1 Corintios 14:16 - Buglere

¹⁶ Ene kaire ba ulita mo ta gbadale gerule no Chube ole daba Chubenuske Chube kle age giti daba kle gerule kare kwirale, ene geru suge dabage, ene daba ñage mo ta gbe ule ba ole gerule Chube ole. Ba kle gerule no Chube ole daba Chubenuske kwira nale me daba kle gerule kare kwirale, geru e me suge dabage, ene daba me ñage mo ta gbe ule ba ole ba kle gerule kare Chube ole.

1 Corintios 14:16 ပူးပေါင်းရင်းမြစ်များ

Mateo 15:36

gire Jesu pan gdaguke gau kote kaire ngwe soli gau kote, Jesu gerudu Chube ole: “Cha Ñenua, nga suga noare chadi ba bligda ai ketu chage kwian ai ulita ullagda.” Jesu gerudu ene Chube ole bligda giti gire Jesu pan skutunga kaire ngwe uda junnga ketu geru jwannga ulitage girabatadale kwian ulita ole. Pan kaire ngwe jriendunga ngle kwian ulita alin gutadale.

Mateo 28:20

Kaire ba kwian e ulita tkale tangle cha gerua gai dage ulia age diali ulita cha gerudu ba ole kare. Ba ulita joge cha gerua dbe ene, gire cha be kle ba ole ule diali ba chudaboi chui tangle chui ulitage —Jesu gerudu ene ulita kwian geru jwannga amage ulita ole.

Mateo 6:13

Ba me cha chuge ngwadi che dollage, ene ama me ñage age me no cha ole. Ba cha jwen siere lle me no ulitage. Uñale chage ba kwian ulita Chugagwalla ma kweri, ba kiraske ba ñage age ulita mo kiralla giti, ba no no, ba ene diali chui tangle. Cha gerule ene ulita ba ole cha Ñenua. Ene nobi.” Ba ulita gerudale ene Chube ole.

Marcos 16:20

Jesu joni nga ngaña giti ene, gire kwian geru jwannga Jesuge ulita jo nga ulitage Jesu ama kagu kare geru no Jesu giti kete kwian na ulitage. Jesu ama chudabo, Jesu mo kira ketu ama ulitage Jesu kiralla giti ama ulita lle daga ngwale no tanre dodadu kwian tanre na gwa giti, e giti kwian nage sugedu Jesu kle ama chudaboi age no kwianske.

Juan 21:25

Jesu lle tanre dodadu nga dba ai giti, lle e ulita me kle degaba chada ai giti, chada e ulita dege gdaite mo kaire kaire Jesu agedu giti ulita cha tañachuge chada e ulita me joge chke no nga dba ai giti. Lle tanre tanre Jesu bo nga dba ai giti, e ulita me kle degaba chada ai giti agwa geru no trate tanre Jesu giti kle degaba chada ai giti kwian ulita alin.

Juan 7:15

Jesu kle kwian ngle tke tangle ene u gerungwa Chube olege gire kwian israelita chugagwalla ngle chegu tañachuge tanre Jesudi, kwian e gerudu: —¿Mineade ama ñage gerule trate Chube giti, ama me geru jwanba che kare?

Hechos 4:13

Kwian israelita chugagwalla ulita gwagedu Pedrodi Juandi gerule no Jesu giti me ta kennga ole ama ngeru gerule trate ama ulita kle mo litaba gwa giti. Kwian e ulita chegu tañachuge tanre Pedrodi Juandi, ama boke me geru jwanba mineade ama ñage gerule no trate kwian geru jwanba tanre kare. E giti chku uñale kwian israelita chugagwalla ulitage Pedro kaire Juan geru jwannga Jesuge chagedu diali ule Jesu ole Jesu kledu nga dba ai giti gire.

1 Corintios 14:14

Cha gerule Chube ole daba Chubenuske kwira nale me daba kle gerule kare kwirale ni cha kle gerule kare kwirale, cha gerule Chube ole kwira enere Chube Oña cha ta gbe kare, cha kle gerule Chube ole agwa geru e me suge dabage ni suge chage, cha kle gerule ene alin e me daba chudaboi.

1 Corintios 14:2

Chube Oña kiralla giti kwian gerule kwira nale kwian me jwanba, e no, agwa me suge daba nage, kwian gerule kwira nale suge Chube alinge allabi kwian kle gerule mine, gerule kwira nale me jwanba e me daba na chudaboi.

1 Corintios 16:24

Cha takalin suge trate ba ulitage cha no no ba ulita ole Jesucristo giti. Geru ai ene ulita cha Pablo chada degangu ba ulita kwian Chubenu una Corintoge alin. Che kle meni.

2 Corintios 1:20

Kaire Jesucristo agedu ulita kwian alin Chube gerudu unsuialin Chube be Jesucristo gbe age kare, Jesucristo agedu no ene ulita giti che ulita gerule no no Chube ole.

Apocalipsis 22:20

Jesucristo lle boanga mo alin nga ngaña giti kagu cha ta gbe geru ulia ai ulita giti, ama kle gerule ene: “Ulia cha be chieni sugeti.” Gire cha jainnga Jesucristo kalen: “Cha Chugagwalla Jesu, cha takalin chege ulita chada ai kle gerule kare. Cha takalin ba chieni blikare ba kle gerule kare. Ene nobi.” Cha gerule ene Jesucristo chieni giti.

Apocalipsis 5:14

gire lle gwade gdabaga gerudu ene: “Cha takalin ulita chege lle ulita kle gerule kare Chube giti kaire Bda Cordero giti. Ene nobi.” Lle gwade gdabaga gerudu ene gire kwian daba Chubenu chugagwalla juma veinticuatro ulita jongnagwa skutu dba Chube kaire Bda Cordero gai dage mo Chugagwallale kweri.

Apocalipsis 7:12

lle boanga ulita gerudu ene Chube giti: “Che gerudale no che Chubea giti, che no no ama ole, ama ta kle chke uñale lle ulita giti, ama diali agenga no che alin, ama che mananga no. Ama no trate ulita malen che ama gadale dage, ama che Chugagwalla no. Ama kiraske tanre ulita, ama ñage age ulita, ama ma kiraske lle ulitage. Ama be chege lle ulita Chugagwalla kweri diali chui tangle. Ene nobi ulita.” Lle boanga ulita kle Chubedi tangle gerudu no ene Chube giti.