റോമഗാറാര് 8:18 - സാമി സേദി

¹⁸ നമാക്ക് തര്യ പോവ സാമി മദ്‌പ്പ്‌നാമ് പേര്‌പെരിമെനാമ് നെനേത്തദാന ഈ കാലാത്ത്‌ല കജട്ടഗാള് ദൊഡ്ഡ കജട്ടഗാളല്ല എന്റ് നാന് കണാക്ക് മാഡ്‌ന്റെ.

റോമഗാറാര് 8:18 ပူးပေါင်းရင်းမြစ်များ

അപ്പോസുത്തലാര് 20:24

എന്റാല്‌മ് നാന് പെ്ളേക്കുവാദൊ സാവാദൊ എനാക്ക് ദൊഡ്ഡാദല്ല. നാന് ഗേയ ബേ്ണ്ടി ഏസ്സ് ആണ്ടവാന് എനാക്ക് തന്ത്‌റ്‌ക്കുവ ഗിലാസാന ഗേന്ത് മുഡിക്കുഡൊ എന്നുവാദ്‌ത്തെ എന്ന് ഒന്റേ ഒന്റു ആസെ. സാമിക്ക് ആള്‌ഗാളോഡ ഇര്‌ക്കുവ ഗവാന പറ്റി സൊല്ലുവ നല്ല സേദിന ആള്‌ഗാള്‌ക്ക് സൊല്ലുഡൊ എന്നുവാദ്‌ത്തെ സാമി എനാക്ക് തന്ത്‌റ്‌ക്കുവ ഗിലാസ.

റോമഗാറാര് 8:19

തന്ന് പ്‌ള്ളെഗാള് ആരെല്ല എന്നുവാദ്‌ന സാമി കാട്ടി കൊഡുക്ക്യ ബേ്ണ്ടി സാമി ദ്‌ട്ടിസി ബെത്ത്‌റ്‌ക്കുവാദ് ഒട്ടുക്കു നെഞ്ചഡോഡ കാത്ത്‌കൊണ്ട് ഇര്‌ക്ക്‌ന്റ്.

കൊലേസ്യഗാറാര് 3:4

അദ്‌നാലെ ക്‌റ്‌സ്‌ത്ത് താന് ഉലഗാത്ത്‌ല് ആളുവ കാലാത്ത്‌ല് ഇന്നാല് മറേന്ത്‌റ്‌ക്കുവ നിമ്മ് പുദ്യ പെ്ളേപ്പിക്കിര്‌ക്കുവ മദ്‌പ്പ്‌നാമ് കാണ്‌ല.

2 തെസെലോനിക്ക്യഗാറാര് 2:14

നിമാന കാപാറ്റി നമ്മ് ആണ്ടവാന് ഏസ്സ് ക്‌റ്‌സ്‌ത്ത് മദ്‌പ്പ്‌ക്ക് പങ്ക്‌ഗാറാര് ആയ ബേ്ണ്ടിത്തെ സാമി നിമാന ബ്‌ളിത്ത്‌റ്‌ക്കുവാദ്. അദ്‌ക്ക് ബേ്ണ്ടിത്തെ എമാന ബെത്ത് സാമി നിമാക്ക് ഈ നല്ല സേദിന സൊന്നാദ്.

തീത്തോസു 2:13

എല്ലാദ്‌ക്ക്‌മ് ബ്‌ഡ മ്‌ഗ്‌ന്ത ബില ഇര്‌ക്കുവ നമ്മ് സാമിമ് നമാന കാപാറ്റ്‌ന്റവാന്‌മ് ആയിര്‌ക്കുവ ഏസ്സ് ക്‌റ്‌സ്‌ത്ത് ബെ്ളിപഡുവ അയി നല്ല നാള്‌ക്ക് ബേ്ണ്ടി നെഞ്ചഡെ ബെത്ത് കാത്ത്‌റ്‌ക്കുവ നമാക്ക്,

എവുറായാര് 11:35

സത്ത് പോന തമ്മ് സൊന്തഗാറാര്‌ന പെ്ണ്ണ്‌മക്കാള്‌ക്ക് ഉജുരോഡ തിരിക്കി കെ്ഡേത്ത്‌ദ്. ആന ലേസ ആള്‌ഗാള് ഉജുര്‌ളാഗി നല്ലൊന്റു പെ്ളേപ്പ് കെ്ഡേക്ക്യ ബേ്ണ്ടി തമാന കൊഡിമെപഡ്‌സാദെ ബെ്റ്‌ദെ ബ്‌ഡുവാദ്‌ന ബേ്ഡെന്റ് ബെത്ത് കൊഡിമെ പട്ട് സത്താര്.

1 പത്ത്‌റോസു 1:13

അദ്‌നാലെ നിമ്മ മനേസ്സ്‌ല് ഒരുക്ക ഉള്ളവാരായിമ് കാര്യഗാറാരായിമ് ഇര്‌ന്. ഏസ്സ് ക്‌റ്‌സ്‌ത്ത് ബര്‌ഗാട്ടി നിമാക്ക് കെ്ഡേക്കുവ പ്‌ണ്ണ്യാത്ത്‌ല് മനേസ്സാറ നെഞ്ചഡെ ബെത്ത്‌റ്‌ന്.

1 പത്ത്‌റോസു 4:13

ആന ക്‌റ്‌സ്‌ത്ത് പട്ട കൊഡിമെഗാള്‌ക്ക് നിമ്മ പങ്ക്‌ഗാറാര് ആവാദ്‌നാലെ നിമ്മ പിര്യപൊങ്കുന്. അത്തെ നിമ്മ കൊഡിമെ പട്ടദാന ക്‌റ്‌സ്‌ത്ത് തനാക്കിര്‌ക്കുവ മദ്‌പ്പ്‌ല് തിരിഗി ബര്‌ഗാട്ടി നിമാക്ക്‌മ് ദൊഡ്ഡ പിര്യ ബര്‌മ്.

1 പത്ത്‌റോസു 5:1

നിമ്മ് കൂട്ടാത്ത്‌ല മൂപ്പനാമ്‌ഗാള്‌ല് ഒന്റു മൂപ്പാന്‌മ് ക്‌റ്‌സ്‌ത്ത് പട്ട കൊഡിമെഗാള്‌ന കണ്ണാറ കണ്ടവാന്‌മ് ബര്യ പോവ മദ്‌പ്പ്‌ക്ക്‌ പങ്ക്‌ഗാറാന്‌മ് ആയിര്‌ക്കുവ നാന് നിമാക്ക് ബുദ്ദിസൊല്ലുവാദ് എന്തെന്റ് സൊന്ന,

1 ഓഗന്നാന് 3:2

എനാക്ക് മെച്ച്‌പ്‌ഡിത്തവാരെ, നമ്മ ഇന്നാല് സാമി പ്‌ള്ളെഗാള്‌ത്തെ. നമ്മ എത്തെ ആവാമെന്റ് ഇന്നിമ് പുരുപ്പില്ലെ. അയാള് എല്ലാര് കണ്ണ്‌ക്ക് എദ്‌ക്ക കാട്ട്‌ഗാട്ടി നമ്മ അയാള് തനി ഉരുവാന കാണുവാദ്‌നാലെ നമ്മ അയാള്‌ന പാസെ ആവാമെന്റ് നമാക്ക് തെരിമ്.