തീത്തോസു 2:2 - സാമി സേദി2 അച്ചനാമ്‌ഗാള് കെ്ട്ട ആസെഗാള്‌ക്ക്‌മ് കെ്ട്ട കാര്യഗാള്‌ക്ക്‌മ് ആളാഗാത്തവാര്‌മ്, ആള്‌ഗാള് മദ്‌സ്‌ന്റവാര്‌മ്, നല്ല ബുദ്ദ്യോഡ പെ്ളേക്ക്‌ന്റവാര്‌മ് ആയിര്‌ക്ക്യ അച്ചനാമ്‌ഗാള്‌ക്ക് സൊല്ലു. അവാര് ഏസ്സ്‌ന ഒറേപ്പോഡ നമ്പിര്‌ക്ക്‌ന്റവാര്‌മ്, നല്ല സീവാന്‌ബെത്ത് നഡാക്ക്‌ന്റവാര്‌മ്, കജട്ട താങ്ക്യ മുഡിന്റവാര്‌മ് ആയിര്‌ക്കുഡൊ. အခန်းကိုကြည့်ပါ။ |
തീത്തോസു 2:2
33 ပူးပေါင်းရင်းမြစ်များ
നല്ലാദ് ഗേവാദ് എന്റ് സൊന്ന എന്ത് എന്നുവാദ്‌ന പറ്റിമ് അവനവാന് ആസെഗാള്‌ന അഡാക്കി ബെക്കുവാദ് എത്തെ എന്നുവാദ്‌ന പറ്റിമ് എല്ലാവാര്‌നാമ് സാമി ബിദിക്ക്യ പോവ നാള്‌ന പറ്റിമ് പവുലോസു സൊന്നാന്. ആന അദ്‌ന കേ്ള്‌ക്ക്‌ഗാട്ടി പേലിക്‌സ്‌ക്ക് അഞ്ചിക്കെ പ്‌ഡിത്ത്: <<നീ ഇന്നാല് പൊ, നേര കെ്ഡേത്തദാന നാന് പിന്നേമ് നിനാന ബ്‌ളിക്ക്‌ന്റേന്>> എന്റ് സൊന്നാന്.
കഡേസില്, ഏസ്സ്‌ഗാറാരെ, നാന് ഒന്റു കാര്യ ഗുഡി നിമാക്ക് സൊന്റെ. നിമ്മ സത്ത്യമാന കാര്യഗാള്‌ന പറ്റിമ്, എല്ലാവാര്‌മ് നല്ലാദെന്റ് സൊല്ലുവ കാര്യഗാള്‌ന പറ്റിമ്, ആര്‌മ് കുറ്റ സൊല്ലാത്ത കാര്യഗാള്‌ന പറ്റിമ്, എല്ലാവാര്‌ക്ക്‌മ് മെച്ച്‌പ്‌ഡിത്ത കാര്യഗാള്‌ന പറ്റിമ്, എല്ലാവാര്‌മ് പെരിമെപഡുവ കാര്യഗാള്‌ന പറ്റിമ്‌ത്തെ നെനേക്കുഡൊ.
ആന നമ്മ പഗാല്‌ക്കുള്ളവാര് ആനാദ്‌നാലെ ബോദ ഉള്ളവാരായി ഇര്‌ക്കുഡൊ. ഒന്റു പട്ടളഗാറാന് തന്ന് മാര്‌ന പാദ്‌ഗാക്ക്യ മാര്‌കച്ചെ കെ്ട്ടുവ പാസെ നിമ്മ സീവാനുള്ളവാരായിമ് നമ്പിക്കുള്ളവാരായിമ് ഇര്‌ക്കുഡൊ. അദ്‌താനേമല്ല, അയാള് തലേക്ക് പട്ടള തൊപ്പിന ഇക്കുവ പാസെ ഏസ്സ് നമാന ഒറേപ്പായിമ് കാപാറ്റ്യ ബന്റാന് എന്റ് നിമ്മ നെഞ്ചഡെ ബെത്ത്‌റ്‌ക്കുഡൊ.
ബേസ്യാഡ്‌ന്റവാര്‌ക്ക്‌മ്, ഗണ്ട് ഗണ്ടോഡാമ് പെ്ണ്ണ് പെ്ണ്ണോഡാമ് ഒന്റായി ഉറാങ്ക്‌ന്റവാര്‌ക്ക്‌മ്, ആള്‌ഗാള്‌ന പ്‌ഡിത്തെ്ഡ്‌ത്ത് പോന്റവാര്ക്ക്‌മ്, അഡിമെഗാള്‌ന മാറ്‌ന്റവാര്‌ക്ക്‌മ്, ഉറുട്ടു സൊല്ലി നഡാക്ക്‌ന്റവാര്‌ക്ക്‌മ്, പൊയി സൊല്ലി സത്ത്യ ഗേന്റവാര്‌ക്ക്‌മ് ബേ്ണ്ടിത്തെ ബെത്ത്‌റ്‌ക്കുവാദ്. അവാര്‌ക്ക് താനെ അല്ല, നേര്‌മാന ബുദ്ദിനായാഗാള്‌ക്ക് മീ്റി എന്ത്‌മ് ഗേന്റവാര്‌ക്ക്‌മ് ബേ്ണ്ടിത്തെ ബെത്ത്‌റ്‌ക്കുവാദ്.
നമ്മ് ആണ്ടവാന് എന്നാല്‌ക്ക്‌മ് എനാന അളാവുക്കു മീ്റി ഗവപഡ്‌ന്റാന്. അദേപാസെ അളാവുക്കു മീ്റി എന്നോഡ സീവാന്‌മ് ബെത്ത്‌റ്‌ന്റാന്. അത്തെ തനാന നമ്പ്യാമ്, അഡ്‌ത്തവാരോഡ സീവാന്‌ബെത്ത് നഡാക്ക്യാമ് എനാന കയിതാങ്ക്‌ന്റാന്. ഇദൊട്ടുക്കു നമാക്ക് കെ്ഡേത്താദ് എത്തെന്റ് സൊന്നദാന, ക്‌റ്‌സ്‌ത്ത് ഏസ്സോഡ ഒന്റായിര്‌ക്കുവാദ്‌നാലെത്തെ കെ്ഡേത്താദ്.
ആന അയാള് തന്ന് ബീ്ഡ്‌ക്ക് ബന്റവാര് പോന്റവാര്‌ന പിര്യപിര്യാത്ത് തീറ്റ്യൂട്ടി ബ്‌ഡ്‌ന്റവാന്‌മ് ആയിര്‌ക്കുഡൊ. അയാള് നല്ലാദ് എന്തോ അദ്‌നാത്തെ പിര്യപിര്യാത്ത് ഗേന്റവാന് ആയിര്‌ക്കുഡൊ. നല്ല ബുദ്ദ്യോഡ പെ്ളേക്ക്‌ന്റവാന്‌മ്, നേര്‌മെഗാറാനായി പെ്ളേക്ക്‌ന്റവാന്‌മ് ആയിര്‌ക്കുഡൊ. കവാഡില്ലാത്തവാന്‌മ് കെ്ട്ട ആസെഗാള്‌ക്ക്‌മ് കെ്ട്ട കാര്യഗാള്‌ക്ക്‌മ് ആളാഗാത്തവാന്‌മ് ആയിര്‌ക്കുഡൊ.
ကြော်ငြာတွေ