1 Corintios 16:18 - Buglere

¹⁸ Ama gdamai kle cha ole kle cha ta gbe suge tanre kiraske Jesucristo gerua giti ama kle ba ulita ta gbe diali gerudi ama kle ba ole kare. Daba e kare na ulita kle lle boi baske no Chube alin, ba ulita daba ene gadale dage, ba gerudale no ama ole ama kle lle boi no Chube alin baske giti.

1 Corintios 16:18 ပူးပေါင်းရင်းမြစ်များ

Romanos 15:32

Ba ulita gerudale ene Chube ole, ene Chube takalin cha me boi jonkare cha be ñage joge chke nga suga no ole baske, cha be chege chui gweale baske undege, ene no cha alin, ene cha ña chege ba ulita ole, ene che ñage kira gai modi geru giti.

2 Corintios 7:13

Ba ulita cha gerua gbu gdadi agedu cha gerudu kare, malen nege nga suga no cha tale ba agedu giti cha chada degangu ba ta gbu kare, me e alin, kaire cha ta suge ma no gwage Titodi nga suga no no ole ba ulita giti, Tito kira jagere gau ba ulitage.

1 Tesalonicenses 5:12

Cha daballa cha ibotea Jesucristo giti, cha gerule ba ulita ole, noare ba tañachuge no daba giti daba bai kle lle boi modi Chube alin baske, daba ba chugagwale kle che Chugagwalla Jesucristo gerua dbe ba ulitaske kle ba tke tangle che Chugagwalla Jesucristo geruage ene ba Jesucristo uñadale ma no ba chagedale ma no trate.

Filemón 1:20

Cha daballa Jesucristo giti Filemón, ba Jesucristo gerua gaba cha kare, cha takalin ba cha ta gbe suga no ole, ba cha chudaboadale age no Onésimo alin, ba Jesucristo gerua ganga no malen ba agedale no Onésimo alin.

Filemón 1:7

Filemón, chadi nga suga noare ba giti ba kle mo ta dbe no diali daba ulita ole, daba Jesucristo gerua ganga ta olire gire ba kle daba e ta gbe nga suga no ole.

Hebreos 13:7

Ba tachkedale kwian giti kwian ulita bai ba tku tangle gwangeabi Chube gerua giti. Ba tañachugadale kwian e ba tku tangle ama mo ta gbu mine Chube ole giti kaire ama jokeda mo ta gbe diali Chube ole giti. Ba mo ta gbadale age ulita kwian e mo ta gbu age kare Jesucristo giti, ba Chube gerua Jesucristo giti gadale ulia jumale kwian e Chube gerua Jesucristo giti gau ulia kare.

3 Juan 1:4

Geru chke uñale chage cha olia gweale Jesucristo giti kle mo ta gbe toi no ulita Chube gerua ulia gerule kare, e giti nga suga no no chadi, malen e giti nga suga no no chadi ba giti.