Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




തീത്തോസു 2:11 - സാമി സേദി

11 എല്ലാ ആള്‌ഗാള്‌നാമ് കാപാറ്റ്യ ഒന്റു ബട്ടെ മാഡി തന്ത് താന് ഗവപട്ടാദ്‌ന സാമി നമാക്ക് കാട്ടി തന്ത്‌റ്‌ന്റാന്.

အခန်းကိုကြည့်ပါ။ ကော်ပီ




തീത്തോസു 2:11
50 ပူးပေါင်းရင်းမြစ်များ  

അദ്‌നാലെ നിമ്മ എല്ലാ സാരിമ് പോയി എല്ലാ ജാദിഗാള്‌നാമ് എന്ന് സൊല്ലുപഡി നഡാക്ക്‌ന്റവാര് മാഡ്‌ന്. അത്തെ അപ്പാന് പേര്‌നാമ്, മഗാന് പേര്‌നാമ്, സാമിനിഗാല് പേര്‌നാമ് സൊല്ലി അവാര്‌ന നീര്‌ക്ക് മുളുഗുസുനു.


അദ്‌ക്ക് പ്‌റ അയാള് അവാര്‌ക്ക് ഇത്തെ സൊന്നാന്. <<നിമ്മ ഉലഗാക്ക് ഒട്ടുക്കു പോയി ആള്‌ഗാള്‌ക്ക് പൂര ഈ നല്ല സേദിന സൊല്ലുഡൊ.


തപ്പ് ഗേവാദ്‌ന തള്ളി സാമിസാരി തിര്‌ഗ്‌ന്റവാര്‌ക്ക് തമ്മ ഗേന്ത പാവാക്ക് പൊറിമെ കെ്ഡേക്ക്‌മ് എന്നുവ സേദിന പറ്റിമ് എര്‌സലേമ്‌ലിന്ത് പ്‌ഡിത്ത് എല്ലാ നാഡ്‌ഗാള്‌ക്ക്‌മ് അയാള് പേര്‌ല് സൊല്ലുവാര് എന്റ്‌മ്‌ത്തെ സാമി ബൊക്കുലു എ്ള്‌ദിര്‌ക്കുവാദ്.


സാമി ആള്‌ഗാള്‌ന കാപാറ്റുവാദ് എത്തെന്റ് എല്ലാ എ്ഡേലിര്‌ക്കുവ എല്ലാ ആള്‌ഗാള്‌മ് കാണുവാര്.> >>


സാമി സൊല്ലുസുലാക്ക മന്‌സാന് പ്‌റാവി എ്ഡ്‌ത്ത്‌ദ്. അയാള് ഗവാമ് സത്ത്യാമ് തുമ്പുനവാനായി നമ്മ് പട്ട്‌ല് പെ്ളേത്തിന്താന്. അപ്പാന് സാമിത്ത് ഒന്റേ ഒന്റു മഗാന് മദ്‌പ്പ്‌ന സാമി സൊല്ലുസുലാക്ക ആനവാന്‌ല് എമ്മ കണ്ടേമ്.


ആന എല്ലാ മന്‌സാര്‌ഗാള്‌ക്ക്‌മ് അഡിക്കുവ സത്ത്യ ബെ്ള്‌സ ഉലഗാക്ക് ബന്ത് കൊണ്ടിന്ത്‌ദ്.


അയാള് ആങ്ക് എജ്ജി സാമി അവാര്‌ക്ക് കൊഡുത്ത്‌റ്‌ക്കുവ ബരഗാള്‌ന കണ്ട് പിര്യപട്ടാന്. നിമാക്ക് ഏസ്സോഡ ഇര്‌ക്കുവ നമ്പിക്കെ എന്നാല്‌ക്ക്‌മ് കമ്മി ആഗാദെ ഇര്‌ക്കുഡൊ എന്റ്‌മ്, മനേസ്സാറ ആണ്ടവാന്‌ക്ക് ബേ്ണ്ടി പെ്ളേക്കുഡൊ എന്റ്‌മ് അയാള് അവാര്‌ക്ക് സൊന്നാന്.


കൂട്ട പിരിന്ത പ്‌റ ആള്‌ഗാളെല്ല പോഗാട്ടി എഞ്ചോ എഗുദാര്‌മ്, എഗുദാര് പരേസുവ ബീ്ഡ്‌ക്ക് പോവ എഞ്ചോ എഗുദാര് അല്ലാത്ത ജാദിഗാള്‌മ് അവാരോഡൊപ്പ പോനാര്. പവുലോസുമ്, ബറ്‌ണവാസ്‌മ് അവാരോഡ നായാമ് നൊഡിന്ത്, സാമിന മറാന്ത് പെ്ളേക്കദേന് എന്റ് സൊല്ലി അവാര്‌ന ദയിരാമ് പഡ്‌സ്‌നാര്.


