നിമ്മ പാവ ഗേവാദ്‌ന ബ്‌ട്ട്‌തള്ളി സാമിസാരി തിര്‌ഗ്‌ന്‌റ് എന്റ് കാട്ട്യ ബേ്ണ്ടി നാന് നിമാന നീര്‌ല് മുളുഗുസുന്റെ. ആന എനാന ബ്‌ഡ അദിഗര ഇര്‌ക്ക്‌ന്റവാന് എന്ന് പിന്ന്‌ക്ക് ബരുവാന്. അയാള് ഇക്കിര്‌ക്കുവ സെര്‌പ്പ്‌ന ഗുഡി എ്ഡ്‌ക്കുവാദ്‌ക്കുള്ള തഗ്‌ദി എനാക്കില്ലെ. അയാള് നിമാന സാമിനിഗാല്‌ല്‌മ് തീയില്‌മ് മുളുഗുസുവാന്.
തീത്തോസു 3:5 - സാമി സേദി5 നമാന കാപാറ്റ്‌നാന്. നമ്മ ഗേന്ത നല്ല കാര്യഗാള്‌നാലെ അല്ല, സാമിക്ക് ബേ്റ്‌വെന്താദ്‌നാലെത്തെ നമാന കാപാറ്റ്‌നാദ്. സാമി തന്ന് നിഗാല്‌ന ബെത്ത് നമാന പുദ്യ മന്‌സാന്‌മ് മാഡ്‌നാന്, നമ്മ് പാവാന തീത്ത് ബെ്ഡിപ്പ് മാഡി നമാക്ക് മറ്‌പ്‌റാപ്പ്‌മ് തന്താന്. အခန်းကိုကြည့်ပါ။ |
തീത്തോസു 3:5
46 ပူးပေါင်းရင်းမြစ်များ
ആന മക്കാള് പ്‌റാക്കാത്ത മുന്നുക്കു താനെ, അവാര് നല്ലാദൊ കെ്ട്ടാദൊ ഗേഗാത്ത മുന്നുക്കു താനെത്തെ <<ദൊഡ്ഡ മഗാന് സ്‌ന്ന മഗാന്‌ക്ക് ഗിലാസഗാറാനായി പെ്ളേക്കുവാന്>> എന്റ് സാമി റിവേക്കാക്ക് സൊന്നാന്. ഇദ് അര്‌ത്ത മാഡുവാദ് എന്തെന്റ് സൊന്ന, സാമി ഒരുത്താന്‌ന തെരിന്തെ്ഡ്‌ക്കുവാദ് അയാള് ഗേവ കാര്യന നോഡ്യല്ല, ആന ബ്‌ളിക്കുവ സാമി ആസെ പഡിത്തെ തെരിന്തെ്ഡ്‌ക്കുവാദ്.
മോസെ ബെത്ത സാമി സട്ടാത്ത്‌ല് സൊല്ലിര്‌ക്കുവ കാര്യഗാള്‌ന ഗേവാദ്‌നാലെ അല്ല, ഏസ്സ് ക്‌റ്‌സ്‌ത്തോഡ ബെത്ത്‌റ്‌ക്കുവ നമ്പിക്കെനാലേത്തെ സാമി ഒരുത്താന്‌ന നേര്‌മെഗാറാനായി കണാക്ക് മാഡുവാദെന്റ് നമാക്ക് തെരിമ്. അദ്‌നാലെ മോസെ ബെത്ത്‌റ്‌ക്കുവ സാമി സട്ടാത്ത്‌ല് സൊല്ലിര്‌ക്കുവ കാര്യഗാള്‌ന ഗേഗാദെ ക്‌റ്‌സ്‌ത്ത് ഏസ്സ്‌ന നമ്പി നേര്‌മെഗാറാരായ ബേ്ണ്ടി നമ്മാമ് ക്‌റ്‌സ്‌ത്ത്‌ന നമ്പ്‌നാമ്. മോസെ ബെത്ത സാമി സട്ടാത്ത്‌ല് സൊല്ലിര്‌ക്കുവ കാര്യഗാള്‌ന ഗേവാദ്‌നാലെ സാമി ആര്‌നാമ് നേര്‌മെഗാറാരായി കണാക്ക്‌മാഡുവാദില്ല്യല്ല.
