റോമഗാറാര് 9:11 - സാമി സേദി

^11-12 ആന മക്കാള് പ്‌റാക്കാത്ത മുന്നുക്കു താനെ, അവാര് നല്ലാദൊ കെ്ട്ടാദൊ ഗേഗാത്ത മുന്നുക്കു താനെത്തെ <<ദൊഡ്ഡ മഗാന് സ്‌ന്ന മഗാന്‌ക്ക് ഗിലാസഗാറാനായി പെ്ളേക്കുവാന്>> എന്റ് സാമി റിവേക്കാക്ക് സൊന്നാന്. ഇദ് അര്‌ത്ത മാഡുവാദ് എന്തെന്റ് സൊന്ന, സാമി ഒരുത്താന്‌ന തെരിന്തെ്ഡ്‌ക്കുവാദ് അയാള് ഗേവ കാര്യന നോഡ്യല്ല, ആന ബ്‌ളിക്കുവ സാമി ആസെ പഡിത്തെ തെരിന്തെ്ഡ്‌ക്കുവാദ്.

റോമഗാറാര് 9:11 ပူးပေါင်းရင်းမြစ်များ

റോമഗാറാര് 4:17

സത്തവാര്‌ന ഉജുര്‌ളാക്ക്‌ന്റവാന്‌മ് ഇല്ലത്താദ്‌ലിന്ത് ദ്‌ട്ട്‌സ്‌ന്റവാന്‌മാന സാമിന അവുറഗാമ് നമ്പ്‌നാന്. അയി സാമി കണ്ണ്‌ക്ക് അയാള് നമാക്കൊട്ടുക്കുമു പാട്ടാനായി തീര്യത്തെ. <<നാന് നിനാന എഞ്ചെഞ്ചോ ജാദിഗാള്‌ക്ക് പാട്ടാന് മാഡി ബെക്കുവെ>> എന്റ് സാമി സൊല്ലുസുലാക്കാത്ത്‌ല്‌മ് എ്ള്‌ദിര്‌ക്ക്‌ന്റല്ല?

എപസോസുഗാറാര് 2:3

അദുക്കുള നമ്മ് മനേസ്സ്‌ക്ക്‌മ് സരിഗലാക്ക്‌മ് പിര്യര്‌ക്കുവ കാര്യഗാള്‌ന ഗേന്ത് കൊണ്ടു നമ്മാമ് അഡ്‌ത്തവാര്‌ന പാസെ പാവ ഗേന്ത് കൊണ്ടു നഡാന്താമ്. അത്തെ ഗേന്ത് നഡാന്ത് നമ്മ സാമി മൊനേക്ക് ആളായിന്താമ്.

എപസോസുഗാറാര് 2:9

അദ്‌നാലെ നമ്മ എന്തൊന്റു നല്ല കാര്യഗാള് ഗേന്താദ്‌നാലെത്തെ നമാന കാപാറ്റ്‌നാദ് എന്റ് ആര്‌ക്ക്‌മ് പെരിമെപഡ്യ മുഡ്യാമാട്ട.

എപസോസുഗാറാര് 3:11

അദ് നമ്മ് ആണ്ടവാന് ക്‌റ്‌സ്‌ത്ത് ഏസ്സ്‌ന ബെത്ത് ആദികാലാത്ത്‌ലിന്തേ സാമി ഗേന്ത് ബരുവ കാര്യത്തെ.

1 തെസെലോനിക്ക്യഗാറാര് 1:4

സാമി സീവാന്‌ബെത്ത്‌റ്‌ക്കുവ ഏസ്സ്‌ഗാറാരെ, നിമാന തനാക്ക് സൊന്തഗാറാര് മാഡ്യ സാമി തെരിന്തെ്ഡ്‌ത്ത്‌റ്‌ന്റാന് എന്റ് എമാക്ക് തെരിന്റ്.

