1 Corintios 15:34 - Buglere

³⁴ Ba ulita bai kaire kle mo ta gbe geru me ulia ole, ba mo ta gbadaleni naskuni tañachuge no geru ulia giti me age me no dare, ba gweale me Chube uñe ulia malen ba kle mo ta gbe joge siere geru uliage, nga chiedale ibule badi cha kle gerule kare ba ole.

1 Corintios 15:34 ပူးပေါင်းရင်းမြစ်များ

Mateo 22:29

Jesu jaindunga kwian saduceo kalen: —Ba me kle tañachuge trate dale, ni ba geru ulia uñe. Ba me Moisés nu Chube gerua degaba unsuialin uñe trate, kaire me suge trate bage Chube kweri Chube ñage age ulita mo kiralla giti, malen ba me kle tañachuge trate geru e giti.

Juan 5:14

Bigwa Jesu tendu kwian Jesu nu dodaba ngwange u gerungwa Chube olege, Jesu gerudu ama ole: —Ba cha keruchuge, nege ba jo chkeni noni ba me oga, ba mo ta gbadale me age me no ba agedu nge kare. Ba me mo tallade ba be boi nabitaite ma tirare age naskuni e kare giti.

Juan 8:11

Muinga jaindunga: —Ni kwian gdaite ñadu mo ta gbe cha skie ke giti. Jesu gerudu: —Cha kaire me ba skie ke giti ba agedu me no gdale, ma no ba jogeni gudegu ba me age me no dare nge kare.

Hechos 26:8

Pablo gerudu ene Agripa ole gire Pablo gerudu kwian ulita kle mo litaba ole kaire: —¿Mineade ba ulita me geru gai ulia Chube kwian jaba gbeni gwade giti? ¿Ba ulita tañachuge Chube me ñage kwian jaba gbeni gwade chui bdaglige? Ba me geru e gai ulia, malen ba kle cha gbe jiske geru e giti.

Romanos 1:28

Kwian agenga me noge uñale Chube kle, agwa kwian ene me tañachuge Chube giti me Chube gai dage me mo ta blite Chube ole. Chube kwian ene chuge ngwadi chege tañachuge me no me no diali, ene kwian chege age me no tanre ama kle tañachuge kare.

Romanos 13:11

Ba ulita mo ta gbadale ta dbe no ene daba na ulita ole, uñale bage chui kle kodi gire Jesucristo be chieni che kwian amanu dbadale ama kle ngwadi, ba me kledale alenske me tañachuge mo giti kwian kle gbe kare, ba ulita mo ta gbadale chage no trate Chube takalin kare Jesucristo chieni manade ngwange, Jesucristo chieni chuia kle ma kodi ba Jesucristo gau chuiage.

1 Corintios 4:14

Cha kle chada ai degange ba ulita alin cha kle gerule kare ba ulita ole, cha me kle ba ta gbe ibule ba kle age giti, agwa cha kle ba chudaboi ba ta gbe suge tachke gwangerugudba Chube takalin kare, cha kle gerule kare ba ole mo kirogwallanu kare, cha no no ba ulita ole.

1 Corintios 6:5

Ba ibudale tanre ba kle age giti daba Chubenu ole daba dbe chugagwalla me Chubenu ngwadi. Ba ulitaske daba gweale ta molen ñage gerule daba agedu ba dollale ole geru trage no modi daba ole daba kle age giti, daba e kare kle ba ulitaske, daba age gweale ba dollale ba daba e dbadale daba Chubenu ta molen ngwadi geru tragadale ta no giti ama gwa giti daba agedu ba dollale giti. ¿Mineade ba me kle mo ta gbe tañachuge age ene? Cha gerule ba ole, ba agedale moske no, agwa ba me kle age.

1 Corintios 8:7

Chege suge trate Chube gdaitre alin kle, uñale chege lle oña ulita kwian kle gai chubere lle oña e ulita ngwale me kle gwade me ñage age. Agwa che bitalla Chubenu ulitage me suge ene trate, daba gweale me Chube ulia gaba sbali, ama me Chube gerua uñe trate. Daba ene bebi Chube ulia uñe ama lle oña e gau mo chubeale, nege ama kle Chube ulia gai mo Chubeale agwa suge amage lle oña e kiraske ñage age bligda ole, malen ama tale suge me no bligda kaitaba lle oña ege gute, ama bligda ene gute ama agali tañachuge chege me no Chube gwage.

Efesios 5:14

gire ene ama ñage mo ta blite Cristo gerua gai ulia. Geru gweale kle degaba kwian me Cristo uñe giti, chada e kle gerule ene: “Kwian me Cristo gerua uñe kle chege salengwli kwian kle gbe ngajrege kare, kwian ene Cristo gerua gadale. Kwian kle chage sugekare Chubege, ama salengwli kwian jogebakeda kare, kwian ene mo ta gbadale Cristo gerua gai ulia. Gire ene Cristo be ama ulita ta gbe no trate nga suga no ole.” Geru ai kle degaba ene, ba geru ai gbe gdadi mo tale.

1 Tesalonicenses 4:5

Me no tañachuge muinga na nate mau alin kwian me Chube uñe kle age kare.