ആന അളാവുക്കു മീ്റി സീവാന് പട്ട സാമി തന്ന് സൊല്ലുപഡിക്ക് നഡാക്കാദെ പാവ ഗേന്ത് കൊണ്ടു സത്തവാര്‌ന പാസെ ആയിന്ത നമാന ക്‌റ്‌സ്‌ത്തോഡൊപ്പ ഉജുരുളാക്ക്‌നാന്. സാമി നമാക്ക് പ്‌ണ്ണ്യ ഗേന്ത് സാമി മൊനേക്ക് ആളായിന്ത നമാന അദ്‌ലിന്ത് കാപാറ്റ്‌നാന്. അദ്‌നാലെ സാമി നമ്മോഡ ബെത്തിന്ത മൊനേന ബ്‌ഡ സാമി നമാന പട്ട ഗവാത്തെ എത്ത്‌റാഗോ ദൊഡ്ഡാദ്.
അത്തെ അയി പെ്ളേപ്പ്‌ന തള്ളി നിമ്മ് ഉഡാമ്പ്‌ലിര്‌ക്കുവ സാമിനിഗാല് സൊല്ലി തരുവ ബുദ്ദിക്ക് തഗ്‌ന്ത പാസെ നഡാന്ത് നിമ്മ പുദ്യ മന്‌സാനായി പെ്ളേന്. അദല്ലാദെ താനെ സാമി തന്ന് സത്ത്യമാന കാര്യഗാള്‌ന നിമാക്ക് സൊല്ലി തന്ത് നിമാന സാമിക്ക് ബേ്ണ്ടി പ്‌റ്‌ത്ത് ബെത്ത് നിമാന നേര്‌മെഗാറാന് മാഡി പുദ്യാദായി പ്‌റാക്ക്യ ബെത്ത്‌റ്‌ക്ക്‌ന്റാന്. അദ്‌നാലെ നിമ്മ അത്തെ ഇര്‌ക്കുവ പുദ്യ മന്‌സാനായി താനെ പെ്ളേക്കുഡൊ.
സാമി നമാന കാപാറ്റിമിര്‌ന്റാന്, കവാഡില്ലാദെ പെ്ളേക്ക്യ ബേ്ണ്ടി ബ്‌ളിത്ത്‌മിര്‌ന്റാന്. നമ്മ സാമിക്ക് ബേ്ണ്ടി എന്താറ്റൊന്റു കാര്യഗാള് ഗേന്താദ്‌നാലെ അല്ല സാമി ഇത്തെ ഗേന്താദ്. സാമി ഇത്തെ ഗേഡൊ എന്റ് മുന്നുക്കെ മുഡിവാക്കിന്താദ്‌നാലേമ് സാമി നമാന അത്ത്‌റാക്ക്‌മ് ഗവപട്ട് ഇന്താദ്‌നാലേമ്‌ത്തെ ഇത്തെ ഗേന്താദ്. തനാക്ക് നമ്മോഡിര്‌ക്കുവ ഈ ഗവാന ഏസ്സ് ക്‌റ്‌സ്‌ത്ത്‌ന തന്ത് നമാക്ക് കാട്ടുഡൊ എന്റ് എല്ലാദ്‌നാമ് ദ്‌ട്ട്‌സുവാദ്‌ക്ക് മുദാല് താനെ സാമി മുഡിവാക്കിന്താന്.
നമ്മ് ആണ്ടവാന് ഏസ്സ് ക്‌റ്‌സ്‌ത്ത് അപ്പാനാന സാമിക്ക് നണ്ണി. ഏസ്സ് ക്‌റ്‌സ്‌ത്ത്‌ന സാവുലിന്ത് ഉജുര്‌ളാക്കി ബെത്ത് ഉജുരുള്ള നെഞ്ചഡേക്കായിമ് നിമാക്ക് ബേ്ണ്ടി മേലോഗാത്ത്‌ല് സൂസാരിത്ത് ബെത്ത്‌റ്‌ക്കുവാദ്‌മ് അളിന്ത് പോഗത്താദ്‌മ്, തുരുമ്പു പ്‌ഡിക്കാത്താദ്‌മാന സൊത്തുക്കു ബേ്ണ്ടിമ് സാമിക്കിര്‌ക്കുവ ദൊഡ്ഡ ഗവനാലെ നിമാന മറിസിമ് പ്‌റാത്തിര്‌ന്റാന്.
ကြော်ငြာတွေ