റോമഗാറാര് 6:14 - സാമി സേദി

¹⁴ എന്ത്‌ക്കെന്റ് സൊന്ന, മോസെ ബെത്ത സാമിസട്ടന നോഡി കൊണ്ടല്ല, സാമി ഗേവ പ്‌ണ്ണ്യന നോഡി കൊണ്ടുത്തെ നിമ്മ ഇന്നാല് പെ്ളേക്ക്‌ന്റ്‌റ്. അദ്‌നാലെ നിമ്മ ഇന്നി പാവാക്ക് അഡിമെ ആഗാദേന്.

റോമഗാറാര് 6:14 ပူးပေါင်းရင်းမြစ်များ

ഗലാത്ത്യഗാറാര് 5:18

സാമിനിഗാല് സൊല്ലുക്കു കെ്ട്ട്‌പട്ട് നഡാക്കുവദാന നിമ്മ മോസെ ബെത്ത സാമി സട്ടാക്ക് അഡിമ്യല്ല.

റോമഗാറാര് 8:2

ക്‌റ്‌സ്‌ത്ത് ഏസ്സ്‌ല് ഒന്റായിര്‌ക്കുവാദ്‌നാലെ നമാക്ക് സാമിനിഗാല് തരുവ പുദ്യ പെ്ളേപ്പ് കെ്ഡേത്തിര്‌ക്ക്‌ന്റ്. അത്തെ പാവാക്ക്‌മ് സാവുക്കുമു ആളാക്കി ബെത്ത്‌റ്‌ക്കുവ സട്ടാത്ത്‌ലിന്ത് സാമിനിഗാല് നമാന ബ്‌ഡിസിര്‌ക്ക്‌ന്റ്.

എവുറായാര് 8:10

ഇന്നി ബര്യ പോവ കാലാത്ത്‌ല് ഇസ്‌റവേല്‌ല ആള്‌ഗാള്‌ക്ക് നാന് ബെക്കുവ ഒപ്പന്ത ഇദ്‌ത്തെ എന്റ് ആണ്ടവാന് സൊന്റാന്: എന്ന് സട്ടഗാള്‌ന നാന് അവാര് മനേസ്സ്‌കുള്ളുക്കു ബെക്കുവെ. അവാര് നെഞ്ച് കുള്ളുക്കു നാന് അയി സട്ടഗാള്‌ന എ്ള്‌ദുവെ. നാന് അവാര്‌ക്ക് സാമി ആയിര്‌ക്കുവെ. അവാര് എന്ന് ജനഗാള് ആയിര്‌ക്കുവാര്.

റോമഗാറാര് 6:12

അദ്‌നാലെ അളിന്ത് പോവ നിമ്മ് സരിഗല ആസെപഡുവ കെ്ട്ട ആസെഗാള്‌ന ഗേന്ത് പാവാക്ക് അഡിമെഗാള് ആഗാദേന്.

ഓഗന്നാന് 8:36

അദ്‌നാലെ നിമാന അഡിമേലിന്ത് മഗാന് ബ്‌ഡ്‌സ്‌നദാന നിമ്മ നേര്‌മായിമ് അദ്‌ലിന്ത് ബ്‌ഡിസി ബ്‌ട്ടവാരാവുറു.

ഓഗന്നാന് 1:17

മോസെ ബെത്ത സാമിസട്ട മോസെ കയിലിന്ത് നമാക്ക് കെ്ഡേത്ത്‌ദ്. ആന സാമി ഗവാമ് സത്ത്യാമ് ഏസ്സ് ക്‌റ്‌സ്‌ത്ത്‌നാലെ നമാക്ക് കെ്ഡേത്ത്‌റ്‌ക്ക്‌ന്റ്.

ഗലാത്ത്യഗാറാര് 3:23

ഏസ്സ് ക്‌റ്‌സ്‌ത്ത്‌ന നമ്പുവ സമ്യ ബര മാട്ട്‌ക്ക് ജെയില്‌ക്ക് അഡേത്തിന്ത പാസെ എമാനൊട്ടുക്കു മോസെ ബെത്ത സാമി സട്ടാക്കഡി ബെത്ത് കാത്തിന്താന്. അദ്‌നാലെ ഏസ്സ് ക്‌റ്‌സ്‌ത്ത്‌ന നമ്പ മാട്ട്‌ക്ക് നമ്മ അദ്‌ലിന്ത് തപ്പിസി കഡാക്കാദിന്താമ്.

റോമഗാറാര് 8:12

അദ്‌നാലെ ഏസ്സ്‌ഗാറാരെ, ഇന്നി നമ്മ മന്‌സാന്‌ക്ക് ഇര്‌ക്കുവ പാവ ഗേവ പളാക്കാക്കുള്ള ആസെപഡി പെ്ളേക്ക്യ നമ്മ അയി പളാക്കാക്ക് കഡാമെ പട്ടവാരല്ല.

മത്തായി 1:21

അവാള് ഒന്റു ഗണ്ട് മഗാന എ്ഡ്‌ക്കുവാള്. തന്ന് കൂട്ടാര് ഗേവ പാവാക്ക് കെ്ഡേക്കുവ ദെ്ണ്ടണേലിന്ത് അയാള് അവാര്‌ന കാപാറ്റുവാന്. അദ്‌നാലെ നീ അയി മഗാക്ക് ഏസ്സ് എന്റ് പേര് ബെക്കുഡൊ>> എന്റ് സൊന്നാന്.

