1 Corintios 10:1 - Buglere

¹ Cha bitalla Jesucristo giti, cha gerule ba ulita ole, cha takalin ba ulita tachke boidu che enusulian unsuialin ole giti, che enusulian unsuialin jo siere nga Egiptoge gire Chube bogakwa gbu ama ulita jonlla dbe, bogakwa e jo che enusulian unsuialin dbe ble kada Mar Rojoske tangle, ulita jo tangle seradi.

1 Corintios 10:1 ပူးပေါင်းရင်းမြစ်များ

Juan 4:20

Muinga gerudu ene Jesu ole gire muinga jwichuga kle kodi ama kledu ngwadi kaitu Jesuge: —Gwagede jwichuga edi, jwichuga e giti ngaña diali cha enusulian nga Samariamu unsuialin Chube olladu, kaire nege cha cha bitalla ole kle joge jwichuga e giti eni alin Chube olladadale. Agwa ba kwian israelita ulita kle gerule kwian ulita jogedale una Jerusalénge, llani alin u gerungwa Chube ole kwian ñage Chube ollade.

Romanos 1:13

Cha takalin chke uñale ba ulita cha daballa cha ibotea Jesucristo gitige, bitangle cha mo ta gbu joge ba ngwadi tienda badi, sbali kledu boi ene cha ole, nege kle boi ene kaire, diali lle gweale kle cha jonllage gire cha me ñage joge chke. Cha klekalin ba ulita ole llani baske ba ulita Jesucristonu tke tangle Jesucristo giti, ene kwian gweale na kle toi baske ña geru Jesucristo giti keruchuge geru Jesucristo giti gai ulia kwian me israelita nga nage geru Jesucristo giti gau ulia kare.

Romanos 11:21

Chube kwian israelita chudalla ulita gaba mo alin, kwian e me mo ta gbu Chube ole Chube gai ulia, e giti Chube kwian e chugu ngwadi sugekare, ene kaire ba kwian na chudalla Chube me gaba ngeru mo alin, ba me mo ta gbe ama gai ulia diali Chube be ba chuge ngwadi sugekare ma blike ama kwian israelita chugu ngwadige.

1 Corintios 12:1

Cha daballa cha ibotea Jesucristo giti, ba geru kade na degu cha alin, nege cha gerule ba ole e giti. Cha takalin suge trate ba ulitage ai giti: Chube Oña kle ta kete kwian Chubenuge lle kaire kaire boadale no mo kaire kaire Chube alin.

1 Corintios 14:38

Bage chada ai me suge ene, ba me age chada ai Chube cha ta gbu degange kare, ba tañachuge geru ai cha agali gerua me Chube gerua, ba tañachuge ene, Chube gwage ba me Chube gerua ketanga ulia daba ulita mo litaba Chubenuge ba me gerunga kwira nale ulia Chube Oña kiralla giti, Chube gwage ba kwian ngwale, Chube me ta ketu bage ama gerua kete daba nage Chube me ta ketu bage gerule kwira nale me jwanba.

Gálatas 3:29

Ba ulita bai Cristonu ba Abraham oindalla ulia Cristo giti, Chube gerudu unsuialin Abraham ole Chube be age no Abraham alin kaire Abraham oindalla ulita alin, Chube agedu no ba ulita alin Chube gerudu kare Abraham ole, Chube Cristo kagu.

Hebreos 11:29

Che enusulian oña israelita ulita jo siere nga Egiptoge gire ama mo ta gbu ulia Chube ole Chube be ama chudaboi Chube nu gerubabi ama ole kare, malen ama ulita jo chke ble kada Mar Rojo kagdage, gire Chube ble degunga, nga chegu jon kare ulen ama ulita jo chage nga ulenge. Ama jo tangle ulita ble giti chkagu, gire ama dolla kwian nga Egiptomu tadu jogekalin tangle kwian israelita nate ble eske tangle salengwli kwian israelita kare, ama ulita jo chke ble bonga gire Chube ble ulita gbuni naskuni. Chube ji gbu kwian nga Egiptomu giti ene ulita, kwian nga Egiptomu ulita mangire batre jo ama ulita unjo, ama ulita jokeda ble kote.