റോമഗാറാര് 7:10 - സാമി സേദി

¹⁰ ഇത്തെ എനാക്ക് ഉജുരു കെ്ഡേക്ക്യ എന്റ് നെനേത്ത് ബെത്തിന്ത സട്ടാനാല്‌മ് അദ് എനാക്ക് സാവുത്തെ ബര്‌സ്സ്‌റ്റ് എന്റ് എനാക്ക് തെരിന്ത്‌ദ്.

റോമഗാറാര് 7:10 ပူးပေါင်းရင်းမြစ်များ

റോമഗാറാര് 10:5

മോസെ ബെത്ത സാമി സട്ടപഡി നേര്‌മെഗാറാര് ആവാദ്‌ന പറ്റി സൊല്ല്യ പോന: <<അദ്‌ല് സൊല്ലിര്‌ക്കുവ കാര്യഗാള്‌നൊട്ടുക്കു ഗേന്റവാന് അത്തെ ഗേവാദ്‌നാലെ പെ്ളേക്കുവാന്>> എന്റ്‌ത്തെ മോസെ എ്ള്‌ദിര്‌ക്ക്‌ന്റാന്.

റോമഗാറാര് 4:15

മോസെ ബെത്ത സാമി സട്ടപഡി നഡാക്ക്യ മുഡ്യാത്താദ്‌നാലെ ആള്‌ഗാള് സാമിന മൊനെ ബര്‌സ്സ്‌ന്റാര്. ആന സട്ട ഇല്ലാത്ത എ്ഡേല് സട്ടപഡി നഡാക്കാലെ എന്നുവ കുറ്റാമില്ലെ.

റോമഗാറാര് 7:9

മോസെ ബെത്ത സാമി സട്ടാത്ത്‌ല് സൊല്ലിര്‌ക്കുവ കാര്യഗാള്‌ന തെര്യാദിന്ത ഗളിഗേല് നാന് പാവ ഗേഗാത്തവാന് എന്റ് നെനേത്തിന്തെ. ആന മോസെ ബെത്ത സാമി സട്ടാത്ത്‌ല് സൊല്ലിര്‌ക്കുവ കാര്യഗാള്‌ന തെരിഗാട്ടി നാന് പാവ ഗേവാദ്‌ക്ക് ആളായിര്‌ക്ക്‌ന്റെ എന്റ് എനാക്ക് തെരിന്ത്‌ദ്. അത്തെ നാന് പാവ ഗേന്ത് സാവുക്കു ആളായി തീന്തെ.

2 കൊരിന്ത്യഗാറാര് 3:7

ആന കല്ല് പലഗെഗാള്‌ക്ക് കൊത്തി എ്ള്‌ദി തന്ത സട്ടാന മീ്റി നഡാന്താദാന അദ് സാവു ബര്‌സ്സ്‌ന്റ്. ആന ഈ സട്ടാന മോസെ എ്ഡ്‌ത്ത് ബര്‌ഗാട്ടി ഇസ്‌റവേല് ആള്‌ഗാള്‌ക്ക് നോഡ്യ മുഡ്യാത്തത്ത്‌റ ബെ്ഡിപ്പ് മോസെ മോന്തേല് ഇന്ത്‌ദ്. പ്‌റ അയി ബെ്ഡിപ്പ് കൊറേന്ത് കൊണ്ടേ ഇന്ത്‌ദ്.

ഗലാത്ത്യഗാറാര് 3:12

മോസെ ബെത്ത സാമി സട്ടാത്ത്‌ല് സൊല്ലിര്‌ക്കുവ കാര്യഗാള്‌ന ഗേന്ത് പെ്ളേക്ക്യ സാമിന നമ്പുവ തേവില്ലെ. അദ്‌ക്ക് ബദ്‌ല <<അദ്‌ല് സൊല്ലിര്‌ക്കുവ കാര്യഗാള്‌നൊട്ടുക്കു ഗേന്റവാന് അത്തെ ഗേവാദ്‌നാലെ പെ്ളേക്കുവാന്>> എന്റ്‌ത്തെ സാമി സൊല്ലുസുലാക്കാത്ത്‌ല് സൊല്ലിര്‌ക്കുവാദ്.