1 Corintios 13:12 - Buglere12 Ene kaire nege che ta kirogwa talla kare Chube gerua ole, Chube gerua ulita me suge trate chege, che talla ulita nege Chube geruadi bebi kle trate, nege che ta suge Chube geruadi salengwli che gwage mo oñadi chi oña juda me noge kare, me gwage trate mo gwadi. Agwa chui gwealege che be gwage mo gwagwa giti Jesucristodi, chui ege be suge chege trate Chube gerua giti, chui ege che be Chube gerua uñe trate trate Chube che ta uñe nege kare. အခန်းကိုကြည့်ပါ။ |
Ulia che kle boi daga ngwale Jesucristo gerua giti nga dba ai giti, e sugeti alin me salengwli che be kle ule Jesucristo ole kare, malen cha me tañachuge tanre boi daga ngwale giti. Ma no diali cha kle tañachuge chui be chie giti gire che be kle ule Jesucristo ole diali chui tangle nga ngaña giti Chube kle ngwadi, chui ege che mi boi daga ngwale dare, che be kle no ulita Jesucristo ole.
Kwian bai kaire kle geru keruchuge alin allabi me kle age geru e gerule kare, kwian ene salengwli kwian kle gwage mo gwadi chi oñage kare kle joge siere chi oñage gire kle ta jogenga ulita ama gwa mine, e kare ene kwian bai kaire kle Chube gerua keruchuge alin allabi me kle Chube gerua gbe gdadi, ama ta jogenga geru kle gerule mine ama alin.
Ba cha bitalla ulita Jesucristo giti, ba ole cha gerule ulia, che ulita Chube oliale che ama gerua gaba giti. Chege me uñale trate che be chege mine bdagli, agwa uñale chege Jesucristo chieni gire che be gwage amadi agali mo gwagwa giti, chege be suge trate ama giti, chui ege che be chege no trate ama kare.