റോമഗാറാര് 5:11 - സാമി സേദി

¹¹ അദ്‌താനേമല്ല, നമ്മ ഇന്നാല് സാമിന പറ്റി പെരിമെപഡ്‌ന്റാമ്, എന്ത്‌ക്കെന്റ് സൊന്ന, സാമി നമ്മ് ആണ്ടവാന് ഏസ്സ് ക്‌റ്‌സ്‌ത്ത്‌ന ബെത്ത് നമാന തന്നോഡ രാജി കൂഡുസുനാന്.

റോമഗാറാര് 5:11 ပူးပေါင်းရင်းမြစ်များ

ലൂക്കോസു 1:46

അദുക്കുള മറിയ ഇത്തെ സൊന്നാള്: <<എന്ന് മനേസ്സ് ആണ്ടവാന്‌ന ദൊഡ്ഡവാനെന്റ് ഉജാത്തി സൊന്റു,

ഓഗന്നാന് 1:12

അയാള്‌ന കയ്യേന്തി അയാള്‌ന നമ്പ്‌ന്റവാര്‌ക്ക് സാമി മഗാനാര്‌മഗളാര് ആവാദ്‌ക്കുള്ള ഉരിമെ അയാള് കൊഡുക്കുന്റാന്.

റോമഗാറാര് 11:15

അവാര്‌ന തള്ള്‌നാദ്‌നാലെ ഉലഗാത്ത്‌ല ജനഗാള്‌ക്ക്‌മ് സാമിക്ക്‌മ് രാജി കൂഡ്യ മുഡിന്ത്‌ദ്. അത്ത്യായിന്ത സാമി ഇസ്‌റവേല്‌ഗാറാര്‌ന ഇന്നി സേത്തി ബെത്തദാന അദ് സത്തവാര് ഉജുര്‌ളാഗുവാദ്‌ക്ക് സമ എന്റല്ലാദെ ബേ്റെന്തെന്റ് സൊല്ല്യാമ്?

റോമഗാറാര് 2:17

ആന നാന് എഗുദാര് ജാദിക്ക് പട്ട ഒരുത്താന് എന്റ്‌മ് മോസെ ബെത്ത സാമിസട്ടന നമ്പി നഡാക്ക്‌ന്റവാന് എന്റ്‌മ്, സാമ്യോഡ നല്ല ഉറാവു ഇര്‌ക്ക്‌ന്റ് എന്റ്‌മ് പെരിമെപഡുവ നിനാന പറ്റി എന്തെന്റ് സൊല്ല്യ,

റോമഗാറാര് 5:1

ഏസ്സ് ക്‌റ്‌സ്‌ത്ത്‌ന നമ്പ്‌നാദ്‌നാലെ നമ്മ സാമി കണ്ണ്‌ക്ക് നേര്‌മെഗാറാര് ആനാമ്. അത്തെ നമ്മ് ആണ്ടവാന് ഏസ്സ് ക്‌റ്‌സ്‌ത്ത് നമാക്ക് ഗേന്ത കാര്യനാലെ സാമിമ് നമ്മാമ് രാജി കൂഡിര്‌ന്റാമ്.

റോമഗാറാര് 5:10

നമ്മ സാമിക്ക് പോട്ടിഗാറാര് ആയിര്‌ക്കാട്ടി താനെ സാമി തന്ന് മഗാന്‌ന സായ ബെത്താദ്‌നാലെ സാമിമ് നമ്മാമ് രാജി കൂഡുനാമ്. അത്തെ സാമ്യോഡ രാജി കൂഡുന പ്‌റ ക്‌റ്‌സ്‌ത്ത്‌ക്കിര്‌ക്കുവ ഉജുരുനാലെ നമ്മ തപ്പിസി കഡാക്കുവാദ് എത്ത്‌റാഗോ ഒറേപ്പുള്ള കാര്യത്തെ.

