തീത്തോസു 2:12 - സാമി സേദി12 ഇത്തെ സാമി ഗവ പട്ടാദ്‌നാലെ സാമിന മദിസ്യ ഉവഗരപഡാത്ത കാര്യഗാള്‌ന ഗേഗാദിര്‌ക്കുഡൊ എന്റ്‌മ്, ഉലഗാത്ത്‌ല ജനഗാള് പെ്ളേക്കുവ പാസെ പെ്ളേക്ക്യ ആസെപഡാദിര്‌ക്കുഡൊ എന്റ്‌മ് നമാന പഡ്‌സ്‌ന്റ്. അദ്‌താനേമല്ല ഈ ഉലഗാത്ത്‌ല് ബുദ്ദ്യുള്ളവാര് ആയിര്‌ക്ക്യാമ്, നേര്‌മെഗാറാര് ആയിര്‌ക്ക്യാമ്, സാമിക്ക് മെച്ച്‌പ്‌ഡിത്ത ദിന്‌സ്‌ല് പെ്ളേക്ക്‌ന്റവാര് ആയിര്‌ക്ക്യാമ് നമാന പഡ്‌സ്‌ന്റ്. အခန်းကိုကြည့်ပါ။ |
തീത്തോസു 2:12
59 ပူးပေါင်းရင်းမြစ်များ
നല്ലാദ് ഗേവാദ് എന്റ് സൊന്ന എന്ത് എന്നുവാദ്‌ന പറ്റിമ് അവനവാന് ആസെഗാള്‌ന അഡാക്കി ബെക്കുവാദ് എത്തെ എന്നുവാദ്‌ന പറ്റിമ് എല്ലാവാര്‌നാമ് സാമി ബിദിക്ക്യ പോവ നാള്‌ന പറ്റിമ് പവുലോസു സൊന്നാന്. ആന അദ്‌ന കേ്ള്‌ക്ക്‌ഗാട്ടി പേലിക്‌സ്‌ക്ക് അഞ്ചിക്കെ പ്‌ഡിത്ത്: <<നീ ഇന്നാല് പൊ, നേര കെ്ഡേത്തദാന നാന് പിന്നേമ് നിനാന ബ്‌ളിക്ക്‌ന്റേന്>> എന്റ് സൊന്നാന്.
നിമാക്ക് അത്ത്‌റ നെപ്പ്‌കെ്ഡേസ്യ മുഡ്യാത്താദ്‌നാലെ പൊദുവുലു മന്‌സാന്‌ക്ക് തെരിവ ദിന്‌സ്‌ല് നാന് നിമാക്ക് ഇത്തെ സൊന്റെ, നിമ്മ ഒന്റു കാലാത്ത്‌ല് നിമ്മ് സരിഗലാത്ത്‌ല ഒന്റൊന്റു ബാഗഗാള്‌ന മാനതാന ഇല്ലാത്ത കാര്യഗാള്‌ക്ക്‌മ് കെ്ട്ട കാര്യഗാള്‌ക്ക്‌മ് ഒപ്പിസി കൊഡുത്തു കൊണ്ടു കെ്ട്ട കാര്യഗാള് ഗേന്തിന്ത്‌റ്. ആന അദേപാസെ ഇന്നാല് നിമ്മ് സരിഗലാത്ത്‌ല ഒന്റൊന്റു ബാഗഗാള്‌ന സുത്താപ്പുള്ളാദ് മാഡ്യ ബേ്ണ്ടി നേര്‌മെ ഉള്ള കാര്യഗാള്‌ക്ക് അഡിമെ മാഡി ഒപ്പിസി കൊഡുനു.
ഈ ഉലഗാത്ത്‌ല ആള്‌ഗാള് പട്ട്‌ല്, മുക്ക്യമായിമ് നിമ്മ് പട്ട്‌ല് പെ്ളേക്കാട്ടി സാമി എമാക്ക് തന്ത സുത്താപ്പുള്ള മനേസ്സോഡാമ് കവാഡില്ലാത്ത മനേസ്സോഡാമ്‌ത്തെ പെ്ളേത്തേമ്. ഈ ഉലഗാത്ത്‌ലിന്ത് കെ്ഡേത്ത അറുവുനാലെ അല്ല സാമി ഗേന്ത പ്‌ണ്ണ്യാത്ത്‌ല്‌ത്തെ എമാക്ക് അത്തെ പെ്ളേക്ക്യ മുഡിന്താദ്. ഇദ് നേര്‌ത്തെ എന്റ് എമ്മ് മനേസ്സ് ഒറേപ്പായിമ് സൊന്റു. ഇദ്‌നത്തെ എമ്മ പെരിമെപഡ്‌ന്റേമ്.
അദ് എത്തെന്റ് സൊന്ന, ഇന്നാല് ഏസ്സ് ക്‌റ്‌സ്‌ത്ത്‌ന നമ്പി ഒന്റായി പെ്ളേക്ക്‌ന്റവാര്‌ന സാമി ഉലഗാന ഉണ്ടാക്കാത്ത മുദാലെ തെരിന്തെ്ഡ്‌ത്താന്. സാമി കണ്ണ്‌ക്ക് കുറ്റകൊറേവു ഇല്ലത്തവാര് ആയിര്‌ക്ക്യ ബേ്ണ്ടിമ് സാമിക്ക് പട്ടവാര് ആയിര്‌ക്ക്യ ബേ്ണ്ടിമ്‌ത്തെ അവാര്‌ന അത്തെ തെരിന്തെ്ഡ്‌ത്താദ്. സാമി സീവാന്‌ബെത്ത്‌റ്‌ക്കുവാദ്‌നാലെ
നീ ബീ്ണാനായി ഇര്‌ക്കുവാദ്‌നാലെ നീ പഡുസുവ കാര്യഗാള്‌ന നെനേത്ത് ആര്‌മ് നിനാന മദ്‌സാദിര്‌ക്ക്യ പാങ്കില്ലെ. എത്തെ നായ നൊഡിഡൊ, എത്തെ ആള്‌ഗാളോഡ നഡാന്ത്‌പ്‌ഡിത്ത് ഗേഡൊ, എത്തെ സീവാന്‌ബെത്ത് നഡാക്കുഡൊ, എത്തെ ക്‌റ്‌സ്‌ത്ത്‌ന നമ്പുഡൊ, എത്തെ പാവ ഗേഗാദെ പെ്ളേക്കുഡൊ എന്റെല്ല നീ താനെ ഏസ്സ്‌ഗാറാര്‌ക്ക് കാട്ടി കൊഡുക്കുഡൊ.
മുന്നുക്കു നമ്മാമ് ബുദ്ദില്ലത്തവാര്‌മ് സൊല്ലുപേസ് കേ്ള്‌ക്കത്തവാര്‌മ്, ആള്‌ഗാള്‌ന ഏമാത്ത്‌ന്റവാര്‌മ് ആയിന്താമ്. അദേപാസെ നമാന പിര്യപഡുസുവ എല്ലാ ദിന്‌സ് കെ്ട്ട കാര്യഗാള്‌ക്ക്‌മ് നമ്മ ആളായിന്താമ്. നമ്മ ഒപ്പ കെ്ട്ട കാര്യഗാള് ഗേന്തവാര്‌മ് കണ്ണ്‌കഡിഗാറാര്‌മ് ആയിന്താമ്. നമ്മ ആള്‌ഗാള്‌ന തൊറേന്ത് നഡാന്താമ്, ആള്‌ഗാള്‌മ് നമാന തൊറേന്ത് നഡാന്താര്.
ကြော်ငြာတွေ