തീത്തോസു 2:14

നമാന അയാള് എല്ലാ കെ്ട്ട കാര്യാത്ത്‌ലിന്ത് കാപാറ്റി നല്ല കാര്യഗാള് ഗേയ ബേ്ണ്ടി ആസെപഡുവ ആള്‌ഗാള് മാഡ്യ ബേ്ണ്ടിമ്, നമാന തന്ന് സൊന്തഗാറാര് ആയിര്‌ക്ക്യ തെരിന്തെ്ഡ്‌ക്ക്യ ബേ്ണ്ടിമ് ഏസ്സ് ക്‌റ്‌സ്‌ത്ത് തന്ന് ഉജുരുന കൊഡുത്താന്.

ഗലാത്ത്യഗാറാര് 4:21

മോസെ ബെത്ത സാമി സട്ടപഡി നഡാക്ക്യ നോഡുന്റവാരെ, നാന് നിമാന ഒന്റു കാര്യ കേ്ള്‌ക്ക്‌ന്റെ: മോസെ ബെത്ത സാമിസട്ട എന്ത് സൊന്റെന്റ് നിമ്മ കേ്ള്‌ക്കാലേഗ?

റോമഗാറാര് 11:6

ആന അവാര് ഗേവ കാര്യാത്ത്‌ലല്ല സാമി തന്ന് പ്‌ണ്ണ്യാത്ത്‌ല്‌ത്തെ അവാര്‌ന തെരിന്തെ്ഡ്‌ത്തിര്‌ക്കുവാദ്. അവാര് ഗേന്ത കാര്യഗാള്‌ന ബെത്ത് തെരിന്തെ്ഡ്‌ത്തിന്തദാന സാമി പ്‌ണ്ണ്യ പ്‌ണ്ണ്യ അല്ല.

റോമഗാറാര് 4:16

അദ്‌നാലെ സാമി കൊഡുക്കുവെ എന്റ് സൊല്ലിന്താദ്‌ന കൊഡുക്കുവാദ് നമ്പിക്കെനാലേത്തെ. അദ്‌ന ബെ്റ്‌ദേത്തെ സാമി കൊഡുക്കുവാദ്. മോസെ ബെത്ത സാമി സട്ടപഡി നഡാക്കുവ അവുറഗാമ് കാല്‌കെ്ളേക്ക് താന്യല്ല, അവുറഗാമ്‌ക്കിന്ത അദേ നമ്പിക്കോഡ പെ്ളേക്കുവ കാല്‌കെ്ളെഗാള്‌ക്ക് ഗുഡിത്തെ അദ് ഒറേപ്പ് മാഡിര്‌ക്കുവാദ്. എന്ത്‌ക്കെന്റ് സൊന്ന അവുറഗാമ് എല്ലാവാര്‌ക്ക്‌മ് പാട്ടാന് ആയിര്‌ക്ക്‌ന്റാനല്ല?

റോമഗാറാര് 6:15

അന്നാപ്പ് എന്തെന്റ് സൊല്ല്യ? മോസെ ബെത്ത സാമിസട്ടന നോഡി കൊണ്ടല്ല, സാമി ഗേവ പ്‌ണ്ണ്യന നോഡി കൊണ്ടുത്തെ പെ്ളേക്കുവാദ്‌നാലെ നമ്മ പാവ ഗേയാഗ? ഗേഗാഗേ ബേ്ഡ.

ഓഗന്നാന് 1:14

സാമി സൊല്ലുസുലാക്ക മന്‌സാന് പ്‌റാവി എ്ഡ്‌ത്ത്‌ദ്. അയാള് ഗവാമ് സത്ത്യാമ് തുമ്പുനവാനായി നമ്മ് പട്ട്‌ല് പെ്ളേത്തിന്താന്. അപ്പാന് സാമിത്ത് ഒന്റേ ഒന്റു മഗാന് മദ്‌പ്പ്‌ന സാമി സൊല്ലുസുലാക്ക ആനവാന്‌ല് എമ്മ കണ്ടേമ്.

റോമഗാറാര് 5:17

ഒരുത്താന് പാവ ഗേന്താദ്‌നാലെ എല്ലാ മന്‌സാര്‌ഗാള്‌മ് സാവുക്കാളാനാര്. ആന അളാവുക്കു മീ്റ്‌ന സാമി പ്‌ണ്ണ്യ കെ്ഡേസ്‌നവാര്‌മ് സാമി പാവാന കണാക്ക് ബെക്കാദെ നേര്‌മെഗാറാര് മാഡ്‌ന ആള്‌ഗാള്‌മ് ആനവാര് ഏസ്സ് ക്‌റ്‌സ്‌ത്ത് എന്നുവ ഒന്റു മന്‌സാന്‌നാലെ എന്നാല്‌ക്ക്‌മ് പെ്ളേക്കുവാര്.

റോമഗാറാര് 5:18

അത്തെ ഒന്റു തപ്പ് ഗേന്താദ്‌നാലെ എല്ലാ മന്‌സാര്‌ഗാള്‌നാമ് ദെ്ണ്ടിക്കുവ ബിദി ബന്ത പാസെ ഒരുത്താന് ഗേന്ത നേര്‌മ്യാന കാര്യ എല്ലാ മന്‌സാര്‌ഗാള്‌നാമ് നേര്‌മെഗാറാര് മാഡി ഉജുരുന കൊഡുക്ക്യ ബെത്ത്‌ദ്.