1 Corintios 3:6 - Buglere

⁶ Cha jo Chube gerua dbe ngeru baske, Apolos jo cha nate geru amaña trage ba ole ene geru sugedu ma no bage, agwa Chube ba ulita ta blitu gerudi, Chube ba ta gbu ene geru sugedu trate ulita bage. E salengwli cha chude tku kare, Apolos chi dreunnga chude giti kare, agwa Chube chude ulita gbu tige kare.

1 Corintios 3:6 ပူးပေါင်းရင်းမြစ်များ

Hechos 11:18

Pedro gerudu ene kwian israelita Jesu gerua gaba una Jerusalénge ole, kwian e ulita Chubenu Pedro keruchugu gerule ene, gire ama ulita chegu kamne. Sugedu kwian israelita e ulitage ulia Chube kle age no kwian me israelitaske, gire ama ulita gerudu no Chube giti: —Ade kwian me israelita Chube ama kaire ta gbu Jesu gai ulia, ene Jesu giti kwian me israelita bai Jesu gai ulia tien gitiru ji chugege agedu me no gdale, ene bdagli ama kaire be toi diali Chube ole chui tangle, Chube no no ulia —kwian israelita Chubenu una Jerusalénge gerudu no ene Chube giti.

Hechos 14:27

Ama jo chkeni una Antioquíage, una ege Pablo, Bernabé mo litu kwian Jesu gerua gaba ulita ole. Pablo, Bernabé geru tragu daba Jesu gerua gaba ulita ole Chube agedu giti ama boke alin ulita, ama gerudu daba ole: —Chube kwian tanre me israelita ta gbu biale Chube gerua Jesu giti keruchuge cha bonate giti kaire kwian e tanre geru Jesu giti gau ulia —Pablo, Bernabé gerudu ene kwian ole.

Hechos 16:14

Pablo geru Jesu giti tragu muinga ole muinga ulita kledu mo litaba Pablo keruchuge, muinga gdaite kada Lidia, Lidia una Tiatiramu kle toi una Filipoge ama ñometra glitale no no chra lénrennga chbadanga. Lidia mo ta gbaba no Chube ole Chube gai dage, muinga e Pablo keruchugu gerule Jesu giti gire Chube ama ta gbu geru Jesu giti keruchuge no no, ama geru Jesu giti gau ulia.

Hechos 18:24

E suiale kwian israelita gdaite kada Apolos ama una Alejandríamu chku una Efesoge gerule Jesu giti kwian ole. Apolos Chube gerua degaba unsuialin uñe trate, Apolos gerunga trate no kwian ole Chube gerua giti.

Hechos 19:1

Apolos kledu una Corintoge nga Acayage gire Pablo chiu nga Frigiage chagedu gliske bate una Efeso ngnagu, chku una Efesoge. Eni kwian tanre Jesu gerua gaba skwendu Pabloge.

Hechos 21:19

Cha ulita jo chke, cha ulita gbi kadu ama ulitage gire Pablo geru tragu ulita trate Chube agedu no no ama giti kwian me israelitaske, Chube agedu no kwian me israelita e ulita alin.

Romanos 15:18

Cha tale suge cha me ñage gerule kwian na agedu Cristo kare cha alin giti, Cristo agedu no cha alin agali, ama cha gbu geru ama giti dbe kwian me israelitage ene chke uñale kwian me israelitage kwian me israelita Chube gai dage Chube gai ulia Cristo giti. Cha geru Cristonu tragu giti kwian me israelita tanre Chube gau ulia. Cha geru Cristo giti ketu kwian me israelitage, cha agedu no kwian gwa giti,

1 Corintios 1:12

Cha gerule ba ulita ole trate trate ba kle tañachuge kare giti, cha alin me no ba gweale kle tañachuge ai kare, ba gweale kle gerule: “Pablo alin gerule ulia, cha Pablo alin gerua gai ulia.” Gweale na kle gerule: “Apolos alin gerule ulia, cha Apolos alin gerua gai ulia.” Gweale na kle gerule: “Pedro alin gerule ulia, cha Pedro alin gerua gai ulia.” Gweale na kle gerule: “Cha alin allabi kle Cristo gerua gai ulia, cha alin allabi Cristonu ulia.”

1 Corintios 1:30

Chube agali che ulita gau che ta gbu Jesucristo gai ulia, ene che talla chege diali Jesucristo ole. Jesucristo giti Chube che ta gbe ngle, kaire Jesucristo giti Chube che jun siere ji chugege che agedu me no gdale, Jesucristo giti che chege trate Chube gwage, Jesucristo giti che kle biale joge toi Chube ole bdagli.

1 Corintios 3:7

Cha Chube gerua dbanga ngeru baske, Apolos ba ta gbanga geru e uñe ma trate. Ni cha boke gdaite ma kweri dabage ba ta gbanga, agwa Chube alin ba ta gbanga suge trate trate ulita geru giti ene ba mo ta blitu gerudi geru gai ulia.

1 Corintios 9:1

Cha Jesucristo gerua ketanga, kwian ngwale me cha gau geru Jesucristo giti ketangale kwian na ulitage, ni kwian gdaite kle cha kage, che Chugagwalla Jesucristo kle cha ta gbe gerule ama giti. Jesucristo agalidi mo gwagwa giti cha gwagedu, ama cha gau geru amanu ketangale kwian ulitage malen cha ñadu geru amanu kete ba ulitage, ene cha giti ba mo ta blitu Jesucristo gai ulia.

Efesios 3:17

Ba ama ulita ta gbe Cristo gai ma no dare diali gwangerugu mo Chugagwallale, ba ama chudaboi mo Oña giti, ene suge amage mo tale Cristo kle diali ama ole. Ama no no ba ole kaire ama no daba ole,

1 Tesalonicenses 1:5

Cha jo chke geru Jesucristo giti dbe ba ulita una Tesalónicamuge cha me jo chke geru e kete bage gballa, Chube Oña kledu cha ole, ama cha ta gbu geru Jesucristo giti kete ba ulitage kiraske, uñale chage trate trate geru Jesucristo giti geru ulia, malen cha gerudu no trate ba ole Jesucristo gerua giti. Uñale ba ulitage cha chagedu baske geru Jesucristo giti dbe ba ulitage cha mo ta gbu chage no trate ba ulitaske, ene cha giti ba ñage geru ulia gai, cha agedu ene no ba ulita alin.