1 Corintios 11:22 - Buglere

²² Ba bai kle blire ene daba na gwage, ¿mineade ba me kle blire mo ullage ngle lle jai ngle ba takalin kare? ¿O ba ulla me agengwa ene? Ba me ñage age me no ene daba na ole mo litangwa Chube geruadi ngwadi, kaire ba me ñage age ene ibu gbe daba na Chubenu me bligda molendi. ¿E giti ba tañachuge cha gerudale no ba kle age giti? Ulita ba kle age giti ba takalin kare sugekare Jesucristo agedu gitige, cha me gerule sidri no ba ole e giti.

1 Corintios 11:22 ပူးပေါင်းရင်းမြစ်များ

Hechos 20:28

Ba agali kwian Chubenu chugagwalla ulita chagedale ta giti, kaire ba kwian Chubenu na ulita manadale no ta giti. Chube Oña ba gau ba gbu kwian Chubenu manade, malen ba mo ta gbadale kwian Chubenu ulita manade no Chube gerua Jesu gitidi. Jesu jokeda giti kwian Jesu gau ulia kwian ene ulita Chubenu ba manadale no Chube geruadi.

1 Corintios 10:32

Kwian israelita gwa giti kwian me israelita gwa giti kaire kwian Chubenu ulita gwa giti ba mo ta gbadale age trate ene Chube takalin kare, ene ba mi kwian gdaite ta gbe age me no Chube dollale ba kle age giti.

1 Corintios 11:17

Nege cha gerule ba ulita ole lle na kle boi baske giti, nga me suga no chadi ba kle age giti. Chage suge ba ulita kle mo lite ba ulita mo ta gbadale no mo chudaboi modi, agwa me kle boi ene baske, ba kle mo ta gbe age nganake.

1 Corintios 11:2

Uñale chage ba ulita me kle ta jogenga chage, no ba kle tachke cha giti, kaire noare ba kle age cha ba tku tangle kare geru ulia Cristo gitige, chadi nga suga no no ba kle mo ta gbe age ene giti.

1 Corintios 11:34

Ba gweale bli ole ma no blire no mo ullage, ene me tañachuge chie blire unchkedale ba takalin kare mo litangwage tachkegda Jesucristo giti, ba age ene Chube me ji gbe ba alin mo lite ene giti. Kaire lle na tanre kle gerudale ba ole, agwa cha mi chada degange e giti, cha be joge chui gwealege baske geru trage agali ba ole geru gweale cha me degangu chada aige.

1 Corintios 15:9

cha ma soli ama ulitage ni cha ka chegedale kwian Jesucristo gerua ketangale. Ngeru cha bebi Cristo gai ulia cha chagedu age me no tanre kwian nu Cristo gaba ulia dollale, cha ene gire Cristo cha gau mo alin, Cristo cha ta blitu ama gai ulia, ama cha gbu ama gerua ketangale.

1 Timoteo 3:5

mo ullaske ama me mo gbe mo kirogwalla chugagwallale no, gire ene kaire mi ñage mo gbe kwian Chubenu chugagwallale no.