റോമഗാറാര് 5:21 - സാമി സേദി

²¹ പാവ നമാന സാവുക്കാള് മാഡി നഡാത്ത്‌ന പാസെ സാമി പ്‌ണ്ണ്യാമ് നമ്മ് ആണ്ടവാന് ഏസ്സ് ക്‌റ്‌സ്‌ത്ത്‌നാലെ നമാന നേര്‌മെഗാറാര് മാഡി എന്നാല്‌ക്ക്‌മ് ഇര്‌ക്കുവ പെ്ളേപ്പ് കെ്ഡേക്ക്യ ബേ്ണ്ടി നഡാത്ത്‌ന്റ്.

റോമഗാറാര് 5:21 ပူးပေါင်းရင်းမြစ်များ

തീത്തോസു 2:11

എല്ലാ ആള്‌ഗാള്‌നാമ് കാപാറ്റ്യ ഒന്റു ബട്ടെ മാഡി തന്ത് താന് ഗവപട്ടാദ്‌ന സാമി നമാക്ക് കാട്ടി തന്ത്‌റ്‌ന്റാന്.

റോമഗാറാര് 5:14

ആന ആദാമ് പെ്ളേത്തിന്ത കാലാത്ത്‌ലിന്ത് മോസെ പെ്ളേത്തിന്ത കാല മാട്ട്‌ക്ക് പെ്ളേത്തിന്ത ആള്‌ഗാള്‌ക്ക്‌മ് സാവു ബന്തിന്ത്‌ദ്. ആദാമ് സട്ടപഡി നഡാക്കാദെ പാവ ഗേന്ത പാസെ പാവ ഗേഗാത്തവാര്‌ക്ക്‌മ് സാവു ബന്തിന്ത്‌ദ്. ആദാമ് ബര്യ ഇന്ത ക്‌റ്‌സ്‌ത്ത്‌ന കാട്ടുവ ഉരുവ ആയിന്താന്.

റോമഗാറാര് 8:10

ആന ക്‌റ്‌സ്‌ത്ത് നിമ്മോഡ ഇന്തദാന, പാവ ഗേവാദ്‌നാലെ നിമ്മ് സരിഗല അളിന്ത് പോനാല്‌മ് സാമി നിമാന നേര്‌മെഗാറാര് മാഡ്‌നാദ്‌നാലെ നിമ്മ് നിഗാല് കുട്ടി പെ്ളേക്ക്‌മ്.

റോമഗാറാര് 6:23

പാവ ഗേവാദ്‌ക്ക് കെ്ഡേക്കുവ കൂലി സാവുത്തെ, സാമി ഗേവ ദാന എന്നുവാദ് നമ്മ് ആണ്ടവാനാന ഏസ്സ് ക്‌റ്‌സ്‌ത്ത്‌ല് കെ്ഡേക്കുവ എന്നാല്‌ക്ക്‌മ് ഇര്‌ക്കുവ പെ്ളേപ്പ്‌ത്തെ.

റോമഗാറാര് 6:14

എന്ത്‌ക്കെന്റ് സൊന്ന, മോസെ ബെത്ത സാമിസട്ടന നോഡി കൊണ്ടല്ല, സാമി ഗേവ പ്‌ണ്ണ്യന നോഡി കൊണ്ടുത്തെ നിമ്മ ഇന്നാല് പെ്ളേക്ക്‌ന്റ്‌റ്. അദ്‌നാലെ നിമ്മ ഇന്നി പാവാക്ക് അഡിമെ ആഗാദേന്.

റോമഗാറാര് 5:12

ഒന്റേ ഒന്റു മന്‌സാന് ഗേന്ത തപ്പ്‌നാലെത്തെ പാവ ഉലഗാക്ക് ബന്താദ്, അയാള് പാവ ഗേന്താദ്‌നാലെ സാവുമു ഉലഗാക്ക് ബന്ത്‌ദ്. അത്തെ എല്ലാ മന്‌സാര്‌ഗാള്‌മ് പാവ ഗേന്താദ്‌നാലെ എല്ലാവാര്‌ക്ക്‌മ് സാവ ഗെദി ബന്ത്‌ദ്.

റോമഗാറാര് 5:17

ഒരുത്താന് പാവ ഗേന്താദ്‌നാലെ എല്ലാ മന്‌സാര്‌ഗാള്‌മ് സാവുക്കാളാനാര്. ആന അളാവുക്കു മീ്റ്‌ന സാമി പ്‌ണ്ണ്യ കെ്ഡേസ്‌നവാര്‌മ് സാമി പാവാന കണാക്ക് ബെക്കാദെ നേര്‌മെഗാറാര് മാഡ്‌ന ആള്‌ഗാള്‌മ് ആനവാര് ഏസ്സ് ക്‌റ്‌സ്‌ത്ത് എന്നുവ ഒന്റു മന്‌സാന്‌നാലെ എന്നാല്‌ക്ക്‌മ് പെ്ളേക്കുവാര്.

1 പത്ത്‌റോസു 5:10

എല്ലാ പ്‌ണ്ണ്യാമ് ഗേവ സാമി ഏസ്സ് ക്‌റ്‌സ്‌ത്ത്‌ന ബെത്ത് എന്നാല്‌ക്ക്‌മ് ദൊഡ്ഡവാര് ആയിര്‌ക്ക്യ ബേ്ണ്ടി നിമാന ബ്‌ളിത്ത്‌റ്‌ന്റാന്. അദ്‌നാലെ നിമാക്ക് ബരുവ അദിഗ കാല ഇര്‌ക്കാത്ത കജട്ടന താങ്ക്‌ന പ്‌റ അയാള് നിമാന കൊറേവില്ലത്തവാര് മാഡിമ് കയി താങ്കിമ് ബില പഡിസിമ് ഒറേപ്പുള്ളവാര് മാഡിമ് ബെക്കുവാന്.

