തീത്തോസു 1:15 - സാമി സേദി15 കവാഡില്ലാത്തവാര്‌ക്ക് എല്ലാദ്‌മ് സുത്താപ്പ്‌ത്തെ. കെ്ട്ടവാര്‌ക്ക്‌മ് ഏസ്സ്‌ഗാറാരല്ലത്തവാര്‌ക്ക്‌മ് എല്ലാദ്‌മ് കെ്ട്ടാദ്‌ത്തെ. എന്ത്‌ക്കെന്റ് സൊന്ന നേര്‌മായി അവാര് മനേസ്സ്‌ല എ്ണ്ണാമ് കെ്ട്ട്‌തള്ള്‌റ്റ്. നല്ലാദ് എന്തെന്റ്‌മ് കെ്ട്ടാദ് എന്തെന്റ്‌മ് അവാര്‌ക്ക് തെരിവാദേ ഇല്ലെ. အခန်းကိုကြည့်ပါ။ |
തീത്തോസു 1:15
21 ပူးပေါင်းရင်းမြစ်များ
ആന ഈ സത്ത്യ എല്ലാവാര്‌ക്ക്‌മ് തെര്യ. മുന്നുക്കു സെലെന കുമ്മുഡിന്തവാര് ഈ തീനിഗാള്‌ന കാണ്‌ഗാട്ടി ഇന്നാല്‌മ് അദ് സെലേക്ക് പട്ടാദ്‌ത്തെ എന്റ് നെനേത്ത് കൊണ്ടു തിന്റാര്. അത്തെ നെനേത്ത് കൊണ്ടു തിന്ന്‌ഗാട്ടി അവാര് തമ്മ അയിത്ത്യാനാര് എന്റ് നെനേക്ക്‌ന്റാര്. അദ് സെര്യൊ തെറ്റൊ എന്റ് അവാര് മനേസ്സ്‌ക്ക് ഒറേപ്പില്ലത്താദ്‌നാലെത്തെ ഇത്തെ ആവാദ്.
അദ് സത്ത്യാനദാന ക്‌റ്‌സ്‌ത്ത് സോരെ നമാന എത്ത്‌റാഗോ അദിഗ സുത്താപ്പ് മാഡ്‌മ്. എന്ത്‌ക്കെന്റ് സൊന്ന എന്നാല്‌ക്ക്‌മ് ഇര്‌ക്കുവ സാമിനിഗാല്‌നാലെ അയാള് തനാന താനെ ഒന്റു കൊറേവുമു ഇല്ലാത്ത പലി ആയി സാമിക്ക് ഒപ്പുസുനാന്. അദ്‌നാലെ സട്ടാത്ത്‌ല് സൊല്ലിര്‌ക്കുവ ഉവഗര ഇല്ലാത്ത കാര്യഗാള്‌ന ഗേന്താദ്‌ക്ക് കുറ്റ ഗേന്തെ എന്റ് മനേസ്സ്‌ല് ഇര്‌ക്കുവ നെനേവുഗാള്‌ലിന്ത് നമ്മ് മനേസ്സ്‌ന അയാള് സുത്താപ്പ് മാഡ്‌ന്റാന്. അത്തെ ഉജുരുള്ള സാമിന നമ്മ കുമ്മുഡുല.
ကြော်ငြာတွေ