റോമഗാറാര് 7:5 - സാമി സേദി5 മുന്നുക്കു ബേ്റെ ആള്‌ഗാള്‌ന പാസെ നമ്മ പാവ ഗേവ പളാക്കാത്ത്‌ല് പെ്ളേത്ത്‌റ്‌ക്കാട്ടി മോസെ ബെത്ത സാമി സട്ടാത്ത്‌ല് ഗേഗബേ്ഡ എന്റ് സൊല്ലിര്‌ക്കുവ കാര്യഗാള്‌ന ഗേവ ആസേത്തെ സേത്തി സേത്തി ബന്ത്‌ദ്. അയി ആസെഗാള് നമ്മ് സരിഗലന പാവ ഗേസി കൊണ്ടു നമാന സാവുക്കുള്ളവാര് മാഡ്‌റ്റ്. အခန်းကိုကြည့်ပါ။ |
റോമഗാറാര് 7:5
28 ပူးပေါင်းရင်းမြစ်များ
നിമാക്ക് അത്ത്‌റ നെപ്പ്‌കെ്ഡേസ്യ മുഡ്യാത്താദ്‌നാലെ പൊദുവുലു മന്‌സാന്‌ക്ക് തെരിവ ദിന്‌സ്‌ല് നാന് നിമാക്ക് ഇത്തെ സൊന്റെ, നിമ്മ ഒന്റു കാലാത്ത്‌ല് നിമ്മ് സരിഗലാത്ത്‌ല ഒന്റൊന്റു ബാഗഗാള്‌ന മാനതാന ഇല്ലാത്ത കാര്യഗാള്‌ക്ക്‌മ് കെ്ട്ട കാര്യഗാള്‌ക്ക്‌മ് ഒപ്പിസി കൊഡുത്തു കൊണ്ടു കെ്ട്ട കാര്യഗാള് ഗേന്തിന്ത്‌റ്. ആന അദേപാസെ ഇന്നാല് നിമ്മ് സരിഗലാത്ത്‌ല ഒന്റൊന്റു ബാഗഗാള്‌ന സുത്താപ്പുള്ളാദ് മാഡ്യ ബേ്ണ്ടി നേര്‌മെ ഉള്ള കാര്യഗാള്‌ക്ക് അഡിമെ മാഡി ഒപ്പിസി കൊഡുനു.
<<മോസെ ബെത്ത സാമി സട്ടാത്ത്‌ല് എ്ള്‌ദിര്‌ക്കുവ കല്‌പനെഗാള്‌ന ഒട്ടുക്കു ഗേഗാദേമ് അദ്‌ക്ക് കെ്ട്ട്‌പട്ട് നഡാക്കാദേമ് ഇര്‌ക്ക്‌ന്റവാരെല്ല സാപ്പ പ്‌ഡിത്തവാര്‌ത്തെ>> എന്റ് സാമി സൊല്ലുസുലാക്കാത്ത്‌ല് എ്ള്‌ദിര്‌ക്ക്‌ന്റ്. അദ്‌നാലെ മോസെ ബെത്ത സാമി സട്ടപഡി നഡാന്ത് നേര്‌മെഗാറാരായ നോഡുന്റവാരെല്ല സാമി സാപ്പാക്ക് അഡിമെഗാള്‌ത്തെ.
അദ്‌നാലെ ഒന്റു കാലാത്ത്‌ല് നിമ്മ സാമി സൊല്ലുപഡിക്ക് പെ്ളേക്കാദെ എഗുദാരല്ലാത്ത ജാദിഗാളായിന്ത്‌റ് എന്റ് നിമ്മ നെനേത്ത്‌ക്കൊള്ളുഡൊ. എന്ത്‌ക്കെന്റ് സൊന്ന തമ്മ് സരിഗലാത്ത്‌ല് പരിസേദനെ സാത്ത്‌റ ഗേന്തവാര് സാമി സൊല്ലുപഡിക്ക് നഡാക്ക്‌ന്റവാര് എന്റ്‌മ് പരിസേദനെ സാത്ത്‌റ ഗേഗാത്തവാര് സാമി സൊല്ലുപഡിക്ക് നഡാക്കാത്ത എഗുദാരല്ലാത്ത ജാദിഗാള് എന്റ്‌മ് ഇസ്‌റവേല്‌ഗാറാര് നെനേത്തിന്താര്.
മുന്നുക്കു നമ്മാമ് ബുദ്ദില്ലത്തവാര്‌മ് സൊല്ലുപേസ് കേ്ള്‌ക്കത്തവാര്‌മ്, ആള്‌ഗാള്‌ന ഏമാത്ത്‌ന്റവാര്‌മ് ആയിന്താമ്. അദേപാസെ നമാന പിര്യപഡുസുവ എല്ലാ ദിന്‌സ് കെ്ട്ട കാര്യഗാള്‌ക്ക്‌മ് നമ്മ ആളായിന്താമ്. നമ്മ ഒപ്പ കെ്ട്ട കാര്യഗാള് ഗേന്തവാര്‌മ് കണ്ണ്‌കഡിഗാറാര്‌മ് ആയിന്താമ്. നമ്മ ആള്‌ഗാള്‌ന തൊറേന്ത് നഡാന്താമ്, ആള്‌ഗാള്‌മ് നമാന തൊറേന്ത് നഡാന്താര്.
ကြော်ငြာတွေ