റോമഗാറാര് 6:2 - സാമി സേദി

² അത്തെ സൊല്ലഗേ ബേ്ഡ. പാവ ഗേവാദ്‌ക്ക് കല്ല് ബെത്ത നമ്മ ഇന്നിമ് എത്തെ പാവ ഗേന്ത് കൊണ്ടു പെ്ളേക്ക്യ മുഡിമ്? അദ്‌ക്ക് നമ്മ സത്തവാര്‌ത്തെ.

റോമഗാറാര് 6:2 ပူးပေါင်းရင်းမြစ်များ

ലൂക്കോസു 20:16

അയാള് പോയി അയി ഗുത്തഗെഗാറാര്‌ന കൊന്റു തള്ളി മുന്തിരി ദോട്ടന ബേ്റെ ആള്‌ഗാള്‌ക്ക് കൊഡുക്കുവാന്.>> ഈ കദെന കേ്ട്ട് ആള്‌ഗാള്: <<ഇത്തെ നഡാക്കാദിര്‌ക്കുഡൊ>> എന്റ് സൊന്നാര്.

റോമഗാറാര് 5:11

അദ്‌താനേമല്ല, നമ്മ ഇന്നാല് സാമിന പറ്റി പെരിമെപഡ്‌ന്റാമ്, എന്ത്‌ക്കെന്റ് സൊന്ന, സാമി നമ്മ് ആണ്ടവാന് ഏസ്സ് ക്‌റ്‌സ്‌ത്ത്‌ന ബെത്ത് നമാന തന്നോഡ രാജി കൂഡുസുനാന്.

റോമഗാറാര് 6:15

അന്നാപ്പ് എന്തെന്റ് സൊല്ല്യ? മോസെ ബെത്ത സാമിസട്ടന നോഡി കൊണ്ടല്ല, സാമി ഗേവ പ്‌ണ്ണ്യന നോഡി കൊണ്ടുത്തെ പെ്ളേക്കുവാദ്‌നാലെ നമ്മ പാവ ഗേയാഗ? ഗേഗാഗേ ബേ്ഡ.

റോമഗാറാര് 7:4

അദ്‌നാലെ ഏസ്സ്‌ഗാറാരെ, നിമ്മ് കാര്യാമ് ഇദേപാസെത്തെ. ക്‌റ്‌സ്‌ത്ത് സാഗാട്ടി നിമ്മാമ് സത്ത്‌റ്‌ന്റ്‌റ് എന്റ് കണാക്കാക്ക്‌ന്റ്‌റ്. അത്തെ നിമ്മ സാമി സട്ടാത്ത്‌ലിന്ത് ഒയിന്തവാരാന്‌റ്. ഇന്നാല് നിമ്മ സത്തിന്ത് ഉജുര്‌ളാഗ്‌ന ക്‌റ്‌സ്‌ത്ത് എന്നുവ ബേ്റൊന്റൊരുത്താന്‌ക്ക് ആയിര്‌ക്കുവാദ്‌നാലെ നിമാക്ക് സാമിക്ക് ഉവഗരപഡുവ കാര്യഗാള് ഗേയ മുഡിമ്.

റോമഗാറാര് 7:6

ആന ഇന്നാല്, ക്‌റ്‌സ്‌ത്തോഡൊപ്പ നമ്മ സത്തവാര് എന്റ് കണാക്ക് മാഡിര്‌ക്കുവാദ്‌നാലെ സാമി സട്ടപഡി നഡാക്കുവ കെ്ട്ട്‌പാഡ്‌ലിന്ത് നമ്മ ഒയിവാനാമ്. ഇന്നി നമ്മ അയി സട്ടപഡ്യല്ല സാമിന കുമ്മുഡി നഡാക്കുവാദ്, സാമിനിഗാല് നഡാത്തുവ പുദ്യ പെ്ളേപ്പ്‌ല് പെ്ളേത്ത് കൊണ്ടു നമ്മ ആസെപഡുവാദ്‌ന ഗേഡൊ.

ഗലാത്ത്യഗാറാര് 2:19

ക്‌റ്‌സ്‌ത്തോഡൊപ്പ നാന് കുരുസുലു സത്തവാനായി എനാന കണാക്ക് മാഡ്‌ന്റെ. അദ്‌നാലെ മോസെ ബെത്ത സാമി സട്ടപഡി സാവാദ്‌ക്കുള്ള ദെ്ണ്ടണെ കെ്ഡേത്ത്‌ദെന്റ്‌മ് നാന് ഇന്നി ഈ സട്ടാക്ക് അഡിമ്യല്ല എന്റ്‌മ് എനാക്ക് തെരിന്റ്. അത്തെ എനാക്കിന്നി സാമി ആസെപഡി പെ്ളേക്ക്യ മുഡിമ്.

