റോമഗാറാര് 5:9 - സാമി സേദി

⁹ ക്‌റ്‌സ്‌ത്ത് നമാക്ക് ബേ്ണ്ടി സൂസുന സോരെനാലെ നമ്മ സാമി കണ്ണ്‌ക്ക് നേര്‌മെഗാറാര് ആനാമ്. അത്ത്യായിന്ത നേര്‌മെഗാറാര് ആന പ്‌റ സാമി മൊനേക്ക്‌പട്ട് ആള്‌ഗാള്‌ന ദെ്ണ്ടിക്കുവ ഗളിഗേല് ക്‌റ്‌സ്‌ത്ത് നമാന ഒറേപ്പായിമ് കാപാറ്റുവാന്.

റോമഗാറാര് 5:9 ပူးပေါင်းရင်းမြစ်များ

ഓഗന്നാന് 5:24

നാന് സത്ത്യമായിമ് നിമാക്ക് സൊന്റെ, എന്ന് നായന കേ്ട്ട് എനാന സൊല്ലി ബ്‌ട്ടവാന്‌ന നമ്പ്‌ന്റവാര്‌ക്ക് എന്നാല്‌ക്ക്‌മ് ഇര്‌ക്കുവ പെ്ളേപ്പ് ഇര്‌ക്ക്‌ന്റ്. പാവ ഗേന്ത് കെ്ഡേക്കുവ ദെ്ണ്ടണേക്ക് അവാര് സിക്കാദെ സാവുലിന്ത് തപ്പിസി സാഗാത്ത ഉജുരു കെ്ഡേസിര്‌ന്റാര്.

റോമഗാറാര് 1:18

മന്‌സാര് ഗേവ എല്ലാ കെ്ട്ട കാര്യഗാള്‌നാമ് പാവഗാള്‌നാമ് നോഡി സാമി പഡുവ മൊനെ മേലോഗാത്ത്‌ലിന്ത് ബെ്ളിപഡ്‌ന്റ്. എന്ത്‌ക്കെന്റ് സൊന്ന അവാര് കെ്ട്ട കാര്യഗാള് ഗേന്ത് ആള്‌ഗാള് സാമിന പറ്റ്യുള്ള സത്ത്യ തെരിവാദ്‌ന മുഡാക്ക്‌ന്റാരല്ല?

റോമഗാറാര് 5:1

ഏസ്സ് ക്‌റ്‌സ്‌ത്ത്‌ന നമ്പ്‌നാദ്‌നാലെ നമ്മ സാമി കണ്ണ്‌ക്ക് നേര്‌മെഗാറാര് ആനാമ്. അത്തെ നമ്മ് ആണ്ടവാന് ഏസ്സ് ക്‌റ്‌സ്‌ത്ത് നമാക്ക് ഗേന്ത കാര്യനാലെ സാമിമ് നമ്മാമ് രാജി കൂഡിര്‌ന്റാമ്.

റോമഗാറാര് 5:10

നമ്മ സാമിക്ക് പോട്ടിഗാറാര് ആയിര്‌ക്കാട്ടി താനെ സാമി തന്ന് മഗാന്‌ന സായ ബെത്താദ്‌നാലെ സാമിമ് നമ്മാമ് രാജി കൂഡുനാമ്. അത്തെ സാമ്യോഡ രാജി കൂഡുന പ്‌റ ക്‌റ്‌സ്‌ത്ത്‌ക്കിര്‌ക്കുവ ഉജുരുനാലെ നമ്മ തപ്പിസി കഡാക്കുവാദ് എത്ത്‌റാഗോ ഒറേപ്പുള്ള കാര്യത്തെ.

റോമഗാറാര് 8:1

അദ്‌നാലെ ഇന്നാല് ക്‌റ്‌സ്‌ത്ത് ഏസ്സോഡ ഒന്റായി പെ്ളേക്ക്‌ന്റവാര്‌ക്ക് പാവാക്ക് കെ്ഡേക്കുവ ദെ്ണ്ടണെ ഇല്ലെ.

