റോമഗാറാര് 7:24 - സാമി സേദി

²⁴ അവ്വോ! എന്ന് ഗെദി എത്ത്‌റ കജട്ട? ഈ സാവുക്കു അഡിപട്ട്‌റ്‌ക്കുവ സരിഗലാത്ത്‌ലിന്ത് എനാന ആര് ബ്‌ഡ്‌സുവാര്?

റോമഗാറാര് 7:24 ပူးပေါင်းရင်းမြစ်များ

മത്തായി 5:4

ഇന്നാല് ദുക്കപഡ്‌ന്റവാര് ബാഗ്യകേ്ട്ടവാര്, എന്ത്‌ക്കെന്റ് സൊന്ന സാമി അവാര്‌ന ദയിരപഡുസുവാന്.

മത്തായി 5:6

നീദിക്ക് ബേ്ണ്ടി മ്‌ഗ്‌ന്ത ആസെപഡ്‌ന്റവാര് ബാഗ്യകേ്ട്ടവാര്, എന്ത്‌ക്കെന്റ് സൊന്ന സാമി അവാര്‌ക്ക് മദി ബരമാട്ട്‌ക്ക് നീദ്യുള്ള കാര്യഗാള് ഗേന്ത് കൊഡുക്കുവാന്.

ലൂക്കോസു 4:18

<<ആണ്ടവാന് നിഗാല് എന്നോഡ ഇര്‌ക്ക്‌ന്റ്. അദ്‌നാലെ ഏ്ളെഗാള്‌ക്ക് നല്ല സേദിന സൊല്ല്യ ആണ്ടവാന് എനാന എ്ഡ്‌ത്ത് ബെത്ത്‌റ്‌ന്റാന്. പ്‌ഡിത്ത് ബെത്ത്‌റ്‌ന്റവാര്‌ന ബ്‌ഡ്‌സുവ സേദി സൊല്ല്യാമ് കുറുഡാര്‌ക്ക് കണ്ണ് കാണ്യാമ് കൊഡിമെ പഡ്‌ന്റവാര്‌ന ബ്‌ഡിസി ബ്‌ഡ്യാമ്

റോമഗാറാര് 6:6

നമ്മ ഇന്നി പാവ ഗേവാദ്‌ക്ക് അഡിമ്യാഗാദെ നമ്മ് പാവ സരിഗലാത്ത്‌ല പാവ ഗേവ പളാക്കന ഇല്ലാദെ മാഡ്യ ബേ്ണ്ടി പാവ ഗേന്ത് നഡാന്തിന്ത നമ്മ് പള്യ പെ്ളേപ്പ്‌ന ക്‌റ്‌സ്‌ത്തോഡൊപ്പ കുരുസുക്കു സേത്തി ആണി അഡിത്ത് തള്ള്‌നാമ് എന്റ് നമ്മ കണാക്കാക്ക്‌ന്റാമ്.

റോമഗാറാര് 8:13

എന്ത്‌ക്കെന്റ് സൊന്ന മന്‌സാന്‌ക്ക് ഇര്‌ക്കുവ പാവ ഗേവ പളാക്കാക്കുള്ള ആസെപഡി പെ്ളേത്തദാന കണ്ടിപ്പായിമ് നിമ്മ സാവുറു. ആന സാമിനിഗാല്‌ക്ക് കെ്ട്ട്‌പട്ട് നഡാന്ത് നിമ്മ് സരിഗല ആസെപഡുവ കെ്ട്ട കാര്യഗാള്‌ന തള്ള്‌ന നിമ്മ പെ്ളേക്കുവുറു.

റോമഗാറാര് 8:2

ക്‌റ്‌സ്‌ത്ത് ഏസ്സ്‌ല് ഒന്റായിര്‌ക്കുവാദ്‌നാലെ നമാക്ക് സാമിനിഗാല് തരുവ പുദ്യ പെ്ളേപ്പ് കെ്ഡേത്തിര്‌ക്ക്‌ന്റ്. അത്തെ പാവാക്ക്‌മ് സാവുക്കുമു ആളാക്കി ബെത്ത്‌റ്‌ക്കുവ സട്ടാത്ത്‌ലിന്ത് സാമിനിഗാല് നമാന ബ്‌ഡിസിര്‌ക്ക്‌ന്റ്.