ഗലാത്ത്യഗാറാര് 6:14

ആന ആണ്ടവാന് ഏസ്സ് ക്‌റ്‌സ്‌ത്ത് എനാക്ക് ബേ്ണ്ടി കുരുസുലു സത്താദ്‌ന പറ്റ്യല്ലാദെ ബേ്റൊന്റുന പറ്റിമ് നാന് പെരിമെപഡമാട്ടെ. അയാള് എനാക്ക് ബേ്ണ്ടി കുരുസുലു സത്താദ്‌നാലെ ഉലഗാത്ത്‌ലിര്‌ക്കുവ ആസെഗാള്‌ക്ക് എനാന ആളുവ അദിഗരാമ് ഇല്ലെ, നാന് ഇന്നി അദ്‌ക്ക് അഡിമേമല്ല.

കൊലേസ്യഗാറാര് 2:20

ഏസ്സ് ക്‌റ്‌സ്‌ത്തോഡ നിമ്മ എ്ണേന്ത് പെ്ളേക്ക്‌ന്റവാരാഗാട്ടി നിമ്മ ഈ ഉലഗാത്ത്‌ല് മന്‌സാന് ബെത്ത സട്ട്‌മെ്ട്ട്‌പഡി പെ്ളേത്തിന്ത പെ്ളേപ്പ്‌ന നിമ്മ തള്ള്‌ന്‌റ്. പിന്നെ മറിസിമ് എന്ത്‌ക്ക് അയി പെ്ളേപ്പ്‌ക്ക് താനെ പോന്റുറു?

കൊലേസ്യഗാറാര് 3:3

എന്ത്‌ക്കെന്റ് സൊന്ന ഈ ഉലഗാത്ത്‌ല് നിമ്മ് മുന്നുക്കുല പെ്ളേപ്പ് ക്‌റ്‌സ്‌ത്തോഡ സാഗാട്ടി സാമിനാലെ ഉജുര്‌ളാക്ക്‌ന പുദ്യ പെ്ളേപ്പ്‌ലിര്‌ക്കുവ ഉജുരു ഏസ്സ്‌ലിന്ത്‌ത്തെ കെ്ഡേത്താദ്.

1 പത്ത്‌റോസു 1:14

മുന്നുക്കു സത്ത്യമാന സാമിന തെര്യാദിന്ത കാലാത്ത്‌ല് നിമാക്കിന്ത കെ്ട്ട ആസെഗാള്‌ന പാസെ പെ്ളേക്ക്യ ബേ്ണ്ടി നിമ്മ ആസെപഡാദേന്. അദ്‌ക്ക് ബദ്‌ല നിമാന ബ്‌ളിത്ത സാമി പച്ചെപാലഗാന് ആയിര്‌ക്കുവ പാസെ നിമ്മ സൊല്ലുപേസ് കേ്ള്‌ക്ക്‌ന്റവാരായി നിമ്മ ഗേവ എല്ലാ കാര്യഗാള്‌ല്‌മ് നിമ്മ പച്ചെപാലഗനാമായി ഇര്‌ന്.

1 പത്ത്‌റോസു 2:24

നമ്മ പാവാക്ക് ബേ്ണ്ടി ഇന്നി പെ്ളേക്കാദെ നേര്‌മേക്ക് ബേ്ണ്ടി പെ്ളേക്ക്യ ക്‌റ്‌സ്‌ത്ത് നമ്മ് പാവാനെല്ല തന്ന് സരിഗലാത്ത്‌ല് ഏറ്റെഡ്‌ത്ത് കൊണ്ടു കുരുസുലു സത്താന്. അയാള് പട്ട ഗായനാലെ നിമാക്ക് സുഗ കെ്ഡേത്ത്‌റ്‌ക്ക്‌ന്റ്.

1 ഓഗന്നാന് 3:9

സാമിപ്‌ള്ളെഗാള് ആയിര്‌ക്ക്‌ന്റവാര് ആര്‌മ് സാമി സട്ടാക്ക് മീ്റി പാവ ഗേന്ത്‌കൊണ്ടേ ഇര്‌ക്കുവാദില്ലെ. എന്ത്‌ക്കെന്റ് സൊന്ന സാമിമഗാന് ഏസ്സ് ക്‌റ്‌സ്‌ത്ത് അവാര് നെഞ്ച്‌ല് ഇര്‌ക്കുവാദ്‌നാലെ അവാര്‌ക്ക് പാവ ഗേന്ത്‌കൊണ്ട്‌റ്‌ക്ക്യ മുഡ്യാമാട്ട.