തീത്തോസു 3:10 - സാമി സേദി

¹⁰ ഏസ്സ്‌ഗാറാര് കൂട്ടാത്ത്‌ല ഒത്തിമെന ആരാറ്റ ഇല്ലാദെ മാഡ്‌നദാന അത്തെ ഗേയ പാങ്കില്ലെന്റ് ഒന്റു ജമ്പൊ റാഡ് ജമ്പൊ സൊല്ലുഡൊ. എന്റിന്ത് ഗുഡി അയാള് ഗേഗാദെ പോന അയാള്‌ന ഗെരേഗാഗേ ബേ്ഡ.

തീത്തോസു 3:10 ပူးပေါင်းရင်းမြစ်များ

റോമഗാറാര് 16:17

ഏസ്സ്‌ഗാറാരെ, നാന് നിമാക്ക് സൊല്ലുവ ബുദ്ദിനായ എത്തെന്റ, നിമ്മ പഡിത്ത ബുദ്ദിനായാക്ക് എണേഗാത്ത കാര്യഗാള്‌ന പഡിസി നിമ്മ് കുള്ളുക്കു താനെ ബേ്റെബേ്റെ കച്ചി മാഡ്‌ന്റവാര്‌നാമ് നിമാക്കിര്‌ക്കുവ നമ്പിക്കേന ഇല്ലാദെ മാഡ്‌ന്റവാര്‌നാമ് നിമ്മ സൂസാരിത്ത് ഇര്‌ക്കുഡൊ. അത്തവാള്‌ഗാള്‌ക്ക് എ്ണേഗാദിര്‌ന്.

1 കൊരിന്ത്യഗാറാര് 11:19

നിമ്മ് കൂട്ടാത്ത്‌ല് തഗ്‌ദ്യാന ആള്‌ഗാള് ആരെന്റ് തെര്യ കച്ചി പ്‌ഡിക്കുവാദ് ബേ്ഡ്‌മാന കാര്യത്തെ.

2 കൊരിന്ത്യഗാറാര് 13:2

നാന് റണ്ടാവാദ്‌മ് നിമ്മ് പട്ട്‌ക്ക് ബന്ത്‌റ്‌ക്കാട്ടി പാവ ഗേന്തവാര്‌ക്ക്‌മ് ബേ്റെ എല്ലാവാര്‌ക്ക്‌മ് നാന് ഇന്നി ബന്ത പൊറുക്കമാട്ടെ എന്റ് സൊല്ലിന്തെ. ഇന്നാല് നാന് ദൂരാത്ത്‌ലിന്ത് കൊണ്ടുമു പൊറുക്കമാട്ടെ എന്റ് അദേ കാര്യന താനെത്തെ സൊന്റെ.

ഗലാത്ത്യഗാറാര് 5:12

നിമാന തപ്പ് ഗേയ ബെക്കുവ ആരാനാല്‌മ് സെരി അവാര് നിമ്മ് കൂട്ടാത്ത്‌ലിന്ത് ഒന്റേപെ്ട്ട് അറ്റ് പോഡൊ എന്റ് നാന് ആസെപഡ്‌ന്റെ.

ഗലാത്ത്യഗാറാര് 5:20

സെലെന കുമ്മുഡുവാദ്, മന്ത്‌റ ഗേവാദ്, ആങ്കീങ്ക് പോട്ടി പ്‌ഡിത്ത് നഡാക്കുവാദ്‌മ് മല്ല്‌പ്‌ഡിക്കുവാദ്‌മ്, അഡ്‌ത്തവാന്‌ത്ത് ബേ്ഡ്‌മെന്നുവ ആസെ, മൊനേക്ക് തെ്ട്ടുവാദ്, പ്‌ഡ്യാറപ്‌ഡിക്കുവാദ്, ആള്‌ഗാള്‌ന പ്‌റ്‌ത്ത് ബേ്റെബേ്റെ കൂട്ട മാഡുവാദ്,

2 തെസെലോനിക്ക്യഗാറാര് 3:14

ഈ എ്ള്‌ത്ത്‌ല് എമ്മ എ്ള്‌ദിര്‌ക്കുവ കാര്യഗാള്‌ക്ക് കെ്ട്ട്‌പട്ട് നഡാക്കാത്തവാനൊ നഡാക്കാത്തവാളൊ ഇന്തദാന അവാര് നാണഗെ്ഡ്യ ബേ്ണ്ടി നിമ്മ അവാര്‌ക്ക് എ്ണേഗാദെ അവാര്‌ന പ്‌റ്‌ത്ത് ബെയിന്.

2 തെസെലോനിക്ക്യഗാറാര് 3:6

ഏസ്സ്‌ഗാറാരെ, എമ്മ പഡ്‌സ്‌ന സട്ടപഡി പെ്ളേക്കാദെ കള്ള ബ്‌ന്ത് നഡാക്ക്‌ന്റവാര് ആരാറ്റ നിമ്മ് കൂട്ടാത്ത്‌ല് ഇന്തദാന അയാളോഡ എജേഗാദെ ഇര്‌ക്കുഡൊ എന്റ് നമ്മ് ആണ്ടവാന് ഏസ്സ് ക്‌റ്‌സ്‌ത്ത് തന്ത അദിഗരാത്ത്‌ല് എമ്മ നിമാക്ക് കല്‌പനെ തന്റേമ്.

2 തിമിത്തോസു 3:5

അവാര് സാമിക്ക് ബേ്ണ്ടി നലമായി പെ്ളേക്ക്‌ന്റവാരെന്റ് നഡിക്കുവാര്. ആന അവാര് സാമിക്ക് ബേ്ണ്ടി നലമായി പെ്ളേക്കുവാദ്‌ക്ക് കെ്ഡേക്കുവ ബിലാന ബേ്ഡ എന്റ് തള്ള്‌ന്റാര്. അത്തവ ആള്‌ഗാള് കൂട്ടാക്ക് നീ എ്ണേഗാദെ.

2 പത്ത്‌റോസു 2:1

മുന്തെല കാലാത്ത്‌ല് സാമി സൊന്റെന്റ് സൊല്ലി ഉറുട്ടു സൊല്ലുവ സാമിദാസ്‌ഗാള്‌മ് ഇസ്‌റവേല്‌ഗാറാര് പട്ട്‌ല് ഇന്താര്. അദേപാസെ ഉറുട്ടു സൊല്ലി പഡ്‌സ്‌ന്റവാര്‌ഗാള് നിമ്മ് പട്ട്‌ലിന്ത്‌മ് ഉണ്ടാവാര്. അവാര് സത്ത്യ അല്ലാത്ത കെ്ഡ്‌സുവ കാര്യഗാള്‌ന സൂഗാന പഡുസുവാര്. പാവാക്ക് സിക്കിന്ത തമാന തിരിക്കി എ്ഡ്‌ത്ത പണ്ണാഡിന തള്ളി തമ്മ ബേഗ അളിന്ത് പോവാദ്‌ക്കുള്ള ബട്ടെ അവാര് താനെ മാഡ്‌ന്റാര്.

2 ഓഗന്നാന് 1:10

ക്‌റ്‌സ്‌ത്ത് പഡ്‌സ്‌ന കാര്യഗാള്‌ക്ക് കെ്ട്ട്‌പട്ട് നഡാക്കുവാദ് പറ്റാദെ ബേ്റെ കാര്യഗാള്‌മ് ഗേഡൊ എന്റ് പഡിസ്യ ബന്റവാര്‌ന നിമ്മ ബിനാത്താമ് ബേ്ഡ, ബീ്ഡ്‌ക്ക് സേത്താമ് ബേ്ഡ.