ബേസ്യാഡ്‌ന്റവാര്‌ക്ക്‌മ്, ഗണ്ട് ഗണ്ടോഡാമ് പെ്ണ്ണ് പെ്ണ്ണോഡാമ് ഒന്റായി ഉറാങ്ക്‌ന്റവാര്‌ക്ക്‌മ്, ആള്‌ഗാള്‌ന പ്‌ഡിത്തെ്ഡ്‌ത്ത് പോന്റവാര്ക്ക്‌മ്, അഡിമെഗാള്‌ന മാറ്‌ന്റവാര്‌ക്ക്‌മ്, ഉറുട്ടു സൊല്ലി നഡാക്ക്‌ന്റവാര്‌ക്ക്‌മ്, പൊയി സൊല്ലി സത്ത്യ ഗേന്റവാര്‌ക്ക്‌മ് ബേ്ണ്ടിത്തെ ബെത്ത്‌റ്‌ക്കുവാദ്. അവാര്‌ക്ക് താനെ അല്ല, നേര്‌മാന ബുദ്ദിനായാഗാള്‌ക്ക് മീ്റി എന്ത്‌മ് ഗേന്റവാര്‌ക്ക്‌മ് ബേ്ണ്ടിത്തെ ബെത്ത്‌റ്‌ക്കുവാദ്.
തീത്തോസു 2:1 - സാമി സേദി1 ആന തീത്തോസെ, നേര്‌മാന ബുദ്ദിനായാക്ക് എ്ണേന്ത കാര്യഗാള്‌ന നീ ആള്‌ഗാള്‌ക്ക് പഡിസി കൊഡുക്കുഡൊ. အခန်းကိုကြည့်ပါ။ |
തീത്തോസു 2:1
7 ပူးပေါင်းရင်းမြစ်များ
അയാള് ഏസ്സ്‌ന പറ്റി പഡിത്ത്‌റ്‌ക്കുവ ബുദ്ദിനായന താന് പഡിത്ത്‌റ്‌ക്കുവ പാസെ താനെ ഒറേപ്പായി നമ്പി നഡാക്കുഡൊ. അയി ബുദ്ദിനായഗാള് നമ്പ്യ മുഡിവ ബുദ്ദിനായത്തെ. അത്തെ ആള്‌ഗാള്‌ക്ക് നേര് എന്തെന്റ് പഡിസി കൊഡുക്ക്യാമ് അവാര്‌ന ദയിരപഡിസ്യാമ് അയാള്‌ക്ക് മുഡിമ്. അദോഡൊപ്പ ഈ നായാക്ക് മുട്ടി നോഡ്യ ബന്റവാര്‌ക്ക് ബന്ത്‌റ്‌ക്കുവ തപ്പ് എന്തെന്റ് സൊല്ലി കൊഡുക്ക്യാമ് മുഡിമ്.
നായ സൊല്ല്യ ബര കെ്ഡേസ്‌നവാന് സാമി സൊല്ലുസുലാക്കാത്ത്‌ല് എന്ത്‌ന സൊല്ലിര്‌ക്ക്‌ന്റൊ അദ്‌ന താനെത്തെ സൊല്ലുഡൊ. അഡ്‌ത്തവാര്‌ക്ക് ഉവഗര ഗേയ ബര കെ്ഡേസ്‌നവാന് സാമി കൊഡുത്ത സക്‌തിക്ക് തഗ്‌ന്ത പാസെ ഗിലാസ ഗേഡൊ. അത്തെ നിമ്മ ഗേവ എന്ത് കാര്യഗാള്‌മ് അദ്‌ന ഗേയ കയിതാങ്കുവ ഏസ്സ് ക്‌റ്‌സ്‌ത്ത് പേര്‌ല് സാമി ദൊഡ്ഡവാന് ആഡൊ. സാമി എന്നാല്‌ക്ക്‌മ് പേര്‌പെരിമേമ് എല്ലാദ്‌നാമ് ആളുവ അദിഗരാമ് ഉള്ളവാന് ആയിര്‌ക്കുഡൊ. ആമേന്.
ကြော်ငြာတွေ