1 Corintios 13:6 - Buglere

⁶ Me nga dbe suga no daba kle age me no giti, agwa nga dbe suga no daba e amaña kle age no Chube takalin kare giti.

1 Corintios 13:6 ပူးပေါင်းရင်းမြစ်များ

Mateo 18:13

Cha gerule ulia ba ole, oveja soli be skwen amage gire nga be chie suga noare amadi oveja gdaite jogebanga giti ma no oveja na dare noventa y nueve me jogebangage.

Lucas 22:5

Judas-Iscariote gerudu ene kwian chugagwalla e ulita ole gire ama ulitadi nga jo chke suga noare, ama gerudu Judas-Iscariote ole: —Ba be cha chudaboi giti cha be igi ngle kete bage ba Jesu kete chage ñanale.

Romanos 1:32

Kwian mo ta dbe age me no ai kare ulita, kwian ene tale suge amage Chube me no ama kle age giti ole agwa gire ama kle age gwangerugu, kwiange suge chegé age me no ulita giti ama be chege sugekare Chubege diali chui tangle. E uñale trate kwiange agwa kwian me tañachuge Chube be ji gbe ama alin age me no giti, kwian mo ta gbe diali age dare me no, kaire nga suga no amadi kwian na giti kle age me no kaire.

Romanos 12:9

Ba me gerule alin ba no daba na ole, ba mo ta dbadale ulia no daba na ulita ole. Ba jogedale siere me no ulitage mo ta gbadale chege age no diali.

Filipenses 1:18

Kwian gweale ta me no chadi, agwa e giti cha me tallade, nga suga noare chadi daba ulita ñage geru Jesucristo giti trage kwian ulita ole. Me uñale chage kwian geru dbanga kle gerule ta no giti kle gerule ta me no giti kwian ole, agwa ma no cha alin kwian ulita me Jesucristo gerua keruchugaba ñage geru Jesucristo giti keruchuge blike daba gweale geru dbanga giti, chadi nga suga no daba ulita bai geru dbe giti.

Filipenses 3:18

Cha gerudu tanre ba ole kwian gweale kle age Cristo dollale giti, nege cha kle olire gerule nabitaite ba ole kwian e kare giti, ama kle gerule alin: “Cha Cristo gai ulia”, agwa gire ama me Cristo jokeda kruge gai ulia, ama me chage Cristo takalin kare, ama Cristo dollale. Ba me age ama kle age kare.

2 Tesalonicenses 2:12

Ene kaire kwian ulita bai geru ngwale e gai ulia onbre e giti ama kle tañachuge geru e noare, nga suga noare amadige age me no ama takalin kare diali, kwian e ulita giti Chube be ji gbe tirare ama me geru ulia gau kbiale.

2 Juan 1:4

Nga suga noare chadi ba gweale giti ba gweale kle toi no trate Chube gerua gerule kare, Chube che Ñenua geru ketu chege toi ama takalin kare giti, geru e kle degaba kare ba kle toi, malen e giti nga suga noare chadi ulia.