തീത്തോസു 3:7 - സാമി സേദി7 ഇത്തെ ബേ്റ്‌വായിവെന്ത് സാമി നമാന തന്നോഡൊപ്പ നേര്‌മെഗാറാന് മാഡിബെത്താന്. അദ്‌താനേമല്ല നമ്മ നെഞ്ചഡെബെത്ത് കാത്ത്‌റ്‌ക്കുവ എന്നാല്‌ക്ക്‌മ് ഇര്‌ക്കുവ പെ്ളേപ്പ്‌ക്ക് ഉരിമെഗാറാര്‌മ് മാഡ്‌നാന്. အခန်းကိုကြည့်ပါ။ |
തീത്തോസു 3:7
25 ပူးပေါင်းရင်းမြစ်များ
അദ്‌നാലെ സാമി കൊഡുക്കുവെ എന്റ് സൊല്ലിന്താദ്‌ന കൊഡുക്കുവാദ് നമ്പിക്കെനാലേത്തെ. അദ്‌ന ബെ്റ്‌ദേത്തെ സാമി കൊഡുക്കുവാദ്. മോസെ ബെത്ത സാമി സട്ടപഡി നഡാക്കുവ അവുറഗാമ് കാല്‌കെ്ളേക്ക് താന്യല്ല, അവുറഗാമ്‌ക്കിന്ത അദേ നമ്പിക്കോഡ പെ്ളേക്കുവ കാല്‌കെ്ളെഗാള്‌ക്ക് ഗുഡിത്തെ അദ് ഒറേപ്പ് മാഡിര്‌ക്കുവാദ്. എന്ത്‌ക്കെന്റ് സൊന്ന അവുറഗാമ് എല്ലാവാര്‌ക്ക്‌മ് പാട്ടാന് ആയിര്‌ക്ക്‌ന്റാനല്ല?
മോസെ ബെത്ത സാമി സട്ടാത്ത്‌ല് സൊല്ലിര്‌ക്കുവ കാര്യഗാള്‌ന ഗേവാദ്‌നാലെ അല്ല, ഏസ്സ് ക്‌റ്‌സ്‌ത്തോഡ ബെത്ത്‌റ്‌ക്കുവ നമ്പിക്കെനാലേത്തെ സാമി ഒരുത്താന്‌ന നേര്‌മെഗാറാനായി കണാക്ക് മാഡുവാദെന്റ് നമാക്ക് തെരിമ്. അദ്‌നാലെ മോസെ ബെത്ത്‌റ്‌ക്കുവ സാമി സട്ടാത്ത്‌ല് സൊല്ലിര്‌ക്കുവ കാര്യഗാള്‌ന ഗേഗാദെ ക്‌റ്‌സ്‌ത്ത് ഏസ്സ്‌ന നമ്പി നേര്‌മെഗാറാരായ ബേ്ണ്ടി നമ്മാമ് ക്‌റ്‌സ്‌ത്ത്‌ന നമ്പ്‌നാമ്. മോസെ ബെത്ത സാമി സട്ടാത്ത്‌ല് സൊല്ലിര്‌ക്കുവ കാര്യഗാള്‌ന ഗേവാദ്‌നാലെ സാമി ആര്‌നാമ് നേര്‌മെഗാറാരായി കണാക്ക്‌മാഡുവാദില്ല്യല്ല.
നമാന സീവാന് പട്ടവാന്‌മ് നമാക്ക് പ്‌ണ്ണ്യ ഗേന്ത് നമാന ദയിരപഡ്‌സ്‌ന്റവാന്‌മ് നമാക്ക് ഏസ്സ് ക്‌റ്‌സ്‌ത്ത്‌ന കാത്ത്‌റ്‌ക്കുവാദ്‌ക്കുള്ള നല്ല നെഞ്ചഡെന തന്തവാന്‌മാന അപ്പാനാന സാമിമ്, നമ്മ് ആണ്ടവാന് ഏസ്സ് ക്‌റ്‌സ്‌ത്ത്‌മ് നിമ്മ് മനേസ്സ്‌ന ദയിരപഡിസി എല്ലാ നല്ല കാര്യഗാള് ഗേയാമ് സൊല്ല്യാമ് നിമാന ഒറേപ്പുള്ളവാര് മാഡുഡൊ.
നോഗേക്ക് നമ്പിക്കെ ഇന്താദ്‌നാലെ അന്നമാട്ട്‌ക്ക് താന് കാണാദിന്ത കാര്യഗാള്‌ന പറ്റി സാമി സൊന്നാദ്‌ന കേ്ള്‌ക്ക്യ മുഡിന്ത്‌ദ്. സാമി സൊന്നാദ്‌ന കേ്ട്ട് തന്ന് പെ്ണ്ട്‌പ്‌ള്ളെന കാപാറ്റ്യ നോഗെ ദൊഡ്ഡ ഒന്റു പെ്ട്ടി മാഡ്‌നാന്. അത്തെ അയാള് ഉലഗാന കുറ്റാമ് ബിദിത്ത് നമ്പുവാദ്‌നാലെ സാമി കണ്ണ്‌ക്ക് നേര്‌മെഗാറാന്‌മ് ആനാന്.
അദേപാസെ ആളനച്ചനാമെ, നിമ്മ് പരേസാക്ക് തഡേസ ബരാദിര്‌ക്ക്യ ബേ്ണ്ടി നിമ്മ് പെ്ണ്ടച്ച്യാമോഡ ബുദ്ദ്യോഡ നഡാന്ത്‌പ്‌ഡിത്ത് ഗേന്. എന്ത്‌ക്കെന്റ് സൊന്ന പെ്ണ്ണ്‌മക്കാള് നിമാന ബ്‌ഡ ബില ഇല്ലത്തവാര്‌ത്തെ. സാമി ദാന ഗേന്ത്‌റ്‌ക്കുവ ഉജുരുക്കു നിമാന പാസെ അവാര്‌മ് ഉരിമെഗാറാര് ആയിര്‌ക്കുവാദ്‌നാലെ നിമ്മ അവാര്‌ക്ക് കൊഡുക്കുവ മദ്‌പ്പ്‌ന കൊഡുക്കുഡൊ.
ကြော်ငြာတွေ