin, e ulita ene agwa lle e boke mi chege diali alin, chui be chke gire Chube be bligda ulita kagenga be che kde ulita kagenga. Che ñage gerule ulia che kde giti che kde bligda alin, agwa che me ñage gerule che jegwale giti che jegwale mo chuge diali ke giti alin. Me ene, che me mo jegwale chugadale ngwadi mo chuge ke giti, che jegwale me mo chugadale ke giti alin, che jegwale che Chugagwalla Jesucristo alin. Jesucristo che jegwale dodadu mo alin lle boadale no ama alin, Jesucristo kira kete chege lle boi no ama alin ama takalin kare.

1 Corintios 8:4

Ba ulita kle tañachuge bligda kaitaba lle oña kwian kle gai chuberege giti ba ñage bligda ene gute o me. Uñale trate che ulitage lle oña e lle ngwale, lle oña me ñage bligda blite me ñage age bligda ole, malen che me tañachugadale bligda ene giti, uñale chege lle oña e ngwale, me Chube ulia, Chube ulia gdaitre alin.

Efesios 1:3

Che Jesucristo gau ulia mo Chugagwallale gire Chube Jesucristo Ñenua diali age tanre no che ulita alin, e giti nga suga noare chadi gerule no Chube ole, cha gerule no ama ole ene: “Chube toinga nga ngaña giti, ba noare ulia, ba kweri, ba diali age no cha ulita Jesucristo gerua gaba ulia alin.” Che gerudale no Chube ole ene. Ulia Jesucristo giti Chube ageba no tanre che alin.

Efesios 3:14

Chube agedu no ulita che alin, malen cha jongnagwa skute dba Chube gwa giti Chube gai dage gerule ba giti Chube ole.

Colosenses 1:6

Geru Jesucristo giti jo ketaba bage ba geru e gau, geru e ba ta blitu, geru e amaña kle chage nga ulitage kle kwian tanre ta blite Chube ole, geru e kle kwian tanre ta gbe ma ngle diali salengwli geru e kle ba ulita ta gbe kare. Ba ulita geru Jesucristo giti keruchugu gerule Chube talla no che ole giti, chku uñale ba ulitage Chube talla no Jesucristo giti che ole geru e ulia, gire ba geru e gau.

1 Pedro 1:21

ama jokeda ba ulita alin gire Chube ama gbuni gwade ama duni nga ngaña giti toini ule diali, ama giti ba ulita Chube uñe ba ulita Chube gai ulia, nege Cristo giti ba ulita kle mo ta gbe Chube ole diali, bage suge Cristo giti ba kle chui manade gire ba be joge toi diali chui tangle Chube ole.

Apocalipsis 1:18

Cha amaña kle toi gwade nege diali, cha jokeda cha jaba chkuni gwade, nege cha be chege toi diali chui tangle. Kaire cha amaña ñage kwian chuge ngwadi toi gwade nga dba ai giti kaire cha ñage kwian jwen siere nga dba ai gitige kaire cha ñage kwian jogebakeda oña kage chege toi sugekare Chubege nga kada Hadege. Cha kiraske cha ñage age ulita cha takalin kare.