റോമഗാറാര് 5:13 - സാമി സേദി

¹³ മോസെ ബെത്ത സാമിസട്ട കെ്ഡേക്കാത്ത മുദാല് താനെ ഉലഗാത്ത്‌ല മന്‌സാന് പാവ ഗേന്തിന്താന്. ആന അയി ഗളിഗെ മാട്ട്‌ക്ക് ഗേന്തിന്ത പാവാന കണാക്ക് ബെക്കാലെ. എന്ത്‌ക്കെന്റ് സൊന്ന അയി ഗളിഗേല് സട്ട ഇല്ലാദിന്ത്‌ദ്.

റോമഗാറാര് 5:13 ပူးပေါင်းရင်းမြစ်များ

റോമഗാറാര് 3:20

അദ്‌നാലെ മോസെ ബെത്ത സാമി സട്ടാത്ത്‌ല് സൊല്ലിര്‌ക്കുവ കാര്യഗാള്‌ന ഗേവാദ്‌നാലെ ആര്‌മ് സാമി കണ്ണ്‌ക്ക് നേര്‌മെഗാറാര് ആവാദില്ലെ. ആന പാവാന പറ്റ്യുള്ള അറുവു കെ്ഡേക്ക്‌ന്റ്.

റോമഗാറാര് 4:15

മോസെ ബെത്ത സാമി സട്ടപഡി നഡാക്ക്യ മുഡ്യാത്താദ്‌നാലെ ആള്‌ഗാള് സാമിന മൊനെ ബര്‌സ്സ്‌ന്റാര്. ആന സട്ട ഇല്ലാത്ത എ്ഡേല് സട്ടപഡി നഡാക്കാലെ എന്നുവ കുറ്റാമില്ലെ.

1 കൊരിന്ത്യഗാറാര് 15:56

പാവ ഗേവാദ്‌നാലെത്തെ നമാക്ക് സാവു ബരുവാദ്, മോസെ ബെത്ത സാമിസട്ട നമാക്ക് ഇര്‌ക്കുവാദ്‌നാലെത്തെ പാവ എന്തെന്റ് നമാക്ക് തെരിവാദ്.

1 ഓഗന്നാന് 3:14

സാവുക്കാളായിന്ത നമ്മ ആങ്കീങ്ക് സീവാന്‌ബെത്ത് നഡാക്കുവാദ്‌നാലെ സാഗാത്ത ഉജുരുക്കു ആളായിര്‌ന്റാമ് എന്റ് നമാക്ക് തെരിമ്. സീവാന്‌ബെത്ത് നഡാക്കാത്തവാന് ഇന്നാല്‌മ് സാവുക്കു ആളായിര്‌ന്റാന്.

1 ഓഗന്നാന് 3:4

ആങ്കീങ്ക് സീവാന്‌ബെത്ത് നഡാക്കുഡൊ എന്നുവ സാമി സട്ടാക്ക് മീ്റി നഡാക്ക്‌ന്റാന് പാവ ഗേന്ത്‌കൊണ്ടേ ഇര്‌ക്ക്‌ന്റാന്. എന്ത്‌ക്കെന്റ് സൊന്ന സാമി സട്ടാക്ക് മീ്റി നഡാക്കുവാദ്‌ത്തെ പാവ.