റോമഗാറാര് 7:8 - സാമി സേദി

⁸ കെ്ട്ട ആസെഗാള് ബെക്കബേ്ഡ എന്റ് സട്ടാത്ത്‌ലിന്ത് പഡിത്താദ്‌നാലെ അയി ആസെഗാള് ഗേവാദ്‌ക്കുള്ള മനേസ്സ് എനാക്ക് സേത്തി സേത്തി ബന്ത്‌ദ്. ആന സട്ട ഇല്ലാദെ പോന പാവാക്ക് എനാന ആളുവ അദിഗര ഇല്ലെ.

റോമഗാറാര് 7:8 ပူးပေါင်းရင်းမြစ်များ

മര്‌ക്കോസു 7:22

ഗണ്ട്‌പെ്ണ്ണ് ആഡ്‌മാഡ്‌ന പാസെ ഏ്റി നഡാക്കുവാദ്, ആസെപാഡ്, പോക്കിരിത്തന ഗേവാദ്, ബഞ്ചണെ, ദാറ്‌ബൂറ ഗേവാദ്, കണ്ണ്‌കഡി, കുറ്റ സൊല്ലുവാദ്, മേനാമ്പ് കാട്ടുവാദ്, തിരുവത്താന്‌ന പാസെ ഗേവാദ് എല്ലാ ബെ്ളിഗെ ബന്റ്.

ഓഗന്നാന് 15:22

നാന് ബന്ത് അവാരോഡ നായനൊഡ്യാദെ ഇന്തിന്ത അവാര്‌ക്ക് പാവ ഇല്ലാദിന്ത്‌റ്‌ക്ക്‌മ്. ആന ഇന്നി മേല് എന്തൊന്റുക്കു സാട്ടിക്കി അവാര് ഗേവ പാവാത്ത്‌ലിന്ത് തപ്പിസി കഡാക്ക്യ അവാര്‌ക്ക് മുഡ്യാമാട്ട.

ഓഗന്നാന് 15:24

ബേ്റെ ആര്‌മ് ഗേഗാത്ത കാര്യഗാള്‌ന അവാര് പട്ട്‌ല് നാന് ഗേഗാദിന്തിന്തദാന അവാര്‌ക്ക് പാവ ഇല്ലാദിന്ത്‌റ്‌ക്ക്‌മ്. ആന ഇന്നാല് ഈ കാര്യഗാള്‌നെല്ല അവാര് കണ്ട്‌മ് ഇര്‌ന്റാര്, എനനാമ് എന്നപ്പാന് സാമിനാമ് തൊറേന്ത്‌മ് ഇര്‌ന്റാര്.

റോമഗാറാര് 3:20

അദ്‌നാലെ മോസെ ബെത്ത സാമി സട്ടാത്ത്‌ല് സൊല്ലിര്‌ക്കുവ കാര്യഗാള്‌ന ഗേവാദ്‌നാലെ ആര്‌മ് സാമി കണ്ണ്‌ക്ക് നേര്‌മെഗാറാര് ആവാദില്ലെ. ആന പാവാന പറ്റ്യുള്ള അറുവു കെ്ഡേക്ക്‌ന്റ്.

റോമഗാറാര് 4:15

മോസെ ബെത്ത സാമി സട്ടപഡി നഡാക്ക്യ മുഡ്യാത്താദ്‌നാലെ ആള്‌ഗാള് സാമിന മൊനെ ബര്‌സ്സ്‌ന്റാര്. ആന സട്ട ഇല്ലാത്ത എ്ഡേല് സട്ടപഡി നഡാക്കാലെ എന്നുവ കുറ്റാമില്ലെ.

റോമഗാറാര് 5:20

മോസെ ബെത്ത സാമിസട്ട ബന്താദോഡത്തെ സാമി സട്ടപഡി നഡാക്കാദെ ഗേവ കാര്യഗാള്‌മ് പെര്‌ഗ്‌നാദ്. ആന പാവ ഗേവ കാര്യഗാള് പെരിഗി ഗുഡി സാമി മന്‌സാന്‌ക്ക് സേത്തി സേത്തി പ്‌ണ്ണ്യ ഗേന്താന്.

റോമഗാറാര് 7:11

എന്ത്‌ക്കെന്റ് സൊന്ന മോസെ ബെത്ത സാമിസട്ടന ബെത്ത് എന്ന് പെ്ളേപ്പ്‌ല പാവ എനാന സദിത്ത് സാവുക്കാള് മാഡ്‌റ്റ്.

റോമഗാറാര് 7:13

ആന ഇദ്‌ക്ക് അര്‌ത്ത എനാക്ക് നല്ലാദ് ബര്യ ബേ്ണ്ടി ബെത്ത് തന്ത സാമിസട്ട എനാന സാവുക്കു ആള് മാഡ്‌റ്റ് എന്റ്‌ത്തേഗ? ഇല്ലെഗേ ഇല്ലെ. എനാക്ക് നല്ലാദ് ബര്യ ബേ്ണ്ടി ബെത്ത് തന്ത സാമിസട്ടന ബെത്ത് പാവ എനാന സാവുക്കു ആളാക്ക്‌നാദ്‌നാലെ പാവ എന്തെന്റ് എനാക്ക് തെരിന്ത്‌ദ്. അത്തെ മോസെ ബെത്ത സാമിസട്ടനാലെ പാവ അപ്പാര കെ്ട്ടാദെന്റ് എനാക്ക് തെരിന്ത്‌ദ്.

റോമഗാറാര് 7:17

ആന നേര്‌മായിമ് കെ്ട്ട കാര്യഗാള്‌ന ഗേവാദ് നാനല്ല, എന്നോഡിര്‌ക്കുവ പാവത്തെ ഗേസുവാദ്.

റോമഗാറാര് 7:9

മോസെ ബെത്ത സാമി സട്ടാത്ത്‌ല് സൊല്ലിര്‌ക്കുവ കാര്യഗാള്‌ന തെര്യാദിന്ത ഗളിഗേല് നാന് പാവ ഗേഗാത്തവാന് എന്റ് നെനേത്തിന്തെ. ആന മോസെ ബെത്ത സാമി സട്ടാത്ത്‌ല് സൊല്ലിര്‌ക്കുവ കാര്യഗാള്‌ന തെരിഗാട്ടി നാന് പാവ ഗേവാദ്‌ക്ക് ആളായിര്‌ക്ക്‌ന്റെ എന്റ് എനാക്ക് തെരിന്ത്‌ദ്. അത്തെ നാന് പാവ ഗേന്ത് സാവുക്കു ആളായി തീന്തെ.

1 കൊരിന്ത്യഗാറാര് 15:56

പാവ ഗേവാദ്‌നാലെത്തെ നമാക്ക് സാവു ബരുവാദ്, മോസെ ബെത്ത സാമിസട്ട നമാക്ക് ഇര്‌ക്കുവാദ്‌നാലെത്തെ പാവ എന്തെന്റ് നമാക്ക് തെരിവാദ്.