<നിനാന നാന് എഗുദാര് അല്ലാത്ത ജാദിഗാള്‌ക്ക് ഒന്റു ബെ്ള്‌സ മാഡി ബെത്ത്‌റ്‌ന്റെ. നീ ബൂമില ആള്‌ഗാള്‌ക്ക് ഒട്ടുക്കു തപ്പിസി കഡാക്കുവാദ്‌ക്കുള്ള ബട്ടെ കാട്ടി കൊഡുക്കുവായി> എന്റ് ആണ്ടവാന് എമാക്ക് കണ്ടിപ്പായി സൊല്ലിര്‌ക്ക്‌ന്റാന്.>>


മുന്തെ കാലാത്ത്‌ല് ആള്‌ഗാള്‌ക്ക് സാമിന തെര്യാദെ ഇന്ത്‌ദ്. അദ്‌ന സാമി കണാക്കാക്കുവാലെ. ആന ഇന്നാല് സാമി ഉലഗാത്ത്‌ല് ഇര്‌ക്കുവ ആള്‌ഗാള്‌ന ഒട്ടുക്കു തമ്മ ഗേവാദ് പാവ എന്റ് തെരിന്ത് അദ്‌നെല്ല തള്ളി സാമിസാരി ബരുഡൊ എന്റ് സാമി സൊന്റാന്.


എന്റാല്‌മ് നാന് പെ്ളേക്കുവാദൊ സാവാദൊ എനാക്ക് ദൊഡ്ഡാദല്ല. നാന് ഗേയ ബേ്ണ്ടി ഏസ്സ് ആണ്ടവാന് എനാക്ക് തന്ത്‌റ്‌ക്കുവ ഗിലാസാന ഗേന്ത് മുഡിക്കുഡൊ എന്നുവാദ്‌ത്തെ എന്ന് ഒന്റേ ഒന്റു ആസെ. സാമിക്ക് ആള്‌ഗാളോഡ ഇര്‌ക്കുവ ഗവാന പറ്റി സൊല്ലുവ നല്ല സേദിന ആള്‌ഗാള്‌ക്ക് സൊല്ലുഡൊ എന്നുവാദ്‌ത്തെ സാമി എനാക്ക് തന്ത്‌റ്‌ക്കുവ ഗിലാസ.


ആന അയി സേദിന നേര്‌മായിമ് അവാര് കേ്ള്‌ക്കാലേഗ എന്റ് നാന് കേ്ള്‌ക്ക്‌ന്റെ, കണ്ടിപ്പായിമ് അവാര് കേ്ട്ട്‌റ്‌ക്ക്‌ന്റാര്. സാമി സൊല്ലുസുലാക്കാത്ത്‌ല് ഏസ്സയ്യാവു സൊല്ലിര്‌ക്കുവ പാസെ: <<അവാര് മാഡുവ ജദ്ദ ബൂമിലൊട്ടുക്കുമു അവാര് സൊന്ന നായ ഉലഗാത്ത്‌ല് എല്ലാ സാരിമ് എജ്ജിര്‌ക്ക്‌ന്റ്>> എന്റ്‌ത്തെ.


ആദാമ് ഗേന്ത പാവ കാര്യാമ് സാമി ക്‌റ്‌സ്‌ത്ത്‌ന ബെത്ത് പ്‌ണ്ണ്യ ഗേന്ത കാര്യാമ് ഒന്റേ പാസെ അല്ല. ആദാമ് എന്നുവ ഒന്റു മന്‌സാന് ഗേന്ത പാവാനാലെ എഞ്ചോ ആള്‌ഗാള് സത്താദ് നേര്‌ത്തെ. ആന ഏസ്സ് ക്‌റ്‌സ്‌ത്ത് എന്നുവ ഒന്റു മന്‌സാന് ഗേന്ത് കൊഡുത്ത പ്‌ണ്ണ്യനാലെ എഞ്ചോ ആള്‌ഗാള്‌ക്ക് സാമി ഗേവ ദാനാക്ക് എജ്ജ്യ മുഡിന്ത്‌ദ്. അയി സാമി പ്‌ണ്ണ്യ എത്ത്‌റാഗോ ദൊഡ്ഡാദ്‌ത്തെ.


