തീത്തോസു 1:12 - സാമി സേദി

¹² <<ക്‌റേത്ത്യാര് ഒപ്പ ഉറുട്ടു സൊല്ലുന്റവാര്‌മ്, മന്‌സാന്‌മാഡല്ലത്തവാര്‌മ്, കള്ള ബ്‌ന്ത് നഡാക്കുവ തീനിപോറനാമ്‌ത്തെ>> എന്റ് അവാര്‌ല് ഒന്റു ബുദ്ദിസാലിഗാറാന് താനെത്തെ സൊല്ലിര്‌ന്റാന്.

തീത്തോസു 1:12 ပူးပေါင်းရင်းမြစ်များ

അപ്പോസുത്തലാര് 17:28

<ആന ആരൊ ഒന്റാള് ഇത്തെ സൊല്ലിര്‌ക്ക്‌ന്റാര് നമ്മ ഉണ്ടാനാദ്‌മ്, പെ്ളേക്കുവാദ്‌മ്, ആങ്കീങ്ക് പോവാദ്‌മ് ബരുവാദ്‌മ് സാമി സക്‌തിനാലെത്തെ.><നമ്മ അയാള് മക്കാള്‌ഗാള്‌ത്തെ> എന്റ് നിമ്മ് പാട്ട് എ്ള്‌ദ്‌ന്റവാര് സൊല്ലിര്‌ക്ക്‌ന്റാര്,

അപ്പോസുത്തലാര് 2:11

നമ്മോഡ ഇര്‌ക്കുവ ലേസ ആള്‌ഗാള് എഗുദാര്‌മ് എഗുദ മദാക്ക് എ്ണേന്ത എഗുദാര് അല്ലാത്ത ആള്‌ഗാള്‌മ്‌ത്തെ. പിന്നെ ലേസ ആള്‌ഗാള് ക്‌റേത്ത്യാര്‌മ്, അറാവി നാഡ്‌ഗാറാര്‌മ്‌ത്തെ. ആന ഇവാര് സാമി ഗേന്ത ദൊഡ്ഡുദൊഡ്ഡ കാര്യഗാള്‌ന നമ്മ് നായാത്ത്‌ല് സൊല്ലുവാദ്‌ന നമ്മ കേ്ള്‌ക്ക്‌ന്റാമ്!>>

അപ്പോസുത്തലാര് 27:12

അയി കപ്പാല് ഇന്നാല് നില്ലിസിര്‌ക്കുവ എ്ഡേല് സളിഗളിഗേക്ക് ഇര്‌ക്ക്യ മുഡ്യാമാട്ട. അദ്‌നാലെ അദ്‌ലിന്ത് പോയി മുഡിന്തദാന പൊയിനിക്ക്യാക്ക് എജ്ജ്യ ഓരാഡുഡൊ എന്റ് സൊന്നാദ്‌ന മുക്കാബാസി ആള്‌ഗാള്‌മ് സെരി എന്റാര്. ക്‌റേത്താല് കപ്പാല് നില്ലുസുവ ഒന്റു എ്ഡേത്തെ പൊയിനിക്ക്യ. അദ്‌ല് കോഡെഗളിഗേക്ക് ഇര്‌ക്ക്യ മുഡിമ് എന്റ് അവാര് നെനേത്തിന്താര്. തെക്ക്‌മേക്ക് സാരിക്ക്‌മ് ബഡാക്ക്‌മേക്ക് സാരിക്ക്‌മ് നേരെ ഇര്‌ക്കുവ എ്ഡേത്തെ പൊയിനിക്ക്യ.

അപ്പോസുത്തലാര് 27:13

അദുക്കുള തെക്ക് സാരിന്ത് കാറ്റ് മെല്ല മെല്ല അഡിക്ക്യ പ്‌ഡിത്ത്‌ദ്. അദ്‌നാലെ അവാര് കണാക്കാക്ക്‌ന പാസെ പൊയിനിക്ക്യാക്ക് എജ്ജുവാര് എന്റ് നെനേത്ത് നങ്കൂരന ബലിത്തെ്ഡ്‌ത്ത പ്‌റ കപ്പാല്‌ന ഓട്ട്യ പ്‌ഡിത്താര്. ക്‌റേത്ത ഓരമേലെ താനെത്തെ പോനാര്.