റോമഗാറാര് 6:16

ഇദ് നിമാക്ക് തെരിവാദില്ലേഗ? ആരാറ്റ സൊല്ലുപഡിക്ക് നഡാക്ക്യ നിമ്മ നിമാന താനെ ഒപ്പിസി കൊഡുത്തു അയാള് സൊല്ലുപഡി നഡാക്കാട്ടി നിമ്മ അയാള്‌ക്ക് അഡിമെഗാളായിര്‌ക്കുവുറു. അദേപാസെ പാവാക്ക് നിമ്മ അഡിമെഗാള് ആനദാന നിമാക്ക് സാവ ഗെദി ബര്‌മ്, സാമി ആസെപഡി നഡാന്തദാന നിമ്മ നേര്‌മെഗാറാര് ആവുറു.

1 ഓഗന്നാന് 2:25

എന്ത്‌ക്കെന്റ് സൊന്ന ക്‌റ്‌സ്‌ത്ത്‌ന പാസെ എന്നാല്‌ക്ക്‌മ് ഇര്‌ക്കുവ പെ്ളേപ്പ് പെ്ളേക്കുവുറു എന്റ്‌ത്തെ സാമി നമാക്ക് ബാക്ക് തന്ത്‌റ്‌ക്കുവാദ്.

2 പത്ത്‌റോസു 1:1

ഏസ്സ് ക്‌റ്‌സ്‌ത്ത് അപ്പോസുത്തലാന്‌മ് ഗിലാസഗാറാന്‌മ് ആന സീമോനു പത്ത്‌റോസു നമ്മ് സാമിമ് കാപാറ്റ്‌ന്റവാന്‌മ് ആന ഏസ്സ് ക്‌റ്‌സ്‌ത്ത്‌ത്ത് നേര്‌മെനാലെ എമാക്ക് ബന്ത ദൊഡ്ഡ നമ്പിക്കേന പാസെ നമ്പിക്കെ ബന്ത്‌റ്‌ക്കുവ നിമാക്ക് എ്ള്‌ദുവ എ്ള്‌ത്ത്.

എവുറായാര് 4:16

അദ്‌നാലെ ദയിരത്തോഡ പ്‌ണ്ണ്യ ഗേന്റവാനാന സാമി കുറിഞ്ചി പട്ട്‌ക്ക് പോഗാന്. അദ്‌ല് ബെത്ത് സാമി നമാന ഗവാമ് പഡുവാന്, തേവെപഡുവ ഗളിഗേക്കെല്ല പ്‌ണ്ണ്യ നമാക്ക് ഉദാവ്യായിമ് കെ്ഡേക്ക്‌മ്.

റോമഗാറാര് 4:13

അവുറഗാമ്‌മ് അയാള് കാല്‌കെ്ളേമ് ഈ ഉലഗാക്ക് ഉരിമെഗാറാര് ആവുറു എന്നുവ ബാക്ക് അവുറഗാമ്‌ക്ക് കെ്ഡേത്താദ് മോസെ ബെത്ത സാമിസട്ടനാലെ അല്ല, അയാള് സാമിന നമ്പി സാമി അയാള്‌ന നേര്‌മെഗാറാന് മാഡ്‌നാദ്‌നാലെത്തെ കെ്ഡേത്താദ്.

ഓഗന്നാന് 10:28

നാന് അവാര്‌ക്ക് എന്നാല്‌ക്ക്‌മ് ഇര്‌ക്കുവ പെ്ളേപ്പ്‌ന കൊഡുക്കുന്റെ. അവാര് എന്നാല്‌ക്ക്‌മ് അളിന്ത് പോഗമാട്ടാര്. എന്ന് കയിലിന്ത് അവാര്‌ന പ്‌ഡിത്ത് എ്ഡ്‌ത്ത് പോയ ആര്‌ക്ക്‌മ് മുഡ്യാമാട്ട.

റോമഗാറാര് 6:12

അദ്‌നാലെ അളിന്ത് പോവ നിമ്മ് സരിഗല ആസെപഡുവ കെ്ട്ട ആസെഗാള്‌ന ഗേന്ത് പാവാക്ക് അഡിമെഗാള് ആഗാദേന്.

മത്തായി 25:46

അത്തെ ഇത്തവാള്‌ഗാള്‌ക്ക് തീരാത്ത ദെ്ണ്ടണെ കെ്ഡേക്ക്‌മ്. ആന നേര്‌മെഗാറാര്‌ക്ക് എന്നാല്‌ക്ക്‌മ് ഇര്‌ക്കുവ പെ്ളേപ്പ്‌മ് കെ്ഡേക്ക്‌മ്.>>

ഓഗന്നാന് 1:14

സാമി സൊല്ലുസുലാക്ക മന്‌സാന് പ്‌റാവി എ്ഡ്‌ത്ത്‌ദ്. അയാള് ഗവാമ് സത്ത്യാമ് തുമ്പുനവാനായി നമ്മ് പട്ട്‌ല് പെ്ളേത്തിന്താന്. അപ്പാന് സാമിത്ത് ഒന്റേ ഒന്റു മഗാന് മദ്‌പ്പ്‌ന സാമി സൊല്ലുസുലാക്ക ആനവാന്‌ല് എമ്മ കണ്ടേമ്.