ഓപ്പാല് തവീദ എന്നുവ ഒന്റു ഏസ്സ് സൊല്ലുപഡി നഡാക്ക്‌ന്റവാള് ഇന്തിന്താള്. (തവീദ എന്നുവ പേര്‌ക്ക് എവന നായാത്ത്‌ല് <<ദോറുക്കാസ്>> എന്റ്‌ത്തെ സൊല്ലുവാദ്. <<ഒന്റു കഡാവെ>> എന്റ്‌ത്തെ ഇദ്‌ക്ക് അര്‌ത്ത). അവാള് എഞ്ച്‌ക്കൊ നല്ലാദ് ഗേന്തിന്താള്. അദേപാസെ ഒന്റുമു ഇല്ലത്തവാര്‌ക്ക് എഞ്ച്‌ക്കൊ ദറ്‌മ്മാമ് ഗേന്തിന്താള്.
തീത്തോസു 2:5 - സാമി സേദി5 അദ്‌താനെ അല്ല, നല്ല ബുദ്ദ്യോഡ പെ്ളേക്കുഡൊ എന്റ്‌മ്, ആളാന് നമ്പ്യ മുഡ്യാത്തളാവുക്കു കണ്ടപഡിക്ക് നഡാക്കാദിര്‌ക്കുഡൊ എന്റ്‌മ്, ബീ്ഡ്‌ല കാര്യഗാള്‌ന നോഡുഡൊ എന്റ്‌മ്, അഡ്‌ത്തവാര്‌ന ഗവ പഡുഡൊ എന്റ്‌മ്, ആളാന് സൊല്ലുപഡിക്ക് നഡാക്കുഡൊ എന്റ്‌മ് ഈ പെ്ണ്ണ്‌മക്കാള്‌ന പഡിസ്യ അവാര്‌ക്ക് മുഡിമ്. അത്തെ ഗേന്തദാന സാമി സൊല്ലുസുലാക്കന ആര്‌ക്ക്‌മ് കുറ്റ സൊല്ല്യ മുഡ്യാമാട്ട. အခန်းကိုကြည့်ပါ။ |
തീത്തോസു 2:5
22 ပူးပေါင်းရင်းမြစ်များ
അദ്‌നാലെ പത്ത്‌റോസു അവാരോഡൊപ്പ ഓപ്പാക്ക് പോനാന്. അയാള് അദ്‌ക്ക് എജ്ജ്‌ഗാട്ടി അവാര് അയാള്‌ന മേല്‌മാളിഗേക്ക് കൂട്ടി പോനാര്. അദ്‌ല് ഇന്ത ആള്‌ഗാള്‌ല് മ്‌ണ്ടേസ്യാരെല്ല പത്ത്‌റോസുക്കു സുറ്റീല് നിന്റ് കേ്യ്‌ന്തിന്താര്. തവീദ പെ്ളേത്ത് ഇര്‌ക്കാട്ടി മാഡ്‌ന കമ്‌സ്‌ഗാള്‌നാമ് മേല് ഇക്കുവ കോട്ടുഗാള്‌നാമ് പത്ത്‌റോസുക്കു കാട്ട്‌നാര്.
നല്ല കാര്യഗാള് ഗേന്ത് പേരെ്ഡ്‌ത്തവാള്‌മ് ആയിര്‌ക്കുഡൊ. അയി നല്ല കാര്യഗാള് എന്നുവാദ് മക്കാള്‌ഗാള്‌ന സൊക്കാന നോഡിന്താദ്‌മ്, നട്ടാരുട്ടാര്‌ന പേര്‌ഗെ്ളേത്തിന്താദ്‌മ്, ഏസ്സ്‌ഗാറാര് കാല്‌ന കച്ചിന്താദ്‌മ്, കജട്ടാത്ത്‌ലിന്തവാര്‌ന കയിതാങ്കിന്താദ്‌മ്, പല ദിന്‌സ്‌ല് ആള്‌ഗാള്‌ന കയിതാങ്കി കൊണ്ടേ ഇന്താദ്‌മ്‌ത്തെ.
ကြော်ငြာတွေ