റോമഗാറാര് 7:21 - സാമി സേദി

²¹ അത്തെ നല്ല കാര്യഗാള് ഗേഡൊ എന്റ് ആസെപഡുവ എനാക്ക് കെ്ട്ട കാര്യഗാള് ഗേവ പളാക്ക ഇര്‌ക്ക്‌ന്റ് എന്റ് തെരിന്റ്. അദ് ഒന്റു സട്ടന പാസെത്തെ.

റോമഗാറാര് 7:21 ပူးပေါင်းရင်းမြစ်များ

ലൂക്കോസു 4:1

ഏസ്സ്‌ന നീര്‌ക്ക് മുളുഗുസ്‌ന പ്‌റ അയാള് സാമിനിഗാല് നഡാത്ത്‌ന്റവാനയി ഓറ്‌ദ്ദാന് ബാനിലിന്ത് പോനാന്. അത്തെ സാമിനിഗാല് അയാള്‌ന ബെ്ട്ടെകാഡ്‌ക്ക് കൂട്ടി പോറ്റു.

ഓഗന്നാന് 8:34

അദ്‌ക്ക് ഏസ്സ് ഇത്തെ സൊന്നാന്: <<നാന് സത്ത്യമായി നിമാക്ക് സൊന്റെ, പാവ ഗേന്റവാനെല്ല പാവാക്ക് അഡിമ്യായിര്‌ന്റാന്.

റോമഗാറാര് 6:12

അദ്‌നാലെ അളിന്ത് പോവ നിമ്മ് സരിഗല ആസെപഡുവ കെ്ട്ട ആസെഗാള്‌ന ഗേന്ത് പാവാക്ക് അഡിമെഗാള് ആഗാദേന്.

റോമഗാറാര് 6:14

എന്ത്‌ക്കെന്റ് സൊന്ന, മോസെ ബെത്ത സാമിസട്ടന നോഡി കൊണ്ടല്ല, സാമി ഗേവ പ്‌ണ്ണ്യന നോഡി കൊണ്ടുത്തെ നിമ്മ ഇന്നാല് പെ്ളേക്ക്‌ന്റ്‌റ്. അദ്‌നാലെ നിമ്മ ഇന്നി പാവാക്ക് അഡിമെ ആഗാദേന്.

റോമഗാറാര് 7:23

ആന എന്ന് സരിഗലാത്ത്‌ല് എനാക്കിര്‌ക്കുവ പാവ ഗേവ പളാക്കത്തെ എനാന നഡാത്തുവാദ്. അത്തെ അദ് എന്ന് മനേസ്സ്‌ലിര്‌ക്കുവ ഈ നല്ല ആസേക്ക് പോട്ടി നിന്റ് എന്ന് സരിഗലന പാവ ഗേവ സട്ടാക്ക് അഡിമെ മാഡി ബെക്ക്‌ന്റ്.

റോമഗാറാര് 7:25

ഇത്തെ നാന് എന്ന് മനേസ്സ്‌ല് സാമി തന്ത സട്ട നല്ലാദെന്റ് കണാക്ക് മാഡി നഡാക്ക്‌ന്റെ. ആന സരിഗലാത്ത്‌ല് നാന് പാവ ഗേവ സട്ടപഡി നഡാക്ക്‌ന്റെ. ആന നമ്മ് ആണ്ടവാന് ഏസ്സ് ക്‌റ്‌സ്‌ത്ത്‌നാലെ നാന് സാമിക്ക് നണ്ണി സൊന്റെ.

റോമഗാറാര് 8:2

ക്‌റ്‌സ്‌ത്ത് ഏസ്സ്‌ല് ഒന്റായിര്‌ക്കുവാദ്‌നാലെ നമാക്ക് സാമിനിഗാല് തരുവ പുദ്യ പെ്ളേപ്പ് കെ്ഡേത്തിര്‌ക്ക്‌ന്റ്. അത്തെ പാവാക്ക്‌മ് സാവുക്കുമു ആളാക്കി ബെത്ത്‌റ്‌ക്കുവ സട്ടാത്ത്‌ലിന്ത് സാമിനിഗാല് നമാന ബ്‌ഡിസിര്‌ക്ക്‌ന്റ്.

എവുറായാര് 2:17

അദ്‌നാലെ അയാള് ജനഗാള് പാവഗാള്‌ന തീര്‌ക്ക്യ ബേ്ണ്ടി ഗവഗാറാന്‌മ് സാമിക്ക് ബേ്ണ്ടി ഗിലാസ ഗേവാദ്‌ല് നമ്പ്യ മുഡിവ ദൊഡ്ഡ പൂസാരിമ് ആഡൊ. അദ്‌ക്ക് ബേ്ണ്ടി അയാള്‌ക്ക് എല്ലാ ദിന്‌സ്‌ല്‌മ് തന്ന് ജനഗാള്‌ന പാസെ ആവ തേവി ബന്ത്‌ദ്.

എവുറായാര് 4:15

നമാക്ക് ഇര്‌ക്കുവ കൊറേവുഗാള്‌ന കണ്ട് കറ്‌മ്മപ്‌ഡിക്കാത്ത ഒന്റു ദൊഡ്ഡ പൂസാരി അല്ല നമാക്ക് ഇര്‌ക്കുവാദ്. അദ്‌ക്ക് ബദ്‌ല എല്ലാ ദിന്‌സ്‌ല്‌മ് നമാന പാസെ സോദണെ പട്ട് ഗുഡി പാവ ഗേഗാത്തവാന് ആയിന്ത ഒന്റു ദൊഡ്ഡ പൂസാരിത്തെ നമാക്ക് ഇര്‌ക്കുവാദ്.

2 പത്ത്‌റോസു 2:19

തമ്മ താനെഗേ കെ്ഡ്‌സുവ കാര്യഗാള്‌ക്ക് അഡിമെഗാളായിര്‌ക്കുവ ഇവാര് അഡ്‌ത്തവാര്‌മ് എത്തെ ബേ്ഡ്‌മാനാല് പെ്ളേക്ക്‌ല എന്റ് സൊന്റാര്. ഒരുത്താന് ഏദ് കാര്യാക്ക് അഡിമെ ആന്റാനൊ അദ്‌ത്തെ അയാള് പണ്ണാഡി.