റോമഗാറാര് 5:17 - സാമി സേദി17 ഒരുത്താന് പാവ ഗേന്താദ്‌നാലെ എല്ലാ മന്‌സാര്‌ഗാള്‌മ് സാവുക്കാളാനാര്. ആന അളാവുക്കു മീ്റ്‌ന സാമി പ്‌ണ്ണ്യ കെ്ഡേസ്‌നവാര്‌മ് സാമി പാവാന കണാക്ക് ബെക്കാദെ നേര്‌മെഗാറാര് മാഡ്‌ന ആള്‌ഗാള്‌മ് ആനവാര് ഏസ്സ് ക്‌റ്‌സ്‌ത്ത് എന്നുവ ഒന്റു മന്‌സാന്‌നാലെ എന്നാല്‌ക്ക്‌മ് പെ്ളേക്കുവാര്. အခန်းကိုကြည့်ပါ။ |
റോമഗാറാര് 5:17
26 ပူးပေါင်းရင်းမြစ်များ
ആദാമ് ഗേന്ത പാവ കാര്യാമ് സാമി ക്‌റ്‌സ്‌ത്ത്‌ന ബെത്ത് പ്‌ണ്ണ്യ ഗേന്ത കാര്യാമ് ഒന്റേ പാസെ അല്ല. ആദാമ് എന്നുവ ഒന്റു മന്‌സാന് ഗേന്ത പാവാനാലെ എഞ്ചോ ആള്‌ഗാള് സത്താദ് നേര്‌ത്തെ. ആന ഏസ്സ് ക്‌റ്‌സ്‌ത്ത് എന്നുവ ഒന്റു മന്‌സാന് ഗേന്ത് കൊഡുത്ത പ്‌ണ്ണ്യനാലെ എഞ്ചോ ആള്‌ഗാള്‌ക്ക് സാമി ഗേവ ദാനാക്ക് എജ്ജ്യ മുഡിന്ത്‌ദ്. അയി സാമി പ്‌ണ്ണ്യ എത്ത്‌റാഗോ ദൊഡ്ഡാദ്‌ത്തെ.
നമ്മ് ആണ്ടവാന് എന്നാല്‌ക്ക്‌മ് എനാന അളാവുക്കു മീ്റി ഗവപഡ്‌ന്റാന്. അദേപാസെ അളാവുക്കു മീ്റി എന്നോഡ സീവാന്‌മ് ബെത്ത്‌റ്‌ന്റാന്. അത്തെ തനാന നമ്പ്യാമ്, അഡ്‌ത്തവാരോഡ സീവാന്‌ബെത്ത് നഡാക്ക്യാമ് എനാന കയിതാങ്ക്‌ന്റാന്. ഇദൊട്ടുക്കു നമാക്ക് കെ്ഡേത്താദ് എത്തെന്റ് സൊന്നദാന, ക്‌റ്‌സ്‌ത്ത് ഏസ്സോഡ ഒന്റായിര്‌ക്കുവാദ്‌നാലെത്തെ കെ്ഡേത്താദ്.
നിമാന സാമി ഇ്റ്‌ട്ട്‌ക്ക് ഇര്‌ക്കുവ അദിഗരാത്ത്‌ലിന്ത് അദിസ്യപഡുവ തന്ന് ബെ്ള്‌സാക്ക് ബ്‌ളിത്ത് ബരിസ്സിര്‌ക്ക്‌ന്റാന്. എന്ത്‌ക്കെന്റ് സൊന്ന അയി സാമി ഗേന്ത് കൊണ്ട്‌റ്‌ക്കുവ നല്ല കാര്യഗാള്‌ന സൊല്ല്യത്തെ. ഇദ്‌ന സൊല്ല്യ ബേ്ണ്ടി സാമി തെരിന്തെ്ഡ്‌ത്ത ബമ്മേസാമ്, രാജാങ്ക പൂസാരി ഗിലാസ ഗേവ കൂട്ടാമ്, സാമിക്ക് പട്ട ജനഗാള്‌മ്, സാമിക്ക് സൊന്തഗാറാര്‌മ് ആയിര്‌ക്ക്‌ന്റവാര്‌ത്തെ നിമ്മ.
അദ്‌ക്ക് പ്‌റ കുറിഞ്ചിഗാള്‌നാമ് ബിദി സൊല്ല്യ അദിഗര കെ്ഡേത്തവാര് അയി കുറിഞ്ചിഗാള്‌ല് കുക്കാന്ത് ഇര്‌ക്കുവാദ്‌നാമ് നാന് കണ്ടെ. ഏസ്സ്‌ന പറ്റ്യുള്ള സത്ത്യന സൊന്നാദ്‌നാലേമ് സാമി സൊല്ലുസുലാക്കാന സൊന്നാദ്‌നാലേമ് ആള്‌ഗാള് തലെനെ ബെ്ട്ടി കൊന്റവാര് നിഗാല്‌ഗാള്‌നാമ് നാന് കണ്ടെ. അവാര് ബേ്ണ്ട്‌നാഗൊ അയി ബേ്ണ്ട് സെലെനാഗൊ കുമ്മുഡത്തവാര്‌മ് നെറ്റിക്കൊ കയിക്കൊ മുദ്ദുറെ കുത്താത്തവാര്‌മ് ആയിന്താര്. അവാര് ഉജുരു കെ്ഡേസി ക്‌റ്‌സ്‌ത്തോഡൊപ്പ ആയിര ബര്‌സ്സ പെ്ളേത്താര്.
ကြော်ငြာတွေ