1 Corintios 4:5 - Buglere

⁵ Cristo alinge uñale trate kwian lle boanga Chube alin talla mine, Cristo alin ñage gerule trate kwian ene ulita kle age giti kwian kle lle boi no Chube alin o me kle lle boi no, ni kwian gdaite ñage gerule trate daba na giti kle lle boi no Chube alin o me kle lle boi no. Malen cha gerule ba ulita ole, ba me gerudale cha ulita lle boanga Chube alin giti blike kle lle boi no o me kle lle boi no Chube alin, ba manadale, nege cha ulita lle boanga Chube alin talla ulita kle skwlenre bage agwa che Chugagwalla Cristo chieni chuiage kwian lle boanga ulita talla ulita be chke uñale nate, chui ege Cristo be gerule trate ulita kwian lle boanga Chube alin ulita giti bai lle bo no Chube alin bai me lle bo no Chube alin, chui ege Chube be gerule no no lle boanga no ulita ole lle boanga lle bo no ama alin giti.

1 Corintios 4:5 ပူးပေါင်းရင်းမြစ်များ

Mateo 10:26

’Kwian me no cha gerua ole ba gbe boi daga ngwale ba me mo ta dbadale kennga amadi, kwian ene age me no ba ulita ole skwlenre, e mi chege skwlenre diali, chui be chke gire kwian e agedu me no ulita ba ole be chke uñale nate kwian na ulitage.

Mateo 24:30

Nga be boi ene ulita gire Chube be cha kageni, cha be chieni nga dba ai giti ngnagu bogakwaske Chube kirallaske, chui ege kwian ulita nga ulitamu be gwage chadi cha noare cha kweri, ulia cha kwian ulita Chugagwalla. Kwian ulita be gwage chadi chieni ene gire ama be kennga tanre kaire be ta olire tanre mau giti, be suge trate ama ulitage e cha amaña chiu nga dba ai giti kwian kare kle chieni nabitaite.

Mateo 24:46

U mauña be chkeni, be gwage kwian lle boanga ama alin gdaitedige ama jigu lle boanga na ulita chugagwallale ama kle lle boi no u mauña gerudu kare, nga be suga noare kwian lle boanga edi ama skwendu u mauñage lle boi no u mauña gerudu kare.

Mateo 25:21

Kwian lle boanga gerudu ene gire chugagwalla gerudu ama ole: “Ba kwian lle boanga no ulia, ba mo ta gbu lle boi no cha alin, ba agedu no no. Cha igi ketu bage, igi e ole ba lle bo no cha alin, ba igi na gau ngle cha alin. Ba lle bo no cha alin igi e ole, malen nege cha be lle ma kweri kete bage boadale cha alin. Nga suga no chadi ba lle bo no cha alin giti, bai cha ole chui ollade nga suga no ole.” Chugagwalla gerudu ene kwian lle boanga ngeru ole.

Mateo 25:23

Kwian lle boanga gerudu ene gire chugagwalla gerudu ama ole: “Kaire agwe ba kwian lle boanga no ulia, ba mo ta gbu lle boi no cha alin, ba agedu no no. Cha igi ketu bage, igi e ole ba lle bo no cha alin, ba igi na gau ngle cha alin. Ba lle bo no cha alin igi e giti, malen nege cha be lle na ma kweri kete bage boadale cha alin. Nga suga no chadi ba lle bo no cha alin giti, bai cha ole chui ollade nga suga no ole.” Chugagwalla gerudu ene kwian lle boanga e ole.

Lucas 6:37

Jesu gerudu dare kwian ulita ole: —Me no mo ta dbe tañachuge ba alin allabi kle age no Chube gwa giti gerule daba nadi daba me no Chube gwa giti, me no mo ta dbe daba gbe jiske diali lle gweale giti, ba ta daba gbakalin jiske ene diali ta me no ole, ene kaire Chube be ba gbe jiske. Daba na age gweale me no ba ole ba talla e mlienga, ene kaire Chube be ba age me no Chube dollale talla mlienga.

Juan 21:22

Jesu jaindunga: —Cha takalin cha ñage ama jige gwade toi aini cha chieni chuiage alin, e giti ba me tañachugadale, ba tañachugadale mo alin giti mo ta gbe chage cha ole diali.

