റോമഗാറാര് 7:11 - സാമി സേദി

¹¹ എന്ത്‌ക്കെന്റ് സൊന്ന മോസെ ബെത്ത സാമിസട്ടന ബെത്ത് എന്ന് പെ്ളേപ്പ്‌ല പാവ എനാന സദിത്ത് സാവുക്കാള് മാഡ്‌റ്റ്.

റോമഗാറാര് 7:11 ပူးပေါင်းရင်းမြစ်များ

റോമഗാറാര് 3:20

അദ്‌നാലെ മോസെ ബെത്ത സാമി സട്ടാത്ത്‌ല് സൊല്ലിര്‌ക്കുവ കാര്യഗാള്‌ന ഗേവാദ്‌നാലെ ആര്‌മ് സാമി കണ്ണ്‌ക്ക് നേര്‌മെഗാറാര് ആവാദില്ലെ. ആന പാവാന പറ്റ്യുള്ള അറുവു കെ്ഡേക്ക്‌ന്റ്.

റോമഗാറാര് 7:13

ആന ഇദ്‌ക്ക് അര്‌ത്ത എനാക്ക് നല്ലാദ് ബര്യ ബേ്ണ്ടി ബെത്ത് തന്ത സാമിസട്ട എനാന സാവുക്കു ആള് മാഡ്‌റ്റ് എന്റ്‌ത്തേഗ? ഇല്ലെഗേ ഇല്ലെ. എനാക്ക് നല്ലാദ് ബര്യ ബേ്ണ്ടി ബെത്ത് തന്ത സാമിസട്ടന ബെത്ത് പാവ എനാന സാവുക്കു ആളാക്ക്‌നാദ്‌നാലെ പാവ എന്തെന്റ് എനാക്ക് തെരിന്ത്‌ദ്. അത്തെ മോസെ ബെത്ത സാമിസട്ടനാലെ പാവ അപ്പാര കെ്ട്ടാദെന്റ് എനാക്ക് തെരിന്ത്‌ദ്.

റോമഗാറാര് 7:8

കെ്ട്ട ആസെഗാള് ബെക്കബേ്ഡ എന്റ് സട്ടാത്ത്‌ലിന്ത് പഡിത്താദ്‌നാലെ അയി ആസെഗാള് ഗേവാദ്‌ക്കുള്ള മനേസ്സ് എനാക്ക് സേത്തി സേത്തി ബന്ത്‌ദ്. ആന സട്ട ഇല്ലാദെ പോന പാവാക്ക് എനാന ആളുവ അദിഗര ഇല്ലെ.

എപസോസുഗാറാര് 4:22

അത്ത്യാന മുന്നുക്കു നിമ്മ് മനേസ്സ്‌ക്ക് പ്‌ഡിത്ത കെ്ട്ട കാര്യഗാള്‌ക്ക് സിക്കി പാവ ഗേന്ത് പെ്ളേത്ത മുന്നുക്കുല പെ്ളേപ്പ്‌ന തള്ള്‌ന്.

എവുറായാര് 3:13

ആന നിമ്മ ആര്‌മ് പാവ ഗേന്ത് സദിക്ക് സിക്കാദിര്‌ക്ക്യ ബേ്ണ്ടിമ് മരനെഞ്ച്‌ഗാറാര് ആഗാദിര്‌ക്ക്യ ബേ്ണ്ടിമ് <<ഇന്റ്>> എന്റ് സൊല്ലുവ നാള് ഇര്‌ക്കുവ മാട്ട്‌ക്ക് നാള്‌ക്ക്‌മ് ആങ്കീങ്ക് ബുദ്ദി സൊല്ലി നഡാന്.

ആക്കോവു 1:22

ആന നമ്മ സാമി സൊല്ലുസുലാക്കാന കേ്ള്‌ക്കുവാദ് താനെ അല്ലാദെ അദ്‌ല് സൊല്ലിര്‌ക്കുവ കാര്യഗാളെല്ല ഗേഡൊ. കേ്ട്ട് ഗുഡി ഗേഗാദിന്ത നമ്മ നമാന താനെ സദിക്ക്‌ന്റാമ്.

ആക്കോവു 1:26

ബായിക്ക് ബന്താദെല്ല സൊല്ലിന്ത് താന് ബക്‌തിഗാറാനെന്റ് സൊന്ന അദ് നേര്‌മാന ബക്‌ത്യല്ല. അത്തെ സൊല്ലുന്റവാന് തനാന താനെ സദിക്ക്‌ന്റാന്.