റോമഗാറാര് 8:30

താന് അലാക്ക പ്‌റ്‌ത്ത് ബെത്ത്‌റ്‌ക്ക്‌ന്റവാര്‌ന അയാള് ബ്‌ളിത്താന്, താന് ബ്‌ളിത്തവാര്‌ന നേര്‌മെഗാറാര് മാഡ്‌നാന്, നേര്‌മെഗാറാര് മാഡ്‌നവാര്‌ന അയാള് തന്ന് മദ്‌പ്പ്‌ക്ക് പങ്ക്‌ഗാറാര്‌മ് മാഡ്‌നാന്.

എപസോസുഗാറാര് 2:13

ആന സാമി സൊല്ലുപഡിക്ക് പെ്ളേക്കാദിന്ത കാലാത്ത്‌ല് ഗേന്ത പാവാന തീര്‌ക്ക്യ ഏസ്സ് ക്‌റ്‌സ്‌ത്ത് സൂസുന സോരേല് ഏസ്സോഡ എ്ണേന്ത് സാമ്യോഡ ഉറാവു ബെത്ത് നഡാക്കുവാദ്‌ക്കുള്ള ബാഗ്യ നിമാക്ക് കെ്ഡേത്ത്‌ദ്.

എപസോസുഗാറാര് 2:3

അദുക്കുള നമ്മ് മനേസ്സ്‌ക്ക്‌മ് സരിഗലാക്ക്‌മ് പിര്യര്‌ക്കുവ കാര്യഗാള്‌ന ഗേന്ത് കൊണ്ടു നമ്മാമ് അഡ്‌ത്തവാര്‌ന പാസെ പാവ ഗേന്ത് കൊണ്ടു നഡാന്താമ്. അത്തെ ഗേന്ത് നഡാന്ത് നമ്മ സാമി മൊനേക്ക് ആളായിന്താമ്.

എവുറായാര് 9:14

അദ് സത്ത്യാനദാന ക്‌റ്‌സ്‌ത്ത് സോരെ നമാന എത്ത്‌റാഗോ അദിഗ സുത്താപ്പ് മാഡ്‌മ്. എന്ത്‌ക്കെന്റ് സൊന്ന എന്നാല്‌ക്ക്‌മ് ഇര്‌ക്കുവ സാമിനിഗാല്‌നാലെ അയാള് തനാന താനെ ഒന്റു കൊറേവുമു ഇല്ലാത്ത പലി ആയി സാമിക്ക് ഒപ്പുസുനാന്. അദ്‌നാലെ സട്ടാത്ത്‌ല് സൊല്ലിര്‌ക്കുവ ഉവഗര ഇല്ലാത്ത കാര്യഗാള്‌ന ഗേന്താദ്‌ക്ക് കുറ്റ ഗേന്തെ എന്റ് മനേസ്സ്‌ല് ഇര്‌ക്കുവ നെനേവുഗാള്‌ലിന്ത് നമ്മ് മനേസ്സ്‌ന അയാള് സുത്താപ്പ് മാഡ്‌ന്റാന്. അത്തെ ഉജുരുള്ള സാമിന നമ്മ കുമ്മുഡുല.

എവുറായാര് 9:22

ഒപ്പതപ്പ എല്ലാദ്‌മ് സോരെനാലെ സുത്താപ്പ് ആഡൊ എന്റ്‌ത്തെ മോസെ ബെത്ത സാമി സട്ടാത്ത്‌ല് സൊല്ലിര്‌ക്കുവാദ്. സോരെ സൂസാദെ പാവഗാള്‌ക്ക് പൊറിമെ കെ്ഡേക്കാമ് മാട്ട.

1 ഓഗന്നാന് 1:7

ആന സാമി ബെ്ള്‌സാത്ത്‌ലിര്‌ക്കുവ പാസെ നമ്മാമ് ബെ്ള്‌സാത്ത്‌ല് പെ്ളേക്ക്യ ആസെപട്ടദാന നമാക്ക് ആങ്കീങ്ക് നല്ല എ്ണേവിര്‌ക്ക്‌മ്. അത്തെ എ്ണേവിര്‌ക്കാട്ടി ഗേവ എല്ലാ പാവാനാമ് സാമിമഗാന് ഏസ്സ് സോരെ തീത്ത് നമാന ബെ്ഡിപ്പ് മാഡ്‌മ്.