Juan 21:23

Jesu gerudu ene Pedro ole, Pedro tañachugu Jesu kle gerule geru jwannga gdaite e mi jogeda, gire geru e chagedu kwian ulita Jesunuske gerule geru jwannga gdaite e mi jogeda. Agwa Jesu me kledu gerule ene Pedro ole Pedro kle tañachuge kare, agwa Jesu gerudu alin allabi: “Cha takalin cha ñage ama jige gwade toi aini cha chieni chuiage alin, e giti ba me tañachugadale.”

Juan 5:44

Ba ulita kle tañachuge ma no age no daba na gwa giti, ene daba gerule no ba giti daba ba gbe kweri mo gwage, ba ulita kle tañachuge ene, ba me kle tañachuge Chube giti age Chube takalin kare. Chube gdaitre alin ulia kle, ba age no ama takalin kare ene bdagli ama be gerule no ba agedu no ulita giti. Agwa ba ulita me kle tañachuge no, malen ba me ñage cha gai ulia.

Romanos 14:4

Jesucristo ba ulita Chubenu Chugagwalla, ba ulita kwian salengwli malen ni ba gdaite gerudale me no daba na Chubenudi daba kle samla gute giti o daba me kle samla ene gute giti. Che salengwli me ñage gerule dabadi chugagwalla kare, daba kle age no kle age me no giti Chugagwalla Jesucristoge alin allabi uñale, Jesucristo kira molen kwian ta gbe age no mo gwage.

Romanos 2:1

Ba ulita bai kaire kle gwage daba nadi age gweale me no gire ba kle gerule daba e giti: “Daba e kle age me no me no, ama jiske Chube gwage”, ba gerule ene ba kle mo agali gbe jiske kaire, ba agali kle age me no kaire salengwli daba kle age kare, ba me ñage gerule mau giti: “Cha me agenga me no, cha me jiske Chube gwage.”

Romanos 2:7

Kwian ulita bai kaire nu mo ta blitaba Chube ole, kwian ene toikalin no diali chui tangle Chube ole nga noge, takalin Chube gerule no ama giti, malen kwian e mo ta gbe chage no Chube ole age no Chube takalin kare diali. Bdagli Chube be kwian ene ulita gbe toi diali chui tangle mo ole ule.

1 Corintios 1:7

Chube ta ngle ketu ba ulitage, ene diali ba ñage chage gwangerugu geru uliadi lle boi no kwianske Chube takalin kare ba kle che Chugagwalla Jesucristo chieni chuia manade gire.

1 Corintios 11:16

Ba gweale tañachuge me ene cha kle gerule kare muinga giti, ba ta kira batakalin geru ene giti, chkedale uñale bage cha ulita kwian Jesucristo gerua ketanga kle kwian ulita tke tangle muinga ulita bai kaire kle gerule Chube ole mo litangwa Chube geruadi ngwadi muinga ene ñometra gweale gbadale mo chuga giti, daba Chubenu nga na ulitage kaire tañachuge cha kle tañachuge kare.

1 Corintios 11:26

Jesu geru jigu ene kwian monu alin, malen cha gerule ba ulita ole, ba ulita mo ta gbadale age Jesu geru jigu kare, ba ulita age ene mo ta gbe pan gute uva chia jai ba kle tachke Jesu jokeda giti, ba agedale diali ene Jesu chieni chuia manade ngwange.

1 Corintios 15:23

Ngeru Cristo jokeda chkuni gwade, e giti suge trate chege kwian Cristonu jogebada be chkeni gwade Cristo chkuni gwade kare. Cristo chkuni gwade gire joni nga ngaña giti, ama be chieni kwian amanu jwen, chui ege kwian amanu jogebada be chkeni gwade be joge toi ama ole nga ngaña giti. Be boi ene chui bdaglige.

1 Corintios 3:13

Jesucristo chieni chuiage be chke uñale trate trate kwian Chube gerua dbanga ulitage ama geru Jesucristo giti du no kwiange Chube takalin kare o me, chui ege Chube be gerule trate trate ama gerua dbanga ulita ole bai geru Jesucristo giti du no ama alin nga dba ai giti bai me geru Jesucristo giti du no ama alin.

1 Corintios 3:14

Kwian Chube gerua dbanga bai kaire Chube gerua du no Chube alin nga dba ai giti daba na ta gbe suge Jesucristo giti, geru dbanga ene giti daba na geru Jesucristo giti gau ulia, daba ene chege Chubenu diali chui tangle, chui bdaglige geru dbanga no ene be geru Jesucristo giti du no ñanalla gai.

1 Corintios 3:8

Cha Pablo kaire Apolos cha boke salengwli, gdaite me ma no nage Chube gwage, cha boke Chube gerua dbe giti Chube be e ñanalla kete cha bokege lle boi no mo kaire kaire ñanale.

