റോമഗാറാര് 8:7 - സാമി സേദി7 മന്‌സാന്‌ക്ക് ഇര്‌ക്കുവ പാവ പളാക്ക സാമിക്ക് പോട്ടി നില്ല്ന്റ്. അദ് സാമി സട്ടാക്ക് കെ്ട്ട്‌പഡുവാദില്ലെ. സാമി സട്ടാക്ക് കെ്ട്ട്‌പഡ്യ മുഡ്യാമ്‌മാട്ട. အခန်းကိုကြည့်ပါ။ |
റോമഗാറാര് 8:7
28 ပူးပေါင်းရင်းမြစ်များ
അദ്‌നാലെ ഈ സട്ടാത്ത്‌ല് സൊല്ലിര്‌ക്കുവ കല്‌പനെഗാള്‌ല് ദൊഡ്ഡാദല്ല എന്റ് നെനേക്കുവ ഒന്റു കല്‌പനെ പഡി നഡാക്കാദെ അഡ്‌ത്തവാര്‌മ് അയി കല്‌പനെ പഡി നഡാക്ക ബേ്ഡ എന്റ് പഡ്‌സ്‌ന്റവാന്‌ന സാമി ആളുവ കാലാത്ത്‌ല് എല്ലാര്‌ക്ക് ബ്‌ഡ സ്‌ന്നവാന് എന്റ് സൊല്ലുവാര്. ആന ഈ കല്‌പനെഗാള് പഡി നഡാന്ത് അഡ്‌ത്തവാര്‌മ് ഈ കല്‌പനെഗാള് പഡി നഡാക്കുഡൊ എന്റ് പഡ്‌സ്‌ന്റവാന്‌ന സാമി ആളുവ കാലാത്ത്‌ല് ദൊഡ്ഡവാന് എന്റ് സൊല്ലുവാര്.
ആന സാമിനിഗാല് ഇല്ലാത്ത മന്‌സാന് സാമിനിഗാല് പഡുസുവ നായഗാള്‌ന കാദ്‌ക്കിക്കുവാദില്ലെ. എന്ത്‌ക്കെന്റ് സൊന്ന അയി കാര്യഗാള്‌ന ബുദ്ദിഗെ്ട്ട കാര്യഗാള് എന്റ്‌ത്തെ അയാള് നെനേക്കുവാദ്. അയി കാര്യഗാള് അയാള്‌ക്ക് നെപ്പ്‌കെ്ഡേക്കുവാദില്ലെ. എന്ത്‌ക്കെന്റ് സൊന്ന അയി കാര്യഗാള്‌ന സാമിനിഗാല് ഉദാവിനാലെത്തെ അയാള് സൊക്കാന പുരുപ്പു മാഡി എ്ഡ്‌ക്കുവാദ്.
അദ്‌നാലെ ഒന്റു സരിഗല തലേക്ക് എ്ണേന്ത് അദ്‌ക്കിര്‌ക്കുവ പല മൂട്ടുമുറിഗാള് ഒട്ടുക്കുമു ഒന്റായി ദൊഡ്ഡുവ പാസെ സത്ത്യമാന ഏസ്സ് ക്‌റ്‌സ്‌ത്ത്‌ന തലെ മാഡി സാമ്യോഡ എ്ണേന്ത് ദൊഡ്ഡുനു. അദ്‌ന തള്ളി ഒന്റുക്കുമു ഉവഗരപഡാത്ത താന്‌താനെ നെനേക്കുവ നെനേവുഗാള്‌ന ബെത്ത്‌മ് താന് കണ്ട കാര്യഗാള്‌ന ബെത്ത്‌മ് തണിമോഡ പെ്ളേക്ക്‌ന്റേന് എന്റ് നെനേത്ത് പെരിമെപട്ട്‌കൊണ്ടു സാമിന കുമ്മുഡാദെ, ദൂദാര്‌ഗാള്‌ന കുമ്മുഡി നഡാക്ക്‌ന്റവാരോഡ എ്ണേന്ത സാമി നിമാക്ക് ബേ്ണ്ടി ബെത്ത്‌റ്‌ക്കുവ സൊത്തു നിമാക്ക് കെ്ഡേക്കമാട്ട.
അവാര് പെ്ണ്ണ്‌മക്കാള്‌ന കണ്ടദാന അവാരോഡ എ്ണേന്ത് ബേസ്യാഡി നഡാക്ക്യ ആസെപട്ട് നഡാക്ക്‌ന്റാര്. ഇത്തെ ഒപ്പ പാവ ഗേന്ത് നഡാക്കുവാദ് പറ്റ എന്റ് അവാര് പെ്ളേക്ക്‌ന്റാര്. ദൊഡ്ഡ നമ്പിക്കെ ഇല്ലാത്ത ആള്‌ഗാള്‌ന പാവ ഗേയ സിക്ക്‌സ്‌ന്റാര്. അവാര് ആസെപട്ട കാര്യ എത്തെ കെ്ഡേസുഡൊ എന്റ് അവാര് പഡിത്ത്‌ര്‌ന്റാര്. ഇത്തെ ഗേവാദ്‌നാലെ അവാര് സാമി സാപ്പാക്ക് സിക്കിര്‌ക്ക്‌ന്റാര്.
ကြော်ငြာတွေ