1 Corintios 6:3 - Buglere

³ Kaire uñale ba ulitage bdagli che Chubenu ulita be chege ma kweri lle boanga Chube alin nga ngaña giti ulitage, che be chege ama kaganga. Chube be kwian amanu gbe age ene chui bdaglige, nege ulita kle boi nga dba ai giti daba Chubenuske che ña e trage modi taingwli.

1 Corintios 6:3 ပူးပေါင်းရင်းမြစ်များ

Mateo 25:41

’Cha kwian Chugagwalla be gerule no ene kwian ulita ole bai mo ta gbu age no kle cha ko taingwli ngnagu ole, gire cha be gerule kwian ulita ole bai mo ta gbu age me no kle cha ko jole ngnagu ole: “Joga siere chage, ba jiske kweri Chube gwa giti, ji kle ngle ba giti ba agedu me no gdale, joga nga dbigu giti, ne ngwadi jita me kle jogekeda dale, nga e kle dodaba biale ji chugangwa dolla chugagwalla Satanás alin kaire Satanás chudaboangalla ulita alin. ¡Joga nga ege kaire!

Lucas 21:34

Ba ulita chagedale ta giti me mo chuge ngwadi age me no, ba me sui chuge lle gage jai, me mo ta gbe tañachuge lle nga dba ai giti alin ole, ba me chegedale tañachuge kle boi ba ole no o me no skegiti, cha be chieni chuiage ba me skatedale alenske.

Lucas 8:14

Kwian gweale kle boi Chube gerua ole chude jo chke dba drinkin sera tanre ngwadi kare. Kwian e Chube gerua keruchuge Chube gerua gai ulia agwa ama me kle mo ta gbe tañachuge diali Chube gerua giti no, ama kle mo ta gbe tañachuge tanre lle ngwale alin giti, ama ta igi jwankalin ngle mau alin, ama ta agekalin ulita ama takalin kare. Ama kle tañachuge ma ngle lle e kare giti Chube gerua gitige, malen Chube gerua kle jogenga ama tale, gire ene kwian me kira molen toi no Chube takalin kare ni kwian ñage Chube gerua dbe kwian nage.

Romanos 6:16

Ba ulitage uñale ba mo gbe lle boi no mo mauña alin ba agedale ulita mo mauña alin ama takalin kare. Boi ene kaire ba mo ta gbe age diali me no Chube dollale o ba mo ta gbe age diali no Chube takalin kare, e salengwli ba kle lle boi mo mauña alin kare. Ba mo ta gbe age me no Chube dollale ba takalin kare, ene ba jogeda ba be chege sugekare Chubege diali, ba mi ñage joge toi Chube ole nga ngaña giti. Agwa ba mo ta gbe age no Chube takalin kare ba mo ta gbe Chube gai dage, ba be toi Chube ole nga ngaña giti diali chui tangle.

1 Corintios 6:15

Ba ulita Cristo gaba ulia, uñale ba ulitage ba jegwale Cristo jegwalenu kare, ¡ba ulita tachkedale e giti! Ba kwian onbre Cristonu me ñage tañachuge ba ñage tien ule muinga chagenga onbre na na nate mo chbadanga ole, ba kwian onbre Cristonu me ñage tien ule muinga ene ole, ¡e me no me no!

1 Corintios 6:16

Uñale ba ulitage Chube gerua degaba unsuialin gerule onbre tien ule muinga ole giti, chada e gerule: “Onbre muire, ama gdabonate chege kwian gdaitre alin kare.” Ba tachkedale e giti. Muinga chagenga onbre na na nate mo chbadanga, ba kwian onbre Cristonu tien ule muinga ene ole ba chege gdaitre alin kare ama ole, ba me ñage age ene, ba Cristonu, ba mo ta gbale chege chage trate Cristo ole.

1 Corintios 6:19

¿Me uñale ba ulita Chubenuge ba jegwale kaire ba talla u kare Chube Oña alin? Chube mo Oña ketu bage toi ba ulita tale, ba mo jegwale mo talla manadale no trate Chube Oña alin. Jesucristo giti ba Chubenu, ba me mo mauña agali,

1 Corintios 6:4

E ulita uñale ba ulitage ¿lledale ba gweale kle daba Chubenu dbe chugagwalla me Chubenu ngwadi gbale mo gwallaske daba agedu ba dollale giti? E me no age ene, chugagwalla ene me ñage daba Chubenu chudaboi age no modi Chube takalin kare.

2 Timoteo 2:4

guardia donga no kle mo ta gbe dole no, ama me kle tañachuge lle na giti, ama kle biale diali age ama chugagwalla takalin kare. Ene kaire ba kledale biale diali lle boi no Chube alin Chube takalin kare.

2 Timoteo 4:10

Demas me ta boikalin daga ngwale cha ole ule, ama cha chugu ngwadi sugekare, ama jo una Tesalónicage lle na boi mau alin ama takalin kare. Crescente jo nga kweri Galaciage, Tito jo nga kweri Dalmaciage,

2 Pedro 2:4

Cha takalin suge ba ulitage Chube agedu mine unsuialin lle boanga monu ole, lle boanga tanre Chube alin nga ngaña giti unsuialin agedu me no Chube dollale, lle boanga e ulitage Chube me taidu dage sidri, Chube lle boanga e ulita mliunga nga dbigu giti nga jereske sugekare Chubege, Chube talla me chegu ule ama ole ama agedu me no giti Chube dollale, Chube ama ulita gbu skage ogabale chui bdagli gbadale boi daga ngwale ji chuge diali.

Judas 1:6

Lle boanga gweale Chube alin nga ngaña giti me mo ta gbu age Chube takalin kare agwa ama mo ta gbu age agali sugekare Chubege age me no, Chube ama gbu skage ogaba nga jere jereske, chui tangle ama kle nga jereske ogaba chui bdaglidale alin Chube be ji gbe chuiage gbale ji chuge ma kweri diali chui tangle, ama mi ña joge siere ji chugege.