റോമഗാറാര് 8:23

സാമിനിഗാല് എന്നുവ ദാനന മുദാല് കെ്ഡേസിര്‌ക്കുവ നമ്മാമ് അളിവിര്‌ക്കുവ ഈ സരിഗലാത്ത്‌ലിന്ത് തപ്പിസി കഡാന്ത് സാമി മഗാനാര്‌മ് മഗളാര്‌മ് ആയ ബേ്ണ്ടി കാത്ത്‌കൊണ്ടു മനേസ്സ്‌കുള്ളുക്കു മുട്ടുമുട്ടുത്തു കൊണ്ടു ഇര്‌ക്ക്‌ന്റാമ്.

റോമഗാറാര് 8:26

അദേപാസെ താനെ നമ്മ കുറ്റകൊറേവുഗാറാര് ആയിര്‌ക്കുവാദ്‌നാലെ സാമിനിഗാല് നമാന കയിതാങ്ക്യ ബന്റാന്. സെരിക്ക്‌മ് എന്ത്‌ക്കെല്ല ബേ്ണ്ടി പരേസുഡൊ എന്റ് നമാക്ക് തെര്യ. ആന സാമിനിഗാല് നമാക്ക് ബേ്ണ്ടി അനാങ്കി കൊണ്ടു പരേസ്‌ന്റാന്. അദ് നമാക്ക് നെപ്പ്‌കെ്ഡേക്കുവാദില്ലെ.

കൊലേസ്യഗാറാര് 2:11

നിമ്മ ഏസ്സ് ക്‌റ്‌സ്‌ത്ത്‌ന നമ്പി പെ്ളേക്ക്‌ന്റവാര് ആഗാട്ടി പാവ ഗേന്ത് കൊണ്ടു പെ്ളേത്തിന്ത നിമ്മ് മുന്നുക്കുല പെ്ളേപ്പ്‌ന അഡ്യോഡ പ്‌ഡിങ്കി തള്ളി ഏസ്സോഡ പുദ്യ പെ്ളേപ്പ് പെ്ളേക്ക്യ ഒപ്പന്ത ബെത്ത്‌റ്.

2 തിമിത്തോസു 4:18

എനാന കെ്ഡ്‌സുവ എല്ലാ കാര്യഗാള്‌ക്ക്‌മ് സിക്ക്‌സാദെ പാദ്‌ഗാപ്പോഡ സാമി ആള്യ പോവ നാഡ്‌ക്ക് ആണ്ടവാന് എത്തുസുവാന്. അയി ആണ്ടവാന്‌ക്ക് പേര്‌പെരിമെ എന്നാല്‌ക്ക്‌മ് ഇര്‌ക്കുഡൊ. ആമേന്.

തീത്തോസു 2:14

നമാന അയാള് എല്ലാ കെ്ട്ട കാര്യാത്ത്‌ലിന്ത് കാപാറ്റി നല്ല കാര്യഗാള് ഗേയ ബേ്ണ്ടി ആസെപഡുവ ആള്‌ഗാള് മാഡ്യ ബേ്ണ്ടിമ്, നമാന തന്ന് സൊന്തഗാറാര് ആയിര്‌ക്ക്യ തെരിന്തെ്ഡ്‌ക്ക്യ ബേ്ണ്ടിമ് ഏസ്സ് ക്‌റ്‌സ്‌ത്ത് തന്ന് ഉജുരുന കൊഡുത്താന്.

എവുറായാര് 2:15

ഇത്തെ പെ്ളേക്കുവ കാല അഞ്ച്‌ക്ക്‌മ് സാവുക്കു അഞ്ചി അഡിമെഗാളായി ഇന്തവാര്‌ന ഒട്ടുക്കു തനാക്ക് ബന്ത സാവുനാലെ അയാള് ബ്‌ഡ്‌സ്‌നാന്.

ബെ്ളിപട്ട കാര്യ 21:4

അവാര് കണ്ണ്‌ല കണ്ണ നീര്‌നെല്ല സാമി തെനേക്കുവാന്. ഇന്നി സാവോ, ദുക്കാഗൊ, കേ്സ്യൊ, ബിജാഗൊ, ഇര്‌ക്കമാട്ട. എന്ത്‌ക്കെന്റ് സൊന്ന മുദാല് ഇന്താദ് ഒട്ടുക്കു കാണദ്യാറ്റ്.>>