1 Corintios 7:15 - Buglere

¹⁵ Agwa onbre me Chubenu ama ta jogekalin siere mo muingalla Chubenuge, muinga me Chubenu ta jogekalin siere mo ñengulalla Chubenuge, me ta toikalin ule, muinga Chubenu mo ta gbadale mo ñengulalla me Chubenu chuge ngwadi joge, onbre Chubenu mo ta gbadale mo muingalla me Chubenu chuge ngwadi joge, ma no age ene me chege kira bate toi ule giti, Chube ba ulita gau mo alin toidale no modi me kira batadale modi.

1 Corintios 7:15 ပူးပေါင်းရင်းမြစ်များ

Mateo 12:50

Kwian bai age cha Ñenua Chube takalin kare, kwian ene cha daballa kare cha ibotea kare kaire agwe cha chebia kare, ama cha bitallanu ulia, cha no no ama ulita ole —Jesu gerudu ene ulita.

Lucas 9:39

Dolla kle age me no cha kirolla ole diali, chui gwealege ama kle no, chui gwealege ama kle boi tirare dolla kote, dolla kle cha kirolla gbe ngaute kweri, kaire kle nga kagenga kirogwa giti, kle kirogwa gbe trateda dba tangle gire kirogwa jolo tanre mlienga kate dolla kote, dolla age tanre me no cha kirolla ole, dolla me ta kirogwa chugakalin ngwadi ngwedige.

Romanos 12:18

Ba me mo ta gbadale kira bate ni daba gdaite ole, agwa ba mo ta gbadale toi no taingwli daba na ulita ole ta no giti.

Romanos 14:19

Ma no che ulita Chubenu mo ta gbadale age no daba ulita ole, ta ene giti che ulita ñage mo chudaboi ongoru ongoru salengwli ta gbe suge ma ngle geru Cristo gitige, ene che ulita ta chege ule kwaitre alin.

1 Corintios 14:33

Chube me takalin kwian Chube gerua ketanga ulita gerule ule kwaitre alin, kwian Chube gerua ketanga ulita gerule ule kwaitre alin geru me ñage suge kwian kle mo litabage, Chube me takalin boi ene kwian kle mo litabaske, Chube takalin kwian ulita kle mo litaba ñage Chube gerua keruchuge no, ene geru suge kwian ulitage kwian ulita ta suge no geru giti. Ba Chubenu ulita una Corintomu mo ta gbale age daba Chubenu nga na ulitage kle age kare,

2 Corintios 13:11

Bdagli cha gerule ba ole chada ai giti ba ulita cha bitalla kare Jesucristo giti, cha takalin ba ulita toi ta suga no ole, cha takalin ba ulita mo ta gbe toi trate Chube gwa giti Chube takalin kare ba ulita mo ta gbale kira gbe modi ongoru ongoru chage gwangerugu Jesucristo geruadi ba ulita toidale ta suge salengwli modi ta taingwli ole me kira bate modi, ba ulita toi ene Chube che ta gbanga no daba na ole che ta gbanga nga suga no ole, ama be kle ba ulita ole diali.

Gálatas 5:22

Kwian mo chuge ngwadi age kwian takalin kare, kwian ene be age me no diali, agwa kwian Chube Oña chuge ngwadi age ama tale, Chube Oña kwian ene ta gbe ai kare: Chube Oña kwian ta gbe mo ta dbe no daba na ulita ole. Chube Oña kwian ta gbe nga suga no ole. Chube Oña kwian ta gbe suga no me tañachuge boi daga ngwale giti. Chube Oña kwian ta gbe jage ulita boi daga ngwalege me skochie me skwatige. Chube Oña kwian ta gbe gerule ta no ole daba na ole. Chube Oña kwian ta gbe age no daba na alin daba na chudaboi. Kwian gerule be age gweale daba na alin, Chube Oña kwian ene ta gbe age ulia kwian gerudu kare.

Hebreos 12:14

Ba ulita Chubenu, ba mo ta gbadale diali no daba na ulita ole me kira bate ongoru ongoru mo ole, ba mo ta gbadale joge siere age me noge ene ba toi no no trate Chube gwa giti. Agwa kwian me mo ta gbe joge siere age me noge mo ta gbe age no trate Chube takalin kare, ama me ñage toi ule Chugagwalla Chube ole nga ngaña giti diali chui tangle.

Santiago 2:15

Ba gwage daba gweale Jesucristo gabadi me lle molen me ñometra molen mo ngama tkagda ni bligda molen gutale, gire ba me ñometra no kete amage mo ngama tkagda ni ba bligda kete amage gutadale,