തീത്തോസു 2:13 - സാമി സേദി13 എല്ലാദ്‌ക്ക്‌മ് ബ്‌ഡ മ്‌ഗ്‌ന്ത ബില ഇര്‌ക്കുവ നമ്മ് സാമിമ് നമാന കാപാറ്റ്‌ന്റവാന്‌മ് ആയിര്‌ക്കുവ ഏസ്സ് ക്‌റ്‌സ്‌ത്ത് ബെ്ളിപഡുവ അയി നല്ല നാള്‌ക്ക് ബേ്ണ്ടി നെഞ്ചഡെ ബെത്ത് കാത്ത്‌റ്‌ക്കുവ നമാക്ക്, အခန်းကိုကြည့်ပါ။ |
തീത്തോസു 2:13
42 ပူးပေါင်းရင်းမြစ်များ
അദ് എത്തെന്റ് സൊന്ന ഏസ്സ് ക്‌റ്‌സ്‌ത്ത്‌ത്ത് അയി നല്ല സേദിന തള്ളാദെ കഡേസി മാട്ട്‌ക്ക് അദ്‌ന ഉറുദ്ദ്യായി നമ്പി പെ്ളേത്തദാന നിമാക്ക് സാമ്യോഡ എ്ണേവു ബെത്ത് നഡാക്ക്യ മുഡിമ്. അയി നല്ല സേദിന ഉലഗാത്ത്‌ല് ഇര്‌ക്കുവ ആള്‌ഗാള്‌ക്ക് ഒട്ടുക്കു ഇന്നാല് സൊല്ലുന്റാര്. അദേ സേദിന സൊല്ലുവ ഗിലാസനത്തെ പവുലോസു എന്നുവ നാന്‌മ് ഗേവാദ്.
നമാന സീവാന് പട്ടവാന്‌മ് നമാക്ക് പ്‌ണ്ണ്യ ഗേന്ത് നമാന ദയിരപഡ്‌സ്‌ന്റവാന്‌മ് നമാക്ക് ഏസ്സ് ക്‌റ്‌സ്‌ത്ത്‌ന കാത്ത്‌റ്‌ക്കുവാദ്‌ക്കുള്ള നല്ല നെഞ്ചഡെന തന്തവാന്‌മാന അപ്പാനാന സാമിമ്, നമ്മ് ആണ്ടവാന് ഏസ്സ് ക്‌റ്‌സ്‌ത്ത്‌മ് നിമ്മ് മനേസ്സ്‌ന ദയിരപഡിസി എല്ലാ നല്ല കാര്യഗാള് ഗേയാമ് സൊല്ല്യാമ് നിമാന ഒറേപ്പുള്ളവാര് മാഡുഡൊ.
ക്‌റ്‌സ്‌ത്ത് ഏസ്സ്‌ന നമ്പുവാദ്‌നാലെ എനാക്ക് സൊന്ത മഗാനായിര്‌ക്കുവ തിമിത്തോസെ, നമാന കാപാറ്റുവ സാമിമ്, നമ്മ നെഞ്ചഡെ ബെത്ത്‌റ്‌ക്കുവ ക്‌റ്‌സ്‌ത്ത് ഏസ്സ്‌മ് തന്ത അദിഗര കണാക്ക്‌ല് ക്‌റ്‌സ്‌ത്ത് ഏസ്സ് അപ്പോസുത്തലാന് ആയിര്‌ക്കുവ പവുലോസു എ്ള്‌ദുവാദ്. നമ്മ് അപ്പാന് സാമിമ് നമ്മ് ആണ്ടവാന് ക്‌റ്‌സ്‌ത്ത് ഏസ്സ്‌മ് നിനാക്ക് പ്‌ണ്ണ്യാമ് ഗേഡൊ, നിനാന ഗവാമ് പഡുഡൊ, നിനാന നിമ്മ്‌ദ്യായിമ് ബെക്കുഡൊ.
നാന് സാമിക്ക് മെച്ച്‌പ്‌ഡിത്ത ദിന്‌സ്‌ല് പെ്ളേത്താദ്‌നാലെ കെ്ഡേക്കുവ ഗിര്യാഡന സാമി എനാക്ക് ബേ്ണ്ടി ബെത്ത്‌റ്‌ന്റാന്. ആള്‌ഗാള്‌ന നേരോഡ ദെ്ണ്ടണെ ബിദിക്കുവ ആണ്ടവാന് താന് ദെ്ണ്ടണെ ബിദിക്കുവ നാള്‌ക്ക് എനാക്ക് അയി ഗിര്യാഡന തരുവാന്. എനാക്ക് താനെ അല്ല ആണ്ടവാന് മറിസി ബരുവാദ്‌ന നെഞ്ചഡെബെത്ത് കാത്ത്‌റ്‌ക്ക്‌ന്റവാര്‌ക്ക് ഒട്ടുക്കുമു കൊഡുക്കുവാന്.
നമ്മ് ആണ്ടവാന് ഏസ്സ് ക്‌റ്‌സ്‌ത്ത് അപ്പാനാന സാമിക്ക് നണ്ണി. ഏസ്സ് ക്‌റ്‌സ്‌ത്ത്‌ന സാവുലിന്ത് ഉജുര്‌ളാക്കി ബെത്ത് ഉജുരുള്ള നെഞ്ചഡേക്കായിമ് നിമാക്ക് ബേ്ണ്ടി മേലോഗാത്ത്‌ല് സൂസാരിത്ത് ബെത്ത്‌റ്‌ക്കുവാദ്‌മ് അളിന്ത് പോഗത്താദ്‌മ്, തുരുമ്പു പ്‌ഡിക്കാത്താദ്‌മാന സൊത്തുക്കു ബേ്ണ്ടിമ് സാമിക്കിര്‌ക്കുവ ദൊഡ്ഡ ഗവനാലെ നിമാന മറിസിമ് പ്‌റാത്തിര്‌ന്റാന്.
ഈ സോദെണെഗാള് നിമാക്ക് നേര്‌മായിമ് നമ്പിക്കെ ഇര്‌ക്ക്‌ന്റ് എന്റ് കാട്ട്യ ബേ്ണ്ടിത്തെ. അളിന്ത് പോവ പൊന്നുന ഗുഡി തീക്കിക്കി സോദണെ ഗേവദാന പൊന്നുന ബ്‌ഡ ബെലെ ഇര്‌ക്കുവ നിമ്മ് നമ്പിക്കെനാമ് സോദെണെ ഗേഡൊ. അത്തെ നിമ്മ് നമ്പിക്കെ പോഗാദിന്തദാന ഏസ്സ് ക്‌റ്‌സ്‌ത്ത് ബരുവ നാള്‌ല് നിമാക്ക് പേര്‌മ് പെരിമേമ് മാനാമ് കെ്ഡേക്ക്‌മ്.
ကြော်ငြာတွေ