2 Corintios 10:18

Kwian lle boanga no ulia Chube alin me gerule blike agali daba na ole ama lle boanga ma no Chube alin, ama agali me ñage gerule ulia ama lle boanga no, Chube alin gwage kwian bai lle boanga no ulia, Chube alin ñage gerule no kwian ene giti, agwa kwian agali me ñage gerule no mo giti ama lle boanga no.

2 Corintios 10:9

Cha me takalin suge bage cha kle chada degange ba alin cha ta ba kwa jigakalin ka boi ba ole cha kle chada degange giti ba alin, me ene, diali cha kle chada degange ta no ole ba ulita chudaboagda mo ta gbe age ma no diali Cristo takalin kare.

2 Corintios 4:2

Cha me mo ta gbe chage age me no sugaska skwlenre dare, cha age me no ulita chugu ngwadi cha kle mo ta gbe chege sugekare age me no ulita sugaskage. Nege cha kle mo ta gbe chage age no ulita Chube gwa giti kaire kwian ulita gwa giti, cha me kle chage geru ngwale me ulia trage kwian ole ene kwian anblite geru me uliage, cha me kle Chube gerua blite nganake tragadale kwian ole cha takalin kare, me ene, cha kle mo ta gbe geru ulia Jesucristo giti alin trage no trate diali kwian ulita ole Chube takalin kare, ene ñage suge kwiange cha kle geru no ulia trage ama ole.

2 Corintios 5:10

Chui be chke che ulita be joge chke Cristo kle ngwadi che ulita be kle ama gwa giti ama be gerule che ulita ole che agedu giti nga dba ai giti agedu no o me agedu no, kaire kaire be ñanalla gai agedu no giti ñanale malen che kle toi nga dba ai giti che mo ta gbadale age no diali Cristo takalin kare.

1 Tesalonicenses 5:2

Uñale ba ulitage che Chugagwalla Jesucristo be chieni chuia be chke salengwli kwian skwe boanga kle chke kare, kwian skwe boanga chke ngajrege chuia me uñale chege chui baige hora baige, skwe boanga be chke che skate alenske gire skwe boanga chke. Ene Jesucristo be chieni, kwian ulita be kle alenske ni be uñale kwiange Jesucristo be chieni chuia be chke.

Hebreos 4:13

Chube lle ulita dodadu uñale trate Chubege lle e ulita mine. Chube che ulita ta uñe trate, che me ñage mo ogeda tañachuge chegé sugekare Chubege me chke nate uñale Chubege che ta mine ni che kle age mine. Ulia lle ulita kwian ta ulita kle gbaba Chube gwa giti uñale, kaire lle ulita kle boi Chubege ulita uñale. Kaire chui bdaglige lle ulita che nu ageba giti Chube be gerule che ole giti, ulia ni lle gdaite kle chege ogabada sugekare Chubege, ulita ulita kle chke nate uñale Chubege.

Santiago 4:11

Cha bitalla ulita Jesucristo giti, cha gerule ba ole, ba me gerudale modi me no ongoru ongoru. Kwian bai kaire kle gerule me no dabadi kaire kle daba gbe jiske gweale daba nage, ama kle age ene kle age me no Chube gerua dollale. Chube gerua kle gerule che nodale daba ole ulita, agwa che geru e gai geru ngwale kare gire ene che kle age me no geru e dollale. Ma no mo ta gbe Chube gerua gai dage ulia age diali ulita geru e kle gerule kare.

Santiago 5:7

Cha bitalla ulita Jesucristo giti, cha gerule ba ole, ba gbakle boi tanre daga ngwale gire ba mo ta gbadale jage ta no ole ba kle boi daga ngwalege me skwatige me skochie, ba manadale ta ngwedi ole eruda taleda che Chugagwalla Jesucristo be chieni chuia manade ngwange. Ba Jesucristo manadale ngwange salengwli kwian kle chude skie kle chude skute chuiage manade ngwange kare. Kwian kle nga bate chude ngama alin kle chude skie, gire ama kle noi chuia manade ngwange ta no ole tañachuge ama be chude no jwen gudegu tanre chude skute suialege.

Santiago 5:9

Kaire cha gerule ba ulita ole, ba me ñage mo jwannge giti dabage ongoru ongoru daba na kle age giti ba ole, ene ba giti mi jogeba ji gbaba. Ulia me sbali Chube be gerule kwian ulita giti kwian bai jiske kwian bai me jiske, ama bebi ji gbe kwian giti kwian agedu me no gdale.

