റോമഗാറാര് 7:15 - സാമി സേദി

¹⁵ നാന് ആസെപഡുവ കാര്യനല്ല നാന് ഗേവാദ്, നാന് ആസെപഡാത്ത കാര്യനത്തെ നാന് ഗേവാദ്. അദ്‌നാലെ നാന് എന്ത് ഗേന്റേനെന്റ് എനാക്ക് തെരിവാദില്ലെ.

റോമഗാറാര് 7:15 ပူးပေါင်းရင်းမြစ်များ

ഗലാത്ത്യഗാറാര് 5:17

നിമ്മ പിര്യപഡുവ കാര്യഗാളല്ല സാമിനിഗാല് പിര്യപഡുവാദ്. സാമിനിഗാല് പിര്യപഡുവ കാര്യഗാളല്ല നിമ്മ പിര്യപഡുവ കാര്യഗാള്. ഇദ് റാഡ്‌മ് ഒന്റായി എ്ണേഗമാട്ട. അദ്‌നാലെ നിമ്മ പിര്യപഡുവ കാര്യഗാള് ഗേയ നിമാക്ക് മുഡ്യാമാട്ട.

ആക്കോവു 3:2

എന്ത്‌ക്കെന്റ് സൊന്ന സാമിസട്ടന പറ്റി നമ്മ മൊത്തനാക്ക് സൊല്ലി നഡാക്ക്‌ല. ആന അദേപാസെ നമ്മ ഗേവാദില്ലെ. നമ്മ സൊല്ലി നഡാക്കുവ പാസെ ഗേന്ത് സാമി സട്ടാന പഡിസി കൊഡുക്കുന്റവാന് ദെ്ണ്ടണേക്ക് സിക്കാദെ ഗെലിസി കഡാക്ക്‌ന്റാന്.

റോമഗാറാര് 12:9

നിമ്മ മനേസ്സാറ സീവാന്‌പഡ്‌ന്റവാര് ആയിര്‌ക്കുഡൊ, കെ്ട്ട കാര്യഗാള്‌ന ബെ്റ്‌ത്ത് തള്ളി നല്ല കാര്യഗാള്‌ക്ക് കെ്ട്ട്‌പട്ട് നഡാന്.

ജൂദാന് 1:23

അദല്ലാദെ തമ്മ ഗേവ കുറ്റഗാള്‌നാലെ സാമി ബിദിക്ക് സിക്കി തീക്ക് പോവ ആള്‌ഗാള്‌ന ഗവപട്ട് അവാര് സിക്ക്യ പോവ ആവാത്ത്‌ലിന്ത് അവാര് തപ്പിസി കഡാക്ക്യ അവാര്‌ക്ക് ഉവഗര ഗേന്. ആന മുദാല് നിമ്മ് പെ്ളേപ്പ്‌ന സൂസാരിക്കുവ എ്ണ്ണത്തോഡ നിമ്മ ഉവഗര ഗേഡൊ. ഇല്ലപോന അവാര് സിക്കിര്‌ക്കുവ പാവാക്ക് നിമ്മാമ് സിക്കി തള്ളുവുറല്ല?

റോമഗാറാര് 14:22

ഈ കാര്യന പറ്റി നിനാക്കിര്‌ക്കുവ നമ്പിക്കെ നിനാക്ക്‌മ് സാമിക്ക് താനെ തെരിന്തിന്തദാന മദി. ഒരുത്താന് താന് നല്ലാദെന്റ് നെനേത്ത് ഗേവ കാര്യാത്ത്‌ല് തനാന പറ്റി താനെ കുറ്റ ബിദിക്കാത്തവാന് ബാഗ്യഗാറാന്.

2 തിമിത്തോസു 2:19

എന്റാല്‌മ് ഒന്റു ബീ്ഡ് തറെ ഒറേത്ത്‌റ്‌ക്കുവ പാസെ സാമിത്ത് സത്ത്യമാന സൊല്ലുസുലക്കാമ് ഒറേപ്പുള്ളാദ്‌ത്തെ. <<ആണ്ടവാന്‌ക്ക് തനാക്കുള്ള ആള്‌ഗാള്‌ന തെരിമ്>> എന്റ്‌മ് <<തമ്മ ആണ്ടവാന്‌ക്ക് പട്ടവാര് എന്റ് സൊല്ലുന്റവാരൊട്ടുക്കു കെ്ട്ടാദ് ഗേവാദ്‌ന തെ്റിന്ത് തള്ള്‌ഡൊ>> എന്റ്‌മ് ഇദ്‌ല് എ്ള്‌ദിര്‌ക്ക്‌ന്റ്.

എവുറായാര് 1:9

ആള്‌ഗാള് ഗേവ നേര്‌മ്യാന കാര്യഗാള്‌ന നീ പിര്യപഡ്‌ന്റായി, ആള്‌ഗാള് ഗേവ കെ്ട്ട കാര്യഗാള്‌ന നീ ബെ്റ്‌ക്ക്‌ന്റായി അദ്‌നാലെ ദെയിവമേ, നിന്ന് സാമി താനെ നിന്ന് എ്ണേവുഗാറാര്‌ലിന്ത് എ്ണ്ണെ ഊറ്റി നിനാന തെരിന്തെ്ഡ്‌ത്ത് അവാര്‌ക്ക് കൊഡുത്ത പിര്യന ബ്‌ഡ ദൊഡ്ഡ പിര്യന നിനാക്ക് തന്ത്‌റ്‌ക്ക്‌ന്റാന്>> എന്റ്‌ത്തെ.

റോമഗാറാര് 7:16

മോസെ ബെത്ത സാമിസട്ടന നല്ലാദെന്റ് നാന് സമ്മദിക്ക്‌ന്റെ. എന്ത്‌ക്കെന്റ് സൊന്ന സാമി സട്ടാത്ത്‌ല് സൊല്ലിര്‌ക്കുവ കാര്യഗാള്‌ന ഗേഡൊ എന്നുവാദ്‌ത്തെ എന്നാസെ. ആന നാന് അദ്‌ന ഗേവാദില്ലെ.

ലൂക്കോസു 11:48

അത്തെ നിമ്മ് പാട്ടനാമ് ഗേന്താദ് നേര്‌ത്തെന്റ് നിമ്മ കാട്ടി കൊഡുക്കുന്റുറു. അവാര് സാമിദാസ്‌ഗാള്‌ന കൊന്റാര്. നിമ്മ അയി സാമിദാസ്‌ഗാള് സുഡലെഗാള്‌ന അണിമാഡ്‌ന്റ്‌റ്.

ഓഗന്നാന് 15:15

പണ്ണാഡി ഗേവാദ്‌ന ഗിലാസഗാറാന്‌ക്ക് തെര്യാത്താദ്‌നാലെ നാന് നിമാന ഗിലാസഗാറാര് എന്റ് ഇന്നി ബ്‌ളിക്കുവാദില്ലെ. നാന് എന്നപ്പാനോഡിന്ത് കേ്ട്ടാദ്‌നെല്ല നിമാക്ക് സൊല്ലി തന്താദ്‌നാലെ നിമാന എന്ന് എ്ണേവുഗാറാര് എന്റ് ബ്‌ളിത്ത്‌റ്‌ന്റെ.