2 തിമിത്തോസു 1:9

സാമി നമാന കാപാറ്റിമിര്‌ന്റാന്, കവാഡില്ലാദെ പെ്ളേക്ക്യ ബേ്ണ്ടി ബ്‌ളിത്ത്‌മിര്‌ന്റാന്. നമ്മ സാമിക്ക് ബേ്ണ്ടി എന്താറ്റൊന്റു കാര്യഗാള് ഗേന്താദ്‌നാലെ അല്ല സാമി ഇത്തെ ഗേന്താദ്. സാമി ഇത്തെ ഗേഡൊ എന്റ് മുന്നുക്കെ മുഡിവാക്കിന്താദ്‌നാലേമ് സാമി നമാന അത്ത്‌റാക്ക്‌മ് ഗവപട്ട് ഇന്താദ്‌നാലേമ്‌ത്തെ ഇത്തെ ഗേന്താദ്. തനാക്ക് നമ്മോഡിര്‌ക്കുവ ഈ ഗവാന ഏസ്സ് ക്‌റ്‌സ്‌ത്ത്‌ന തന്ത് നമാക്ക് കാട്ടുഡൊ എന്റ് എല്ലാദ്‌നാമ് ദ്‌ട്ട്‌സുവാദ്‌ക്ക് മുദാല് താനെ സാമി മുഡിവാക്കിന്താന്.

തീത്തോസു 3:5

നമാന കാപാറ്റ്‌നാന്. നമ്മ ഗേന്ത നല്ല കാര്യഗാള്‌നാലെ അല്ല, സാമിക്ക് ബേ്റ്‌വെന്താദ്‌നാലെത്തെ നമാന കാപാറ്റ്‌നാദ്. സാമി തന്ന് നിഗാല്‌ന ബെത്ത് നമാന പുദ്യ മന്‌സാന്‌മ് മാഡ്‌നാന്, നമ്മ് പാവാന തീത്ത് ബെ്ഡിപ്പ് മാഡി നമാക്ക് മറ്‌പ്‌റാപ്പ്‌മ് തന്താന്.

1 പത്ത്‌റോസു 5:10

എല്ലാ പ്‌ണ്ണ്യാമ് ഗേവ സാമി ഏസ്സ് ക്‌റ്‌സ്‌ത്ത്‌ന ബെത്ത് എന്നാല്‌ക്ക്‌മ് ദൊഡ്ഡവാര് ആയിര്‌ക്ക്യ ബേ്ണ്ടി നിമാന ബ്‌ളിത്ത്‌റ്‌ന്റാന്. അദ്‌നാലെ നിമാക്ക് ബരുവ അദിഗ കാല ഇര്‌ക്കാത്ത കജട്ടന താങ്ക്‌ന പ്‌റ അയാള് നിമാന കൊറേവില്ലത്തവാര് മാഡിമ് കയി താങ്കിമ് ബില പഡിസിമ് ഒറേപ്പുള്ളവാര് മാഡിമ് ബെക്കുവാന്.

2 പത്ത്‌റോസു 1:10

അദ്‌നാലെ ഏസ്സ്‌ഗാറാരെ, നിമ്മ സാമി ബ്‌ളിത്തവാര്‌മ് തെരിന്തെ്ഡ്‌ത്തവാര്‌മ് എന്റ് ഒറേപ്പ് മാഡ്യ ബേ്ണ്ടി മ്‌ഗ്‌ന്ത ഓരട്ട ഓരാഡ്‌ന്. അത്തെ ഗേന്തദാന നിമ്മ എന്നാല്‌ക്ക്‌മ് നമ്പിക്കേലിന്ത് തപ്പിപോഗമാട്ട്‌റ്.

ബെ്ളിപട്ട കാര്യ 17:14

അവാര് കൊറ്യാഡ് കുട്ട്യോഡ ജുദ്ദ ഗേവാര്. ആന കൊറ്യാഡ് കുട്ടി അവാര്‌ന സോലുസുവാന്. എന്ത്‌ക്കെന്റ് സൊന്ന അയാള് ആണ്ട്‌റ്‌ന്റവാര്‌ഗാള്‌ക്ക് ആണ്ടവാന്‌മ് രാജാവുഗാള്‌ക്ക് രാജാവുമുത്തെ. അയാളോഡ ഇര്‌ക്ക്‌ന്റവാര് സാമി ബ്‌ളിത്തവാര്‌മ് തെരിന്തെ്ഡ്‌ത്തവാര്‌മ് നമ്പ്യ മുഡിന്റവാര്‌മ്‌ത്തെ>> എന്റ് സൊന്നാന്.