1 Corintios 4:19 - Buglere

¹⁹ Chube takalin, me sbali cha be joge llani ba ulitaske, mo gwagwa giti cha be ba kwian kle tañachuge ene uñe, ene be chke uñale chage ulia ba kle gerule Chube kiralla giti o ba kle gerule alin ba kle tañachuge kare gballa mo ta giti.

1 Corintios 4:19 ပူးပေါင်းရင်းမြစ်များ

Hechos 18:21

Pablo gbi jigu ama ulitage bdagli, Pablo gerudu: “Chube takalin, cha be chieni chui gwealege aini ba ulita chada jwen nabitaite.” Pablo gerudu ene ulita kwian israelita ole gire Pablo du na gau una Efesoge jogedale una Cesareage.

Hechos 19:21

Boidu ene ulita una Efesoge Pablo kledu geru Jesu giti dbe una ege gire, gire Pablo mo ta gbu joge kwian Chubenu chada jwen nga Macedoniage nga Acayage ene joge dare joge chke una Jerusalénge. Pablo gerudu kwian ole ama be joge chke una Jerusalénge gire ama jogedale kaire una Romage.

Hechos 20:2

Pablo jo chke nga Macedoniage gire ama chagedu nga ulita Macedoniage kwian Chubenu chada jwen kwian Chubenu ulita ta gbe chage gwangerugu Jesu geruadi, gire ama jo nga Greciage.

Romanos 15:32

Ba ulita gerudale ene Chube ole, ene Chube takalin cha me boi jonkare cha be ñage joge chke nga suga no ole baske, cha be chege chui gweale baske undege, ene no cha alin, ene cha ña chege ba ulita ole, ene che ñage kira gai modi geru giti.

1 Corintios 11:34

Ba gweale bli ole ma no blire no mo ullage, ene me tañachuge chie blire unchkedale ba takalin kare mo litangwage tachkegda Jesucristo giti, ba age ene Chube me ji gbe ba alin mo lite ene giti. Kaire lle na tanre kle gerudale ba ole, agwa cha mi chada degange e giti, cha be joge chui gwealege baske geru trage agali ba ole geru gweale cha me degangu chada aige.

1 Corintios 14:5

Cha alin no ba ulita ñage gerule kwira nale me jwanba, agwa kaire ma no cha alin ba ulita geru Chubenu kete trate kwian kle gerule kare kwirale Chube kle ba ta gbe kare geru kete, e ma no gerule kwira nalege. Geru kwira nale kwian na ñage geru e blite tragale kwian ole kwian kle gerule kare kwirale, ene kwian Chubenu ulitage suge kle gerule mine, ene kwian Chubenu ulita ñage mo ta gbe ma no dare Chube geruadi.

1 Corintios 16:5

Cha be jogeni una Corintoge ba ulita kle ngwadi tienda ba ulitadi, agwa ngeru cha kle tañachuge joge nga Macedoniage tienda daba Chubenudi nga ege, chegé sugeti nga ege gire cha be joge dare, cha kle tañachuge joge chke ba ngwadi una Corintoge.

1 Corintios 16:7

Cha joge chke baske cha me ta gwagekalin alin ba ulitadi gire blike joge tangle, agwa ma no cha alin cha chege chui tanre ba ulita ole, Chube takalin cha chege baske chui ngle cha be chege ba ulita ole chui ngle.

1 Corintios 2:6

Kwian nu mo ta gbaba sbali geru Jesucristo giti gai ulia, kwian ene ulita nu ta jogeba chke Jesucristo geruadi, kwian ene ole cha geru ma mno Jesucristo giti trage, geru Jesucristo giti me che mo salengwli gerua ni kwian chugagwalla nga dba ai giti gerua, kwian chugagwalla ulita nga dba ai giti gdaite gdaite be joge tangle, ama me chege kwian chugagwallale diali chui tangle.

1 Corintios 4:18

Ba ulitaske gweale kle tañachuge ba kle age no ulita, ba gweale ene suge kweri moge gerule no mo giti, ba ene kle tañachuge cha kennga joge chke agali baske gerule ba ole ba kle age giti malen cha Timoteo kagu. Agwa me ene ba gweale kle tañachuge kare.

1 Corintios 4:6

Cha bitalla ulita Cristo giti, cha gerudu tanre ngeru ba ole mo giti kaire Apolos giti, e giti cha ta ba chudaboakalin suge trate ba me ñage daba Chubenu chugagwalla gdaite gai ma no daba Chubenu chugagwalla nage. Cha takalin suge trate bage ba ulita agedale Chube gerua degaba unsuialin gerule kare, ba mo ta gbadale age chada e alin gerule kare, ene ba gdaite gdaite me daba Chubenu chugagwalla gdaite gai ma no daba Chubenu chugagwalla nage, ene ba ulita Chubenu chege tañachuge salengwli, ba ulita chege mo ta dbe no daba na ulita ole.

2 Corintios 1:23

Ulia ngeru cha tañachugu joge una Corintoge tienda ba ulitadi gerule ba ulita ole agali, agwa bdagli cha tañachugu ma no ba ulita alin cha me joge ba ngwadi cha tañachugu ngeru kare, malen cha mo ta blitu cha me jo. Ba ñage tañachuge cha me kle gerule ulia, agwa uñale Chubege cha kledu tañachuge mine ba ulita giti, cha me kle gerule ene ulia ba ole Chube be cha gbe jiske cha kle gerule giti ba ole.

2 Corintios 10:9

Cha me takalin suge bage cha kle chada degange ba alin cha ta ba kwa jigakalin ka boi ba ole cha kle chada degange giti ba alin, me ene, diali cha kle chada degange ta no ole ba ulita chudaboagda mo ta gbe age ma no diali Cristo takalin kare.

Hebreos 6:3

Chube takalin gire ene cha be ñage geru na Jesucristo giti gbe chke uñale bage. Kaire che ulita mo ta gbadale suge moge ma ngle Chube takalin che toi mine ama gwage, che mo ta gbadale suge moge llema no llema me no Chube gwa giti.

Santiago 4:15

Malen che me tañachugadale mau tale agali chui gbe che be lle gweale boi che takalin chui be chiege suialinge. Ulia ma no che gerudale ene: “Che Chugagwalla Chube takalin che age ene, gire che be age ama che ta gbe age kare.”