റോമഗാറാര് 5:3

അദ്‌താനേമല്ല, നമ്മ പഡുവ കജട്ടഗാള്‌ന പറ്റിമ് നമ്മ പെരിമെപഡ്‌ന്റാമ്. എന്ത്‌ക്കെന്റ് സൊന്ന, നമ്മ പഡുവ കജട്ടഗാള് നമാന പൊറിമെഗാറാര് മാഡ്‌ന്റ് എന്റ്‌മ്,

റോമഗാറാര് 8:23

സാമിനിഗാല് എന്നുവ ദാനന മുദാല് കെ്ഡേസിര്‌ക്കുവ നമ്മാമ് അളിവിര്‌ക്കുവ ഈ സരിഗലാത്ത്‌ലിന്ത് തപ്പിസി കഡാന്ത് സാമി മഗാനാര്‌മ് മഗളാര്‌മ് ആയ ബേ്ണ്ടി കാത്ത്‌കൊണ്ടു മനേസ്സ്‌കുള്ളുക്കു മുട്ടുമുട്ടുത്തു കൊണ്ടു ഇര്‌ക്ക്‌ന്റാമ്.

റോമഗാറാര് 9:10

അദ്‌താനേമല്ല റിവേക്കാമ് റട്ടെ മക്കാള്‌ഗാള്‌ന ബേ്റാന. അവാര് അപ്പനച്ചാന് നമ്മ് പാട്ടാന് ഇസഗാക്ക്‌ത്തെ.

1 കൊരിന്ത്യഗാറാര് 10:16

നമ്മ സാമിക്ക് നണ്ണി സൊല്ലി ആണ്ടവാന് സെമ്പ്‌ലിന്ത് കുഡിക്കാട്ടി ക്‌റ്‌സ്‌ത്ത് തന്ന് സോരെനാലെ ഗേന്ത് തന്ത കാര്യാക്ക് നമ്മ പങ്ക്‌ഗാറാര് ആന്റാമല്ല? നമ്മ ആണ്ടവാന് മാറ്റഡെന മുറുക്കാട്ടി ക്‌റ്‌സ്‌ത്ത് തന്ന് സരിഗലാത്ത്‌ല് ഗേന്ത് തന്ത കാര്യാക്ക് നമ്മ പങ്ക്‌ഗാറാര് ആന്റാമല്ല?

2 കൊരിന്ത്യഗാറാര് 8:19

അദ്‌താനേമല്ല, എമ്മ ഈ ദറ്‌മ്മന എ്ഡ്‌ത്ത് പോഗാട്ടി എമ്മോഡൊപ്പ ബര്യ ഏസ്സ്‌ഗാറാര് കൂട്ട അയാള്‌ന തെരിന്തെ്ഡ്‌ത്ത്‌റ്‌ന്റാര്. എമ്മ എ്ഡ്‌ത്ത് പോവ ഈ ദറ്‌മ്മ ആണ്ടവാന്‌ന മദ്‌സുവാദ്‌മ് ദറ്‌മ്മ സേത്തുവ കാര്യാത്ത്‌ല് എമാക്ക് ഇര്‌ക്കുവ സുറുസുറുപ്പുള്ള മനേസ്സ്‌ന കാട്ടുവാദ്‌മ്‌ത്തെ.

ഗലാത്ത്യഗാറാര് 4:9

ആന ഇന്നാല് നിമാക്ക് സാമിന തെരിന്ത്‌റ്‌ക്ക്‌ന്റ്, അല്ല സാമിക്ക് നിമാനാമ് തെരിമ്. എന്റിന്ത് ഗുഡി ഒന്റുക്കുമു ഉവഗരപഡാദേമ് ഒന്റുമു ഗേയ മുഡ്യാദേമ് ഇര്‌ക്കുവ ഈ ഉലഗാത്ത്‌ല ഒന്റൊന്റു സട്ട്‌മെ്ട്ട്‌ഗാള്‌ന ഗേന്ത് പിന്നേമ് അദ്‌ക്ക് അഡിമെഗാളായ ആസെപഡുവാദ് എന്ത്‌ക്ക്?

