റോമഗാറാര് 9:14 - സാമി സേദി

¹⁴ അദ്‌നാലെ നമ്മ ഇദ്‌ന പറ്റി എന്തെന്റ് സൊല്ല്യ? സാമി നേര്‌മോഡ കാര്യ ഗേഗാത്തവാന് എന്റ് സൊല്ല്യാഗ? സൊല്ലഗേ ബേ്ഡ.

റോമഗാറാര് 9:14 ပူးပေါင်းရင်းမြစ်များ

ബെ്ളിപട്ട കാര്യ 16:7

അദേപാസെ മദ്‌ല്‌മ്, <<സെരിത്തെ, എല്ലാ ബിലാമ് ഇര്‌ക്കുവ ആണ്ടവാനാന സാമ്യെ, നീ ആള്‌ഗാള്‌ന നേര്‌മോഡാമ് സത്ത്യത്തോഡാമ് ബിദിക്ക്‌ന്റായി>> എന്റ് സൊല്ലുവാദ്‌ന നാന് കേ്ട്ടേന്.

റോമഗാറാര് 3:1

ആന എഗുദാരല്ലാത്ത ജാദിഗാള്‌ന ബ്‌ഡ എഗുദാര്‌ക്ക് എന്ത് പെരിമെ? അല്ല, പരിസേദനെ സാത്ത്‌റ ഗേന്റവാരായി ഇര്‌ക്കുവാദ്‌നാലെ എന്തൊന്റു ഉവഗര ഇര്‌ക്ക്‌ന്റ?

റോമഗാറാര് 2:5

ആന നിമാക്കിര്‌ക്കുവ നെഞ്ച് മര നെഞ്ച്‌മ് സാമിസാരി തിരിഗ്യ മനേസ്സില്ലാത്ത നെഞ്ച്‌മ്‌ത്തെ. അദ്‌നാലെ സാമി നേര്‌മോഡ ബിക്കുവ ബിദി ബെ്ളിപഡുവ നാള്‌ക്ക് ബേ്ണ്ടിമ് ദെ്ണ്ടണെ കൊഡുത്തു തന്ന് മൊനേന കാട്ടുവ നാള്‌ക്ക് ബേ്ണ്ടിമ് നിമാക്കുള്ള മ്‌ഗ്‌ന്ത ദെ്ണ്ടണെ നിമ്മ താനെ സേത്തി സേത്തി ബെക്ക്‌ന്റ്‌റ്.

ലൂക്കോസു 20:16

അയാള് പോയി അയി ഗുത്തഗെഗാറാര്‌ന കൊന്റു തള്ളി മുന്തിരി ദോട്ടന ബേ്റെ ആള്‌ഗാള്‌ക്ക് കൊഡുക്കുവാന്.>> ഈ കദെന കേ്ട്ട് ആള്‌ഗാള്: <<ഇത്തെ നഡാക്കാദിര്‌ക്കുഡൊ>> എന്റ് സൊന്നാര്.

റോമഗാറാര് 2:11

ഈ കാര്യാത്ത്‌ല് സാമി ആര്‌നാമ് പ്‌റ്‌ത്ത് നോഡുവാദില്ലെ.

റോമഗാറാര് 9:30

അദ്‌നാലെ നമ്മ ഇദ്‌ന പറ്റി എന്തെന്റ് സൊല്ല്യാമ്? നേര്‌മെഗാറാരായി നഡാക്ക്യ നോഡാത്ത എഗുദാരല്ലാത്ത ജാദിഗാള് നേര്‌മെഗാറാര് ആനാര്. അദ് എത്തെന്റ് സൊന്ന നമ്പിക്കെനാലേത്തെ.