1 Corintios 15:57 - Buglere

⁵⁷ Agwa che gerudale no no Chube ole Chube agedu no che alin che Chugagwalla Jesucristo giti, jogeda Jesucristo talla gai ulia ole che me kwachie, ama chkuni gwade malen che jogeda che mi chege jogebada diali.

1 Corintios 15:57 ပူးပေါင်းရင်းမြစ်များ

Juan 16:33

Cha gerudu ulita ba ole, ba tachkedale e giti ulita, ene cha giti ba be ta dbe suga no diali. Ba ulita chanu be boi daga ngwale nga dba ai giti kwian me chanuske, agwa ba me tallade e giti, ba me ta dbe kennga, ba mo ta gbadale diali cha kirallaske, cha kirachku ulita me no kiralladi.

Hechos 27:35

Pablo gerudu ene kwian ulita kle duge ole gire Pablo pan gau kote gerudu Chube ole: “Chube, noare ba bligda ai ketu gutadale cha ulita alin.” Pablo gerudu ene ulita Chube ole gire Pablo pan skutunga, pan gutu.

Romanos 8:37

Che me tallade boi tanre daga ngwale giti, uñale chege che Jesucristonu Jesucristo no no che ole ama agedu tanre no che alin, e giti che mo ta gbe no ama ole, boi daga ngwale me ñage che ta gbe siere amage.

1 Corintios 15:51

Cha geru no kete ba ulitage Chube be age giti che ulita ole, geru ai ni uñale ba gdaitege, che Chubenu ulita mi kle jogebada Cristo chieni chuiage, agwa bai kaire be kle gwade chui ege jegwale ulita be jwlite nganake.

2 Corintios 1:11

Noare ba ulita mo ta gbe gerule Chube ole cha giti, ba ulita chudaboi kade Chubege cha alin cha kle boi tirareske. Ba ulita gerule ene Chube ole cha giti, Chube be cha chudaboi gire be suge ba ulitage Chube kle age no cha alin, e giti ba ulitadi nga be suga no gire ba ulita be gerule no no Chube ole ama kle age giti.

2 Corintios 2:14

Cha gerule no no Chube giti, diali ama kle cha chudaboi tanre nga ulitage baini kaire cha joge ngwadi, diali ama kle cha ta gbe chage no mo ta dbe no Cristo ole gerule no trate Cristo giti kwian ulita ole, ene cha giti geru Cristo giti ñage chke uñale kwian nga ulitamuge. Cristo gerua kle chage kwianske nga ulitage lle ñachke no ñalla kare, geru kle skwen no kwiange.

2 Corintios 9:15

Che ulita gerudale no no Chube giti Chube mo Kirolla ketu che alin, e giti geru me che alin gerudale no mine Chube ole Chube Kirolla giti, Chube Kirolla giti che ulita ta suge no gdaitre alin malen che ulita ñage mo ta gbe no daba na chudaboi.

Efesios 5:20

Ba gerudale diali Chube che Ñenua ole ene: “Chube, noare ba kle age no cha alin diali, ba kle cha manade no, ba kle cha chudaboi diali lle ulita giti.” Ba gerudale ene Jesucristo che Chugagwalla kalla giti Chube ole Chube kle age no ba alin giti.

Hebreos 2:14

Kwian ulita bai kaire Jesucristo kle gerule giti kwian ene chege Chube oliale Jesucristo ole ule. Salengwli kwian kle toi u gbaitre alinge gwa ulita mo olia ole kare, e kare ene Jesucristo chegu kwianle salengwli kwian ulita kare, ene ama ñadu jogekeda boi ulita daga ngwale kwian kle boi kare. Agwa Jesucristo jokeda ama jaba chkuni gwade gire e giti ama kirachku che dolla Satanádi, che dolla kwian gbanga age me no Chube dollale malen age me no kbiale kwian ulita kle jogekeda. Jesucristo agedu giti che dolla e me chegu kiraske dale ngeru kare che gbe jogekeda age me no kbiale. Jesucristo kirachku che dolladi, malen kwian me kendalenga dare jogekeda giti, diali kwian ulita chru ole tanre ta kle kennga jogekeda giti ni chru e joge tangle amage, diali ama chege tañachuge jogekeda giti, agwa Jesucristo ta chrule junnga kwian ama gerua gangage, che dolla Satanás amaña kada Diablo me chegu kiraske Jesucristoge.

Apocalipsis 12:11

Nga dba giti Jesucristo jo gwabada kwian ulita age me no giti salengwli kwian bda cordero guda kare kwian agedu me no giti ene kwian ñage chege trate Chube gwa giti. E kare ene kaire agwe Jesucristo jokeda kruge, e giti daba Chubenu ñadu kirachke che dolladi, daba e Chube gerua ulia tragu kwian na ole Chube tadukalin kare ama me kendunga kwian be age daga ngwale ama ole Chube gerua gdale giti agwa ulia ama ulita mo ta gbu biale kwian ama gwakalinda Chube gerua gdale. Jesucristo giti ama ñadu age ene kirachke che dolladi.

Apocalipsis 21:4

Malen kwian Chubenu ulita boidu daga ngwale ngeruge e ulita be joge tangle, mi kle dare ngeru kare. Chube be kwian amanu ulita ta olire jwennga kwian amanu mi chege ta olire ole dare, Chube be ama ta gbe nga suga no ole, kaire agwe kwian ulita Chubenu mi jogekeda dare ni be kle ta olire ole dare ni kwian be kle mo suia jwennga boi gwealege ni kwian be skibachie ulita be kle nga noge ulita be kle toi nga suga no ole diali Chube ole ule.” Keru e sugedu chage ene ulita.