ഗലാത്ത്യഗാറാര് 5:22

ആന സാമിനിഗാല് സൊല്ലുക്കു കെ്ട്ട്‌പട്ട് നഡാക്ക്‌ന്റ്‌വാര് പളാക്കഗാള്: അവാര് സീവാനിര്‌ക്ക്‌ന്റവാര്‌മ്, പിര്യപിര്യാത്ത് ഇര്‌ക്ക്‌ന്റവാര്‌മ്, നിമ്മ്‌ദ്യോഡ ഇര്‌ക്ക്‌ന്റവാര്‌മ്, പൊറിമുള്ളവാര്‌മ്, ഗവപഡ്‌ന്റവാര്‌മ്, ഉവഗര ഗേന്റവാര്‌മ്, നമ്പ്യ മുഡിന്റവാര്‌മ്,

പിലിപ്പ്യഗാറാര് 3:1

കഡേസില് ഏസ്സ്‌ഗാറാരെ, ആണ്ടവാന്‌ന നമ്പി നഡാക്കുവാദ്‌നാലെ നിമ്മ പിര്യപഡ്‌ന്. നാന് മുന്നുക്കു സൊന്ന കാര്യഗാള്‌ന മറിസി മറിസിമ് എ്ള്‌ദുവാദ്‌ല് എനാക്ക് ബുദ്ദിമുട്ടൊന്റുമില്ലെ. എന്ത്‌ക്കെന്റ് സൊന്ന അദ് നിമാന പാദ്‌ഗാക്ക്‌മ്.

പിലിപ്പ്യഗാറാര് 3:3

ആന സാമിനിഗാല് ഉദാവി ഗേന്ത് സാമിന കുമ്മുഡുവ നമ്മാത്തെ നേര്‌മായിമ് സാമിഗാറാര്. സാമിന പിര്യപഡിസ്യ ബേ്ണ്ടി മന്‌സാര് തമ്മ് സരിഗലാത്ത്‌ല് അഡ്യാള മാഡുവാദ്‌നാമ് മന്‌സാന് പെരിമെപഡുവ ഏദ് കാര്യഗാള്‌നാമ് നമ്മ നമ്പുവാദില്ലെ. നമാന കാപാറ്റ്യ ബേ്ണ്ടി ക്‌റ്‌സ്‌ത്ത് ഏസ്സ് ഗേന്ത കാര്യഗാള്‌ന സൊല്ലി താനെത്തെ നമ്മ പെരിമെപഡ്‌ന്റാമ്.

പിലിപ്പ്യഗാറാര് 4:4

നിമ്മ ആണ്ടവാന്‌ന നമ്പി നഡാക്കുവാദ്‌നാലെ എന്നാല്‌ക്ക്‌മ് പര്യപിര്യാത്തിര്‌ന്, പിര്യപിര്യാത്തിര്‌ന് എന്റ് നാന് പിന്നേമ് നിമാക്ക് സൊന്റെ.

കൊലേസ്യഗാറാര് 2:6

ക്‌റ്‌സ്‌ത്ത് ഏസ്സ്‌ന ആണ്ടവാനായി നിമ്മ തങ്കാരിത്ത് ബെത്ത്‌റ്‌ക്കുവാദ്‌നാലെ അയാള് സൊല്ലുപഡിക്ക് നഡാക്ക്‌ന്റവാരായി പെ്ളേന്.

1 പത്ത്‌റോസു 1:8

ഏസ്സ് ക്‌റ്‌സ്‌ത്ത്‌ന നിമ്മ ഇന്നമാട്ട്‌ക്ക് കാണാദിന്താല്‌മ് നിമ്മ അയാളോഡ സീവാന്‌ബെത്ത്‌റ്‌ന്റ്‌റ്. ഇന്നാല് നിമ്മ കാണാദിന്താല്‌മ് അയാള്‌ന നമ്പികൊണ്ടു സൊല്ലി തീര്‌ക്ക്യ മുഡ്യാത്താദ്‌മ് എത്ത്‌റാഗോ ദൊഡ്ഡാദ്‌ക്ക്‌മ് ഇര്‌ക്കുവ പിര്യാത്ത്‌ല് നിമ്മ പിര്യപഡ്‌ന്.