1 Corintios 7:40 - Buglere

⁴⁰ Cha tañachuge muinga ñengulalla jogeda ma no muinga ene me mo jwen, ene nga suga ma no muingadi. E cha kle tañachuge kare, kaire suge chage Chube Oña kle cha ta gbe gerule ene ulita.

1 Corintios 7:40 ပူးပေါင်းရင်းမြစ်များ

1 Corintios 7:1

Nege cha jainnga ba kalen ba chada degu giti, ba chada degu geru kadadale chage geru tanre giti. Ngeru cha gerule ba ole mo jwen giti: Ma no kwian onbre alin onbre ulita me mo jwen muinga ole.

1 Corintios 7:35

Cha kle gerule ai kare ba ulita me mo jwanba ole, e me gerule ba me mo jwandale, me ene, agwa cha ta ba chudaboakalin, cha kle gerule ba ulita ole ba mo ta gbadale toi no trate Chube takalin kare, ene ba ñage mo ta gbe lle boi ma no diali Chube alin.

1 Corintios 7:6

Cha me kle gerule ba ulita mo jwandale, agwa ba ñage mo jwen ba takalin kare bai ma no ba alin.

1 Corintios 7:8

Kwian biale muire onbre me mo jwanba, kaire muinga chegeba oli mo onbrellage onbre chegeba oli mo muingallage, cha alin ma no kwian ene ulita chege gballa cha kare.

2 Corintios 12:11

Ba ulita ñage tañachuge cha kle gerule no ngwale mo giti ba ole chada ai giti agwa ba ulita cha uñe, sugedale trate bage cha kwian mine. Kwian geru me ulia dbanga gerule me no chadi cha gbe kwian me no ngwalere ba gwage, ba gerudale no ama ole cha giti agwa ba me kle age ene, malen cha agali gerudale no sidri mo giti ba ulita ole chada ai giti ba ta gbale suge cha giti. Kwian geru me ulia dbanga kle gerule no mo giti ama alin Jesucristo gerua ketanga no ulia, agwa cha gerule trate ba ulita ole ama me ma kweri chage, cha Jesucristo gerua ketanga ulia.

2 Corintios 13:3

Ba takalin cha age gweale ba ole chkekalin uñale bage cha gerunga Cristo kiralla giti ulia o me, Cristo be cha ta gbe age ba ole be cha ta gbe gerule kiraske mno ba ole gbale ji chuge. Ba me ñage tañachuge Cristodi Cristo me ñage age cha giti ba ulita ole, me ene, Cristo kira molen, Cristo kiralla giti Cristo cha gbe age ba ulita ole ba gbale ji chuge ba age me no giti.

2 Corintios 8:10

Igi lite ole giti cha gerule ba ulita ole, chura jo tangle giti ba ulita mo ta gbu igi lite ole daba Chubenu una Jerusalénmu alin, kwian gweale me ba gbu age ene igi lite ole agwa ba agali mo ta gbu igi lite ole ta no giti.

1 Tesalonicenses 4:8

Kwian bai me geru ai ulita gbe gdadi me daba ta gbe chke me daba tke tangle geru ai ulita giti, kwian ene me kle age mo salengwli dollale, kle age Chube dollale, e Chube gerua me kwian gerua. Geru ai ulita giti chkedale uñale ba ulitage Chube mo Oña ketu ba gdaite gdaitege mo ta gbadale age no Chube Oña takalin kare.