1 Pedro 1:7

Mo ta gbe Chube ole ulia salengwli oro kare, kwian oro guge jitage ene oro skwen ulia o me, oro ulia mi kuge ulita agwa me oro ulia be kuge ulita, oro ulia jage jitage. Ene kaire ba kwian Chubenu ulia jage boi daga ngwale ulitage ba mo ta gbe Chube gai ulia diali me mo ta gbe joge siere Chubege boi daga ngwale kote. Ba talla ene ma ñanaske ma no oroge, ba talla chege diali chui tangle, agwa oro me ene, oro ñage boi me chege chui tangle diali. Ba ulita mo ta gbe ma no diali ulia jage boi daga ngwale ulitage ba talla ñanaske tanre Jesucristo gwage, ene Jesucristo chieni chuiage ba kle biale joge toi ama ole, chui ege Jesucristo be gerule no no ba giti, ama be gerule ba ole: “Ba kwian no no, ba agedu no, ba mo ta gbu cha gai ulia cha Ñenua gai ulia diali, nga suga no no chadi ba giti.” Jesucristo be gerule ene ba ole chui bdaglige.

1 Pedro 5:4

Ba ulita daba Chubenu chugagwalla mo ta gbe daba Chubenu manade Chube geruadi ta no ene ole, ene Cristo daba Chubenu ulita mananga ma kweri chkeni chuiage ama be lle no no kete ba ulita daba Chubenu chugagwallage ba daba Chubenu manadu no ñanale, lle e me boi ni jogenga, lle e chege diali chui tangle.

2 Pedro 3:12

Ba mo ta gbadale manade toi no trate Jesucristo chieni chuia ngwange, ba toi no trate Chube takalin kare, ene ba be kle biale joge Jesucristo ole ama chieni chuiage, ene ba be takalin Jesucristo chieni chuia chke blike. Chui ege nga ngaña Chube be kagenga ulita jita kote, chui, dai, beu, kaire lle na ulita nga ngaña be liedba jita kwira jute kote.

2 Pedro 3:4

“¿Boidu mine Cristo be chieni ole? Geru kle ama be chieni agwa ama me chie gda uñale, ama mi chieni dale, kwian kle geru jinade ngwale. Nga ulita jo dodaba nga kle kare kle, nga me boi gda uñale nga jo dodaba suiage gwaiguda, che enusulian unsuialin ulita tigedu, ulita jokeda, kle kaire nege tangle me boi gda uñale Cristo chieni giti, ulita kle salengwli nga jo dodaba suia kare.”

Judas 1:14

Adán oindalla bitagukege tangle kada Enoc Chube ama ta gbu suge gerule mo alin kwian unsuialin ole kwian daba tkanga tangle geru ngwalege ulita be boi bdagli giti, Enoc gerudu: “Ba be gwage Chugagwalla Chubedi, ama be chie ule lle boanga mo alin nga ngaña giti ngle ngle ole,

Apocalipsis 1:7

Cha gerule ulia ba ole, Jesucristo be chieni bogakwaskeni nga dba ai giti gire kwian ulita be gwage amadi, kwian bai agedu Jesucristo dollale Jesucristo guda Jesucristo kledu nga dba ai giti gire, kwian e kaire be gwage Jesucristodi chieni. Kwian nga ulitamu nga dba ai giti be nga dbe suga olire modi chru ole kennga Jesucristo chuia be chke gire. Ai ulia be boi ulita cha kle gerule kare. Ene nobi.

Apocalipsis 20:12

Gire cha gwagedu kwian me Chubenu jogebakeda ulitadi kwian jalinnu kwian jumanu kaire kwian ulita bai kaire jogebakeda chi kote ble kote kaire kwian ulita jogebakeda oña kledu nga kada Hadege, ama jaba ulita chkuni gwade kledu jagebanga gdate Chube kaire Jesucristo gwangnagu Chube kerua manade ngwange Chube be ji gbe ama alin giti. Gire chada degaba kweri ngle jo treanbanga ulita, chada e kledu gerule kwian nu ageba ulita giti, kaire chada na gdaite jo treanbanga, chada e Bda Corderonu, chada e giti kwian ulita Jesucristo gerua ganga be toi Chube ole chui tangle diali dale alin kalla kledu degaba. Kwian ulita nu ageba giti mangire batre kledu degaba chada kweri ngle giti, gire Chube ji gbu kwian ulita giti chada kledu degaba ama agedu ulita giti mangire batre.