തീത്തോസു 1:10 - സാമി സേദി10 അദ് എന്ത്‌ക്കെന്റ് സൊന്ന ആര് സൊല്ലുപഡിക്ക്‌മ് ഇര്‌ക്ക്യ മനേസ്സില്ലത്തവാര്‌മ്, അര്‌ത്തില്ലാത്ത കാര്യഗാള്‌ന സൊല്ലി ബഞ്ചിക്ക്‌ന്റവാര്‌മ് മൊത്തനാക്ക് അദ്‌ലിര്‌ക്ക്‌ന്റാര്. എഗുദ ജാദിലിന്ത് ഏസ്സ്‌ന നമ്പി ബന്തവാര്‌ത്തെ മുക്ക്യമായി ഈ കാര്യഗാള് ഗേവാദ്. အခန်းကိုကြည့်ပါ။ |
തീത്തോസു 1:10
29 ပူးပေါင်းရင်းမြစ်များ
എന്റിന്ത്‌മ് ഏസ്സ്‌ഗാറാര് എന്റ് സൊല്ലി നഡിക്കുവ ബേ്റാള്‌ഗാള്‌ത്തെ തീത്തോസുന പരിസേദനെ സാത്ത്‌റ ഗേസുഡൊ എന്റ് ആസെപട്ടാദ്. ക്‌റ്‌സ്‌ത്ത്‌ന നമ്പി നഡാക്കുവാദ്‌നാലെ നമ്മ മോസെ ബെത്ത സാമി സട്ടാക്ക് അഡിമ്യാഗാദെ പെ്ളേക്ക്‌ന്റാമ്. അത്തെ പെ്ളേക്കുവ നമാന പിന്നേമ് അയി സട്ടാക്ക് അഡിമെഗാള് മാഡി കെ്ഡിസ്യ ബേ്ണ്ടി അവാര് ഓസണോഡ നമ്മ് കൂട്ടാക്ക് ബന്ത്‌റ്‌ന്റാര്.
അദ്‌നാലെ നിമ്മ ഇന്നി അറ്യാത്ത മക്കാള്‌ഗാള്‌ന പാസെ പെ്ളേക്കദേന്. കാറ്റഡിക്കാട്ടി ഒന്റു കട്ടെ ആങ്കീങ്ക് ആഡുവ പാസെ ഈ ഉലഗാത്ത്‌ല കാര്യഗാള്‌ക്ക് ബേ്ണ്ടിമ് സാമികാര്യഗാള്‌ക്ക് ബേ്ണ്ടിമ് നിമ്മ മനേസ്സ് ബെത്ത് നഡാക്ക്യ പാങ്കില്ലെ. അത്തെ പെ്ളേത്തദാന മന്‌സാന് ഏമാത്തുവ നായഗാള്‌ക്ക്‌മ് തന്ത്‌റഗാള്‌ക്ക്‌മ് സിക്ക്‌ല.
നേരല്ലാത്ത കദെഗാള്‌നാമ് മൂട്ടുമുറില്ലാത്ത കാല്‌കെ്ളെഗാള്‌നാമ് പറ്റി സൊല്ലുവാദ്‌ത്തെ അവാര്‌ക്ക് കാര്യ. ഇദെല്ല ആള്‌ക്കാള്‌ക്ക് തറ്‌ക്ക ബര്യാത്തെ എ്ഡെ ആമ്. അല്ലാദെ ഏസ്സ് ക്‌റ്‌സ്‌ത്തോഡെ ബെത്ത്‌റ്‌ക്കുവ നമ്പിക്കേല് ഗേവ സാമി ഗിലാസഗാളൊന്റുമല്ല. അദ്‌നാലെ അത്തവ കാര്യഗാള്‌ന സൊല്ലുവ നായഗാള്‌ന നീ പഡിസ്യാഗേ ബ്‌ഡാദെ.
ഈ സാമിസട്ട ബെത്ത്‌റ്‌ക്കുവാദ് സാമി പിര്യാക്ക് പെ്ളേക്ക്‌ന്റവാര്‌ക്ക് ബേ്ണ്ട്യല്ല എന്റ് നമാക്ക് തെരിമ്. പിന്നെ ഇദ് ബെത്ത്‌റ്‌ക്കുവാദ് ആര്‌ക്ക് ബേ്ണ്ടി എന്റ് സൊന്ന, സാമി സട്ടാക്ക് മീ്റി നഡാക്ക്‌ന്റവാര്‌ക്ക്‌മ്, സാമിക്കിര്‌ക്കുവ അദിഗരാക്ക് കെ്ട്ട്‌പട്ട് നഡാക്കാത്തവാര്‌ക്ക്‌മ്, സാമിന പറ്റി നെനേവു ഇല്ലത്തവാര്‌ക്ക്‌മ്, കുറ്റഗേന്റവാര്‌ക്ക്‌മ്, കീ്ട്ട്‌ഗഗാറാര്‌ക്ക്‌മ്, സാമി ബക്‌തി ഇല്ലത്തവാര്‌ക്ക്‌മ്, അവ്വ്യപ്പാന്‌ന കൊലെ ഗേന്റവാര്‌ക്ക്‌മ്, കൊലെഗാറാര്‌ക്ക്‌മ്,
എന്റാല്‌മ് നിനാന പറ്റി ലേസ കുറ്റ എനാക്ക് സൊല്ല്യ ഇര്‌ക്ക്‌ന്റ്. ഇസ്‌റവേല്‌ഗാറാര്‌ന സെലെഗാള്‌ക്ക് മേല്‌സ ബെത്താദ്‌ന തിന്ന്യ ബ്‌ട്ട് കൊണ്ടുമു കണ്ടപഡിക്ക് നഡാന്ത് ബേസ്യാഡ്യ ബ്‌ട്ട് കൊണ്ടുമു അവാര്‌ന എത്തെ പാവ ഗേയ ബെക്കുഡൊ എന്റ് ബാലാക്ക്‌ക്ക് ബുദ്ദി സൊല്ലി കൊഡുത്തവാന്‌ത്തെ ബിലെയാമ്. അയി ബിലെയാമ് പഡ്‌സ്‌നാദ്‌ക്ക് കെ്ട്ട്‌പട്ട് നഡാക്കുവ ലേസ ആള്‌ഗാള് നിമ്മ് പട്ട്‌ല് ഇര്‌ന്റാര്.
ကြော်ငြာတွေ