ക്‌റ്‌സ്‌ത്ത് ഏസ്സോഡ ബെത്ത്‌റ്‌ക്കുവ നമ്പിക്കെനാലെ സാമി പ്‌ണ്ണ്യ ഗേന്ത് കെ്ഡേത്ത ഈ പെ്ളേപ്പ്‌ക്ക് നമാക്ക് ഇന്നാല് എജ്ജ്യ മുഡിന്ത്‌ദ്. അത്തെ നമ്മ സാമി മദ്‌പ്പ്‌ക്ക് പങ്ക്‌ഗാറാര് ആവാമ് എന്നുവ നെഞ്ചഡെന പറ്റി നമ്മ പെരിമെപഡ്‌ന്റാമ്.


സാമി പ്‌ണ്ണ്യ ഗേന്ത് നിമ്മ് പാവഗാള്‌ന പൊറുത്തു തന്താദ്‌ന ബെലെ ഇല്ലത്താദ് മാഡദേന് എന്റ് സാമ്യോഡ എ്ണേന്ത് ഗിലാസ ഗേവ എമ്മ നിമാക്ക് ബുദ്ദി സൊന്റേമ്.


നമാന നേര്‌മെഗാറാര് മാഡ്യ ബേ്ണ്ടി സാമി പട്ട ഗവാന നാന് ബേ്ഡ എന്റ് തള്ളാഗേ മാട്ടെ. മോസെ ബെത്ത സാമി സട്ടാത്ത്‌ല് സൊല്ലിര്‌ക്കുവ കാര്യഗാള്‌ന ഗേവാദ്‌നാലെ സാമി ഒരുത്താന്‌ന നേര്‌മെഗാറാനായി തങ്കാരിക്കുവദാന ക്‌റ്‌സ്‌ത്ത് സത്താദ് ബെ്റ്‌ദ്യാന്റല്ല.>>


സാമി നിമ്മോഡ ബെത്തിന്ത മൊനേലിന്ത് നിമാന കാപാറ്റ്‌നാദ് നിമ്മ നല്ല കാര്യഗാള് ഗേന്താദ്‌നാലെ അല്ല. അദ്‌ക്ക് ബദ്‌ല നിമ്മ ഏസ്സ്‌ന നമ്പി പെ്ളേക്ക്യ നെനേക്കാട്ടി സാമി നിമാക്ക് പ്‌ണ്ണ്യ ഗേന്താദ്‌നാലെത്തെ സാമി നിമാന കാപാറ്റ്‌നാദ്. അദ്‌നാലെ നിമ്മ ഇന്നാല് പെ്ളേക്കുവ പുദ്യ പെ്ളേപ്പ് സാമി നിമാക്ക് തന്ത്‌റ്‌ക്കുവ സമ്മാനത്തെ.


അദ് എത്തെന്റ് സൊന്ന ഏസ്സ് ക്‌റ്‌സ്‌ത്ത്‌ത്ത് അയി നല്ല സേദിന തള്ളാദെ കഡേസി മാട്ട്‌ക്ക് അദ്‌ന ഉറുദ്ദ്യായി നമ്പി പെ്ളേത്തദാന നിമാക്ക് സാമ്യോഡ എ്ണേവു ബെത്ത് നഡാക്ക്യ മുഡിമ്. അയി നല്ല സേദിന ഉലഗാത്ത്‌ല് ഇര്‌ക്കുവ ആള്‌ഗാള്‌ക്ക് ഒട്ടുക്കു ഇന്നാല് സൊല്ലുന്റാര്. അദേ സേദിന സൊല്ലുവ ഗിലാസനത്തെ പവുലോസു എന്നുവ നാന്‌മ് ഗേവാദ്.


സാമി മന്‌സാന്‌ന ഗവപഡ്‌ന്റാന് എന്നുവ നല്ല സേദിന കേ്ട്ട് തെരിന്ത നാള്‌ലിന്ത് നിമ്മ സാമിക്ക് ബേ്ണ്ടി പെ്ളേത്ത് അദുക്കുള്ള ഗുണന കാട്ടുവ പാസെ ഈ ഉലഗൊട്ടുക്കുമു ഈ നല്ല സേദി ഇന്നാല് പജാന്ത് നിമാന പാസെ ഉലഗാത്ത്‌ല് എഞ്ചോ ആള്‌ഗാള് സാമിക്ക് ബേ്ണ്ടി ഗുണ ഉള്ളവാരായി പെ്ളേക്ക്‌ന്റാര്.