അപ്പോസുത്തലാര് 27:7

പിന്നെ എഞ്ചോ നാള് എമ്മ മെല്ലാത്തെ പോനേമ്. സെര്യായി കജട്ട പട്ട് കഡേഗല എമ്മ കിനിദോസു എന്നുവ കഡാലോര പട്ടണാക്ക് എജ്ജ്‌നേമ്. കാറ്റ് കപ്പാല്‌ക്ക് നേരെ അഡിക്കുവാദ്‌നാലെ അയി ബട്ടെമേലെ എമാക്ക് ദാസ്‌ത്തി ദൂര പോയ മുഡ്യാലെ. അദ്‌നാലെ എമ്മ ക്‌റേത്ത എന്നുവ സുറ്റുമു നീര്‌റ്‌ക്കുവ എ്ഡേക്ക് തെക്ക് സാരി ഇര്‌ക്കുവ സല്‌മോനു എന്നുവ നൂഞ്ചു ഓരമേലെ പോനേമ്. അദ്‌ല് കാറ്റ് കമ്മിത്തെ അഡിത്തിന്ത്‌ദ്.

റോമഗാറാര് 16:18

അവാര് നമ്മ് ആണ്ടവാന് ക്‌റ്‌സ്‌ത്ത്‌ക്ക് ബേ്ണ്ട്യല്ല ഗിലാസ ഗേവാദ്. അവനവാന് കാര്യഗാള് നഡാക്ക്യ ബേ്ണ്ടിത്തെ അവാര് ആസെപഡുവാദ്. അവാര് ആള്‌ഗാള്‌ന മയാക്കുവ നായഗാള്‌മ് പിര്യപഡുസുവ നായഗാള്‌മ് സൊല്ലികൊണ്ടു പച്ചെപാവഗാള്‌ന ഏമാത്ത്‌ന്റാര്.

പിലിപ്പ്യഗാറാര് 3:19

സാമി അവാര്‌ന ദെ്ണ്ടിക്കുവാന്. എന്ത്‌ക്കെന്റ് സൊന്ന അവനവാന് സുഗാക്ക് ബേ്ണ്ടി പെ്ളേക്കുവാദ്‌ത്തെ അവാര് സാമി. നാണഗെ്ട്ട കാര്യഗാള് ഗേവാദ്‌ല്‌ത്തെ അവാര് പെരിമെപഡ്‌ന്റാര്. ബൂമില കാര്യഗാള്‌ന പറ്റി താനെത്ത അവാര് നെനേക്ക്‌ന്റാര്.

1 തിമിത്തോസു 4:2

ബക്‌തിഗാറാരായി നഡിക്കുവ ആള്‌ഗാള്‌ത്തെ ഇത്തവ കാര്യഗാള്‌ന പജാത്തുവാദ്. തീക്കിക്കി കാസ്‌ന കമ്പിന ഉരുവുക്കു ബെത്ത് പൊക്കുസുനാല് ഗുഡി ഒന്റുമു തെര്യാത്ത പാസെ നേര് ഏദെന്റൊ പൊയി ഏദെന്റൊ തെര്യാത്തളാവുക്കു അവാര് മനേസ്സ്‌മ് കല്ലായി തള്ളിര്‌ന്റ്.

തീത്തോസു 1:5

ഗേന്ത് മുഡിക്കാത്ത കാര്യഗാള്‌ന ഗേന്ത് മുഡിക്ക്യാമ് നാന് നിനാക്ക് സൊന്ന പാസെ ഒന്റൊന്റു പട്ടണാക്ക്‌റാഗ ഇര്‌ക്കുവ ഏസ്സ്‌ഗാറാര് കൂട്ടാക്ക് മൂപ്പനാമ്‌ഗാള്‌ന എ്ഡ്‌ത്ത് ബെക്ക്യാമ്‌ത്തെ നാന് നിനാന ക്‌റേത്ത എന്നുവ എ്ഡേല് ബ്‌ട്ട്‌തള്ളി ബന്താദ്.

2 പത്ത്‌റോസു 2:12

ആന ഇവാര് തമാക്ക് തെര്യാത്ത കാര്യഗാള്‌ന പറ്റി ഗുഡി കുറ്റ സൊന്റാര്. അവാര് ബുദ്ദില്ലാത്ത ബേ്ണ്ട്‌ഗാള്‌ന പാസെത്തെ. അയി ബേ്ണ്ട്‌ഗാള് എന്ത് നെനേക്ക്‌ന്റൊ അദ്‌നാത്തെ അയി ബേ്ണ്ട്‌ഗാള് ഗേന്റ്. ഒന്റു ബേ്ണ്ട്‌ന പ്‌ഡിത്ത് എത്തെ കൊല്ലുന്റാമൊ അദേപാസെത്തെ സാമിമ് ഇവാര്‌ന അളിക്കുവാന്.

2 പത്ത്‌റോസു 2:15

അവാര് നല്ലാദ്‌ക്ക് ബേ്ണ്ടി പെ്ളേക്കുവാദ്‌ന തള്ളി കെ്ട്ടാദ് ഗേന്ത് സമ്പാരിക്ക്യ ആസെപട്ട ബെയോരു മഗാന് ബിലെയാമ് പെ്ളേത്ത പാസെത്തെ ഇവാര് പെ്ളേക്ക്‌ന്റാര്.