നമാന സീവാന് പട്ടവാന്‌മ് നമാക്ക് പ്‌ണ്ണ്യ ഗേന്ത് നമാന ദയിരപഡ്‌സ്‌ന്റവാന്‌മ് നമാക്ക് ഏസ്സ് ക്‌റ്‌സ്‌ത്ത്‌ന കാത്ത്‌റ്‌ക്കുവാദ്‌ക്കുള്ള നല്ല നെഞ്ചഡെന തന്തവാന്‌മാന അപ്പാനാന സാമിമ്, നമ്മ് ആണ്ടവാന് ഏസ്സ് ക്‌റ്‌സ്‌ത്ത്‌മ് നിമ്മ് മനേസ്സ്‌ന ദയിരപഡിസി എല്ലാ നല്ല കാര്യഗാള് ഗേയാമ് സൊല്ല്യാമ് നിമാന ഒറേപ്പുള്ളവാര് മാഡുഡൊ.


നമ്മ് ആണ്ടവാന് എന്നാല്‌ക്ക്‌മ് എനാന അളാവുക്കു മീ്റി ഗവപഡ്‌ന്റാന്. അദേപാസെ അളാവുക്കു മീ്റി എന്നോഡ സീവാന്‌മ് ബെത്ത്‌റ്‌ന്റാന്. അത്തെ തനാന നമ്പ്യാമ്, അഡ്‌ത്തവാരോഡ സീവാന്‌ബെത്ത് നഡാക്ക്യാമ് എനാന കയിതാങ്ക്‌ന്റാന്. ഇദൊട്ടുക്കു നമാക്ക് കെ്ഡേത്താദ് എത്തെന്റ് സൊന്നദാന, ക്‌റ്‌സ്‌ത്ത് ഏസ്സോഡ ഒന്റായിര്‌ക്കുവാദ്‌നാലെത്തെ കെ്ഡേത്താദ്.


എന്ത്‌ക്കെന്റ് സൊന്ന എല്ലാ മന്‌സാര്‌ഗാള്‌നാമ് കാപാറ്റുഡൊ എന്റ്‌മ് എല്ലാ മന്‌സാര്‌ഗാള്‌മ് സത്ത്യാന തെരിഡൊ എന്റ്‌മ് സാമി ആസെപഡ്‌ന്റാന്.


ആന ഇന്നാല് നമാന കാപാറ്റുവ ക്‌റ്‌സ്‌ത്ത് ഏസ്സ് ബന്ത് ഇദ്‌ന നമാക്ക് ബെ്ളിപഡിസി തന്ത്‌റ്‌ക്ക്‌ന്റാന്. അയാള് സാവുക്കു ആള്‌മാഡുവ അദിഗരാന ഇല്ലാദെ മാഡിമ് നല്ല സേദിനാലെ എന്നാല്‌ക്ക്‌മ് ഇര്‌ക്കുവ പെ്ളേപ്പ്‌ന ബെ്ളിപഡിസിമ് തന്താന്.


ആന ആണ്ടവാന് എനാക്ക് തൊണെ ഇന്ത് എനാന ബില പഡിസി എന്ന് ഉജുരുക്കു ബന്ത ആവാത്ത്‌ലിന്ത് ആണ്ടവാന് എനാന കാപാറ്റ്‌നാന്. അദ്‌നാലെ എല്ലാ എഗുദാരല്ലാത്ത ജാദിഗാള്‌മ് കേ്ള്‌ക്കുവ ദിന്‌സ്‌ല് നല്ല സേദിന സൊക്കാന സൊന്നേന്.


സാമി ഗേന്ത്‌റ്‌ക്കുവ പ്‌ണ്ണ്യ കെ്ഡേക്കാത്തവാര് ആഗാദെ ഇര്‌ക്ക്യ നിമ്മ എല്ലാവാര്‌മ് നോഡുഡൊ. ആര്‌മ് കീ്ട്ട്‌ഗ ബെത്ത് അദ്‌ന ദൊഡ്ഡാദ് മാഡാദെ ഇര്‌ക്ക്യ നോഡുഡൊ. അത്തവാള്‌ക്ക് എഞ്ചോ ആള്‌ഗാള്‌ന കെ്ഡിസ്യ മുഡിമ്.


ആന സാമി പ്‌ണ്ണ്യാത്ത്‌ല് എല്ലാവാര്‌ക്ക്‌മ് ബേ്ണ്ടി സായ, ഏസ്സ് ലേസ കാല മാട്ട്‌ക്ക് ദൂദാര്‌ഗാള്‌ന ബ്‌ഡ താന്തവാന് ആനാന്. താന് കജട്ട പട്ട് സത്താദ്‌നാലെ അയാള്‌ക്ക് മാനനാമ് മദ്‌പ്പ്‌നാമ് ഗിര്യാഡായി കൊഡുത്ത്‌റ്‌ന്റാന് എന്റ് നമ്മ കാണ്‌ന്റാമ്.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